Yoona 4:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ A ka̱n nyeang á̱tyok a̱fwuon. A̱wot á̱tyok nang a shya̱ ma̱ng a̱nggu ma̱ninika a̱ni; nggu wa yet a̱tsatsak a̱tyok ang wu bah. A tak nung a̱tsatsak a̱lyiat.”

Yoona 4:18 Iomraidhean Croise

Ma̱rkut 10:12

Ma a̱nia wa, ka̱ a̱byii̱k ghwon a̱tyok nggu wu, a̱ si̱ nyeang a̱tyok a̱ghyang; a̱ nyia̱ a̱tyok ntsa wu katnaan nia.”

Yoona 4:16

Yesu si̱ nyia̱ ma̱ng a̱nggu a̱ni, “Nat, a yorong a̱tyok ang wu, nyi bai a̱ji dundung ma̱ng a̱nggu.”

Yoona 4:17

A̱nap wu si̱ nyia̱ ma̱ng Yesu a̱ni, “N byia̱ a̱tyok bah.” A̱jawa Yesu si̱ ma nyia̱, “A byia̱ a̱chuchuk nang a nhyia̱ nyia̱ da̱ a byia̱ a̱tyok a̱ni bah.

Yoona 4:19

A̱nap wu si̱ nyia̱ ma̱ng Yesu a̱ni, “A̱tyoli, n fi̱k nang a ngyet a̱ta̱m a̱kwonu A̱gwaza wa!

A̱romawa 7:3

Mat a̱nia, si̱ huni fa, ka̱ a̱tyok a̱byii̱k wu ni̱ shya̱ a̱chet, a̱wot a̱byii̱k wu si̱ nyeang a̱tyok a̱ghyang, á̱ na ngyei nggu a̱byii̱k katnaan. A̱wot ka̱ a̱tyok wu ma khwu wa, doka nyeang ji ni̱ nyia̱ tyok da̱ a̱byii̱k wu bah. Ka̱ a̱byii̱k a̱wa nyeang a̱tyok a̱ghyang, á̱ na kyiak gu nang a̱byii̱k katnaan wa a̱ni bah.

Ibriniyawa 13:4

A̱mgba̱m á̱tyok ma̱ng á̱nyiuk, nyi yok jhyuai swat nyeang bah. Ku myim nyi swan a̱tsotswat nswat ma̱ng á̱ghyang nyin. A̱wot nyi yok katnaan ma̱ng á̱tyok á̱ghyang ku á̱nyiuk á̱ghyang ma̱ zan bah. A̱tsak a̱lyiat, A̱gwaza na nyia̱ á̱niet katnaan ma̱ng á̱niet a̱shi̱shi̱k nyia̱ shi̱ri̱ya.