Yoona 4:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ Yesu si̱ nyia̱ ma̱ng a̱nggu a̱ni, “Nat, a yorong a̱tyok ang wu, nyi bai a̱ji dundung ma̱ng a̱nggu.”

Yoona 4:16 Iomraidhean Croise

Yoona 1:42

A̱ si̱ nat ma̱ng Bitut da̱ a̱vwuo Yesu ka. Nang Yesu ndi Bitut a̱ni, a̱ si̱ nyia̱ ma̱ng a̱nggu, “Nwan wa yet Siman nggwon Yoona kaa? Á̱ na ngyei ang ‘Kefat.’ ” (A̱lyoot ka nat cha̱chaat ma̱ng a̱lyoot Bitut ka, ka̱ fa “A̱fang”).

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 4:15

A̱nap Sa̱mariya wu si̱ nyia̱ ma̱ng a̱nggu a̱ni, “A̱tyoli, ma̱sa̱kut nang nung tangka̱i a̱sa̱khwot swuo a̱hwa! Mat n chat mashyi hu bu ta̱bat nung bah. A̱wot da̱ nung, n bu na mbai tok a̱sa̱khwot mi̱ ri̱jiya huni bah.”

Yoona 4:17

A̱nap wu si̱ nyia̱ ma̱ng Yesu a̱ni, “N byia̱ a̱tyok bah.” A̱jawa Yesu si̱ ma nyia̱, “A byia̱ a̱chuchuk nang a nhyia̱ nyia̱ da̱ a byia̱ a̱tyok a̱ni bah.

Yoona 4:18

A ka̱n nyeang á̱tyok a̱fwuon. A̱wot á̱tyok nang a shya̱ ma̱ng a̱nggu ma̱ninika a̱ni; nggu wa yet a̱tsatsak a̱tyok ang wu bah. A tak nung a̱tsatsak a̱lyiat.”

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.

Tyai Á̱zanson 2:23

N na hyaai á̱niet ba̱ khwi tyiet gu hu a̱ni. A̱wot a̱mgba̱m á̱niet khwi ba na lyen, nang nung gwa ngyet a̱tyu a̱ zop fwuo ma̱ng a̱di̱dam konyan a̱ni! Mat a̱nia, n na ntan konyan zang ma̱ cha̱chaat ma̱ng ta̱m hu nang gu nyia̱ a̱ni.