Yoona 4:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ A̱nap Sa̱mariya wu si̱ nyia̱ ma̱ng a̱nggu a̱ni, “A̱tyoli, ma̱sa̱kut nang nung tangka̱i a̱sa̱khwot swuo a̱hwa! Mat n chat mashyi hu bu ta̱bat nung bah. A̱wot da̱ nung, n bu na mbai tok a̱sa̱khwot mi̱ ri̱jiya huni bah.”

Yoona 4:15 Iomraidhean Croise

Yoona 4:16

Yesu si̱ nyia̱ ma̱ng a̱nggu a̱ni, “Nat, a yorong a̱tyok ang wu, nyi bai a̱ji dundung ma̱ng a̱nggu.”

Yoona 6:26

Yesu si̱ nwuak mba shim nyia̱, “N na ntak nyin a̱tsatsak a̱lyiat; nyi chat nung, mat nyi ku ya burodi wu nyi si̱ swa̱i; da̱ nyia̱ nyi fi̱k nkyang a̱ga̱de nang n nyia̱ wa a̱ni bah.

Yoona 6:34

A̱jawa á̱niet ba si̱ nyia̱ ma̱ng Yesu a̱ni, “A̱tyoli, nwuat zi̱t tangka̱i kyayak huni nchi̱ri̱ng!”

Yoona 6:35

Yesu si̱ nyia̱ ma̱ng a̱mba a̱ni, “Nung gwa ngyet kyayak nwuat swuan a̱hwa. A̱tyu a̱ bai da̱ a̱vwuo nung a̱ni, a̱ bu na mak fa̱k zong bah. A̱tyu a̱ nwuak fwuo da̱ nung a̱ni, a̱ bu si̱ mi̱n fa̱k mashyi bah.

A̱romawa 6:23

Mat záng a̱ka̱tuk nyia̱ ji yet a̱khwu kya, a̱wot za̱nang nang A̱gwaza nang zi̱t a̱ni, ji̱ si̱ yet swuan sang sangba̱p ja, nang á̱ shyat di̱ mun á̱pyia̱ ma̱ng Kristi Yesu A̱tyoli nzi̱t wu a̱ni.

A̱romawa 8:5

Á̱niet ba nang za̱kwa a̱ka̱tuk nyia̱ nyia̱ tyok da̱ mba a̱ni, ba̱ ni̱ nyia̱ a̱di̱dam tazwa nkyang a̱ka̱tuk nyia̱ mi̱ nfwuo mba na. Ma a̱nia wa, á̱niet ba nang A̱za̱za̱rak Ntswa nyia̱ tyok da̱ mba a̱ni, ba̱ ni̱ nyia̱ a̱di̱dam tazwa nkyang nang A̱za̱za̱rak Ntswa wu chat a̱ni.

1 A̱korontiyawa 2:14

A̱wot á̱niet ba̱ sang A̱za̱za̱rak Ntswa wu a̱ni, ba̱ si̱ mi̱n san a̱chuchuk wuni a̱ neet da̱ a̱vwuo A̱za̱za̱rak Ntswa A̱gwaza a̱ni bah. Mat da̱ a̱vwuo mba a̱chuchuk wu yet bwuon hwa. Da̱ mba, ba̱ si̱ mi̱n fi̱k gu bah. Mat ma̱ á̱niet ba̱ byia̱ A̱za̱za̱rak Ntswa wu a̱ni, bibya ni̱ fi̱k a̱chuchuk A̱gwaza wu nang A̱za̱za̱rak Ntswa wu ni̱ tyai a̱ni.

Yakubu 4:3

A̱wot jen nang nyi nnaai A̱gwaza kyang a̱ni, da̱ nggu a̱ na nang nyin bah. Mat, nyi ni̱ naai ma̱ng a̱ka̱tuk a̱di̱dam. Nyi ni̱ chat nkyang nyi naai a̱ni, nyi ka nfa̱k nyinyang á̱pyia̱ nyin hwa ma̱nyin nyin.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.