Yoona 4:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ Da̱ a̱kwonu a̱kya, a̱sa̱khwot nang n na nang nggu a̱ni, a̱ bu si̱ mi̱n mak fa̱k mashyi bah. A̱sa̱khwot na nang n na nnang nggu a̱ni; na̱ na yet nnang a̱sa̱khwot na̱ hyai á̱ ghwut. A̱wot na̱ bu na nwuak gu swuan sang sangba̱p.”

Yoona 4:14 Iomraidhean Croise

Matyu 25:46

“A̱jawa á̱ na khap á̱ka̱tuk á̱niet a̱bya, á̱ tyia̱ mba swuo a̱bung sang sangba̱p. A̱wot á̱tsotswat á̱niet ba na shya̱ swuan sang sangba̱p.”

Matyu 5:6

A̱gwaza tyei a̱li̱ba̱rka da̱ á̱niet ba̱ fwuong zong ma̱ng mashyi a̱ni, mat ba̱ nyia̱ tsotswat nang A̱gwaza nchat a̱ni. Mat A̱gwaza na tyia̱ mba ba̱ shya̱ nkyang nang ba̱ chat a̱ni, ba̱ swa̱i.

Yoona 10:10

A̱tang wu ni̱ bai da̱nian gu ka nyiin, gu hyaat. Nung, n bai n nwuak á̱niet ba a̱jhyem swuan, ba̱ shya̱ nji gba̱mgbam!

Yoona 11:26

A̱tyu a̱ shya̱ a̱chet, a̱ si̱ bu nwuak fwuo da̱ nung a̱ni; a̱ na khwu bah, ba̱ng si̱ nat sang sangba̱p. A nwuak a̱chuchuk a?”

Yoona 4:10

Yesu si̱ nwuak gu shim nyia̱, “Ka a wa lyen za̱nang A̱gwaza, a̱wot a si̱ bu lyen a̱tyu a̱ nyia̱ a nang gu a̱sa̱khwot na gu swuo a̱ni; si̱ a na lyip gu, a̱wot gu nang ang a̱sa̱khwot nswuan.”

Yoona 4:11

A̱jawa a̱nap wu nyia̱ ma̱ng a̱nggu a̱ni, “Nwan a̱tyoli, a byia̱ kyang bwuo a̱sa̱khwot hu bah. Ri̱jiya huhwa hu ku yet a̱tsuung. Ka̱ a̱nia wa, a̱ji wa nang a na nshya̱ a̱sa̱khwot nswuan na?

Yoona 4:13

Yesu si̱ nwuak a̱nap wu shim nyia̱, “Konyan wa swuo a̱sa̱khwot nani, mashyi bu na ta̱bat guu.

Yoona 4:36

A̱tyu a̱ chak yak hu a̱ni, á̱ na tan gu zang. A̱wot a̱ na tung yak hu, a̱ shya̱ zang swuan sang sangba̱p. Da̱nian a̱tyu a̱ chyui yak hu a̱ni, ma̱ng a̱tyu a̱ chak a̱ni; ba̱ ka gwai dundung.

Yoona 6:27

“Nyi yok veang chat nkyayak na̱ na byian a̱ni bah. Da̱ a̱kwonu a̱kya, nyi nyia̱ ta̱m da̱nian kyayak hu na nwai byian a̱ni; ma̱ng si̱ hu ku na nwuak nyin swuan sang sangba̱p ji a̱ni. Huhwa yet kyayak nang Nggwon A̱tyubishyi ka na nwuak nyin a̱ni. Mat Nggwon A̱tyubishyi kya nang A̱tyia̱ wu ka̱n shim nka ndyo.”

Yoona 6:35

Yesu si̱ nyia̱ ma̱ng a̱mba a̱ni, “Nung gwa ngyet kyayak nwuat swuan a̱hwa. A̱tyu a̱ bai da̱ a̱vwuo nung a̱ni, a̱ bu na mak fa̱k zong bah. A̱tyu a̱ nwuak fwuo da̱ nung a̱ni, a̱ bu si̱ mi̱n fa̱k mashyi bah.

Yoona 6:58

“Nung gwa ngyet a̱tsatsak kyayak wu a̱ chyok a̱ neet Ma A̱gwaza tswazwa ka a̱ni. Ku vwuon ma̱ng kyayak hu nang a̱yaatyia̱ a̱khwop nyin ba ku ya mi̱ tswa a̱yit ji. A̱wot a̱mgba̱m ma̱ng ya kyayak a̱hwa, ba̱ si̱ kwi. A̱tyu a̱ ya kyayak nung hu a̱ni, a̱ na shya̱ swuan sang sangba̱p.”

Yoona 7:37

A̱tuk ngaan A̱yet Á̱suswak ka, mam a̱hwa hwa yet a̱gba̱ndang mam a̱yet wu. Yesu si̱ doot a̱ yong. A̱ si̱ ta̱ngam a̱nwuat ka mi̱ chet nyia̱, “Konyan wa fwuong mashyi a̱sa̱khwot a̱ni, gu bai da̱ a̱vwuo nung, gu swuo!

A̱romawa 5:21

Ma a̱nia wa, ma̱ninika, ma̱nang a̱ka̱tuk nyia̱ wu nnyia̱ tyok tazwa a̱mgba̱m á̱niet ba a̱ni, a̱wot a̱ si̱ tyia̱ mba a̱khwu ka a̱ni; ma a̱nia wa, a̱gba̱ndang shok A̱gwaza wu nnyia̱ tyok tazwa nzi̱t da̱ a̱kwonu a̱ka̱tuk nyia̱. A̱wot shok A̱gwaza ji si̱ tyia̱ nang A̱gwaza ntak kpa̱sai nang gu nkyiak zi̱t zi̱ yet á̱tsotswat á̱niet ma̱ng sang a̱bun bya a̱zaghyi nggu. Shok jini bu tyia̱ nang zi̱ nshya̱ swuan sang sangba̱p di̱ mun á̱pyia̱ ma̱ng Yesu Kristi a̱ yet A̱tyoli nzi̱t wu a̱ni.

A̱romawa 6:23

Mat záng a̱ka̱tuk nyia̱ ji yet a̱khwu kya, a̱wot za̱nang nang A̱gwaza nang zi̱t a̱ni, ji̱ si̱ yet swuan sang sangba̱p ja, nang á̱ shyat di̱ mun á̱pyia̱ ma̱ng Kristi Yesu A̱tyoli nzi̱t wu a̱ni.

2 A̱korontiyawa 1:22

A̱wot a̱ si̱ kpaat nzi̱t a̱timi nang zi̱ ngyet á̱niet guu a̱ni, mat nang gu nnang nzi̱t A̱za̱za̱rak Ntswa wu mi̱ nfwuo nzi̱t na a̱ni. A̱za̱za̱rak Ntswa wu wa yet a̱kwonu nang gu ntsa a̱ nwuat zi̱t a̱ni; ku tak nang nggu na nka̱u nzi̱t á̱kum nkyang nang gu la̱p a̱ sak nzi̱t ndyo a̱ni.

A̱fisawa 4:30

Nyi ta̱bam kalak nyi du byian A̱za̱za̱rak Ntswa wu fwuo, mat swat nyin hu. Mat A̱za̱za̱rak Ntswa wu a̱ shya̱ ma̱ nyin a̱ni, nggu wa yet a̱timi a̱ tak nang nyi ngyet á̱niet A̱gwaza bya a̱ni. Nggu wa bu na tak nang nyi na nshya̱ san nyi yet á̱sa̱t á̱niet a̱tuk mam shi̱ri̱ya A̱gwaza ka.

1 Bitut 1:22

Á̱ ku jaat nyin a̱ka̱tuk nyia̱ nyin wu di̱n jen nang nyi ku nwuo khwi a̱chuchuk wu a̱ni. Ma̱ninika, ku yet ta hwa, nyi tak nang nyi nchat á̱ghyang nyin a̱tsatsak chat nang á̱na̱nyiuk a̱ni. Nyi chat á̱ghyang nyin ma̱ng a̱mgba̱m nfwuo nyin na.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.

Tyai Á̱zanson 7:16

Ba̱ bu byia̱ fa̱k zong, ku mashyi bah. Di̱ mam, ku bu na shwai mba bah; da̱ a̱vwuo ka̱ bu na gurup mba bah.

Tyai Á̱zanson 7:17

Mat Fi̱ng A̱nfwuk hu ku yong da̱ a̱beam a̱gba̱ndang chuk tyok wu a̱ni, nggu wa na chok ba! A̱ bu nat ma̱ a̱mba di̱ nnang a̱sa̱khwot nwuat swuan. A̱wot A̱gwaza na lyang mba kuzang ndang a̱ghyi ma̱ á̱ghyi mba ba!”