Yoona 4:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Yesu si̱ nwuak gu shim nyia̱, “Ka a wa lyen za̱nang A̱gwaza, a̱wot a si̱ bu lyen a̱tyu a̱ nyia̱ a nang gu a̱sa̱khwot na gu swuo a̱ni; si̱ a na lyip gu, a̱wot gu nang ang a̱sa̱khwot nswuan.”

Yoona 4:10 Iomraidhean Croise

Luka 11:13

Mat a̱nia, ki̱ nyin á̱niet á̱ka̱tuk nyia̱ lyen si̱sak ji nang nyi na nka̱u mman nyin na a̱tsatsak za̱náng a̱ni, ku fa A̱tyia̱ nyin wu a̱ shya̱ tswazwa ka a̱ni; a̱ na nang á̱niet ba ba̱ lyip gu a̱ni A̱za̱za̱rak Ntswa wu a̱ swaak.”

Yoona 16:3

Ba̱ na nyia̱ a̱nia, mat ba̱ ka̱n dyen A̱tyia̱ wu ma̱ng a̱nung bah.

Yoona 17:3

“Swuan sang sangba̱p jini ja yet; á̱niet ba ba̱ lyen ang, nang nwan wa ma̱nyin ang ngyet a̱tsatsak A̱gwaza wu, ma̱ng Yesu Kristi, a̱tyo nang a ku nta̱m ndyo mi̱ swanta hu a̱ni.

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Yoona 4:14

Da̱ a̱kwonu a̱kya, a̱sa̱khwot nang n na nang nggu a̱ni, a̱ bu si̱ mi̱n mak fa̱k mashyi bah. A̱sa̱khwot na nang n na nnang nggu a̱ni; na̱ na yet nnang a̱sa̱khwot na̱ hyai á̱ ghwut. A̱wot na̱ bu na nwuak gu swuan sang sangba̱p.”

Yoona 6:35

Yesu si̱ nyia̱ ma̱ng a̱mba a̱ni, “Nung gwa ngyet kyayak nwuat swuan a̱hwa. A̱tyu a̱ bai da̱ a̱vwuo nung a̱ni, a̱ bu na mak fa̱k zong bah. A̱tyu a̱ nwuak fwuo da̱ nung a̱ni, a̱ bu si̱ mi̱n fa̱k mashyi bah.

Yoona 6:51

Nung gwa ngyet kyayak swuan ku chyok neet Ma A̱gwaza tswazwa ka a̱ni. Konyan wa ya kyayak a̱hwa a̱ na shya̱ swuan sang sangba̱p. Kyayak a̱hwa nang n na nwuak a̱nyuu a̱ni; ku na yet nam vam nung hu hwa, nang n na neap da̱nian a̱mgba̱m á̱niet mi̱ swanta ba, ba̱ ka shya̱ swuan ji.”

Nta̱m A̱yaata̱m 9:11

A̱tyoli Yesu si̱ nyia̱ ma̱ng a̱nggu, “Doot a nat di̱n vak hu nang á̱ ngyei ‘A̱di̱di̱r Nvak’ wu a̱ni. A si̱ chat a̱li a̱tyu nang á̱ ngyei Yahuda a̱ni. Ka a si̱ tat a̱li ka, a lyip a̱tyu a̱keang Tasut, nang á̱ ngyei Sha̱wulu a̱ni. Ma̱ninika, a̱ shya̱ a̱ja a̱ naai nung.

A̱romawa 8:32

Mat nang A̱gwaza nnwai vwuong ma̱ng Nggwon nggu ka nang gu byia̱ ma̱nyin ka a̱ni, a̱wot a̱ si̱ neap ka nang za̱nang a̱ni da̱nian zi̱t a̱mgba̱m; a̱tsak a̱lyiat, ku fa za̱m, A̱gwaza na nang zi̱t kuzang kyang meang!

1 A̱korontiyawa 1:30

A̱gwaza wa tyia̱ nyi si̱ mun á̱pyia̱ ndung ma̱ng Kristi Yesu. A̱gwaza si̱ bwuak Kristi a̱ ntyia̱ mumwang nggu nang a̱tyubishyi a̱ni, da̱nian zi̱ ka shya̱ kpangti̱n. Kristi si̱ tyia̱ zi̱ yet á̱tsotswat ma̱ng A̱gwaza. A̱ si̱ jaat zi̱t zi̱ yet a̱za̱za̱rak. A̱wot a̱ si̱ ti̱n zi̱t ma̱ a̱ka̱tuk nyia̱.

1 A̱korontiyawa 10:4

A̱wot a̱mgba̱m ba si̱ swuo tangka̱i a̱sa̱khwot A̱za̱za̱rak Ntswa nyiung wa. A̱wot a̱mgba̱m ba si̱ swuo a̱sa̱khwot na̱ ku neet ma̱ a̱za̱za̱rak a̱fang a̱wa a̱ ku chong ndung ma̱ng a̱mba a̱ni. A̱fang a̱kya ku yet kidee Kristi ja ma̱ a̱pyia̱ nggu.

2 A̱korontiyawa 9:15

Zi̱ gwai A̱gwaza wu da̱nian za̱nang nggu jini, ji̱ yet kyang a̱ga̱de hwa da̱nang a̱tyubishyi si̱ mi̱n dyiat a̱ni bah!

A̱fisawa 2:8

A̱gwaza ku san nyin mat shok nggu ji, di̱n jen nang nyi nnwuak fwuo di̱ Yesu a̱ni. A̱wot si̱ huni yet kwan ma̱ á̱pyia̱ nyin di̱ nyia̱ a̱tan nta̱m hwa bah. Ku yet za̱nang A̱gwaza ja.

Ibriniyawa 6:4

Tangka̱i á̱niet ba̱ ka̱n shya̱ sai A̱gwaza hu mi̱ nfwuo mba na, ba̱ si̱ san a̱tan za̱nang ji̱ neet Ma A̱gwaza tswazwa, a̱wot A̱za̱za̱rak Ntswa wu si̱ nyia̱ ta̱m ma̱ng a̱mba,

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.

Tyai Á̱zanson 21:6

A̱wot A̱gwaza si̱ bu nyia̱, “Ku bai tyak! Nung gwa ngyet A̱lfa ma̱ng Omega; A̱son ka ma̱ng A̱ngaan ka! Konyan wa a̱ fwuong mashyi a̱ni, n na nang gu a̱sa̱khwot mi̱ nnang a̱sa̱khwot nswuan na gu swuo! A̱ na tan bah.

Tyai Á̱zanson 22:17

A̱za̱za̱rak Ntswa wu ma̱ng Nggwon neam naat nyeang ka si̱ nyia̱, “Yesu bai!” Konyan wa fa̱k a̱ni, yok gu nyia̱, “Yesu bai!” Yok a̱mgba̱m á̱niet ba̱ fwuong mashyi a̱sa̱khwot a̱ni, ba̱ bai! Yok á̱niet ba̱ chat swuo a̱sa̱khwot nswuan a̱ni, ba̱ bai ba̱ swuo di̱ mi̱n tan zang!

Tyai Á̱zanson 7:17

Mat Fi̱ng A̱nfwuk hu ku yong da̱ a̱beam a̱gba̱ndang chuk tyok wu a̱ni, nggu wa na chok ba! A̱ bu nat ma̱ a̱mba di̱ nnang a̱sa̱khwot nwuat swuan. A̱wot A̱gwaza na lyang mba kuzang ndang a̱ghyi ma̱ á̱ghyi mba ba!”