Yoona 4:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Nang Yesu ndyen nang A̱fa̱risawa ba nfa̱k nkhang nang gu nshyat á̱niet ba̱ khwi gu a̱ni, a̱wot a̱ si̱ nyia̱ mba ba̱ptisman ba̱ si̱ yet mman ta̱m guu, ba̱ si̱ swak mman ta̱m Yoona na ma̱ng shi á̱kpa hu.

Yoona 4:1 Iomraidhean Croise

Luka 1:76

A̱wot nwan nggwon nung, á̱ na ngyei ang a̱ta̱m a̱kwonu A̱gwaza Tswazwa, a̱ Swak ma̱ng A̱kyenkyai Shi a̱ni. Mat a na yet a̱son bai ghwon A̱tyoli wu, a ka jhyi nggu vak hu.

Luka 19:31

Ka̱ a̱yin lyip nyin kyang ku mbyia̱ nang nyi mbyi nka a̱ni, nyi nyia̱ ma̱ng a̱nggu, ‘A̱tyoli wa chat ka.’ ”

Luka 19:34

Mman ta̱m na si̱ nwuak gu shim nyia̱, “A̱tyoli wa chat ka.”

Luka 2:11

Mat a̱fwun kani, mi̱ Ba̱italami a̱keang a̱gwam Da̱wuda, á̱ byin nyin nggwon, ka̱ yet A̱tyusan! Kikya bu yet Kristi, a̱tyu nang A̱gwaza kup ka tyok a̱ni; kikya bu yet A̱tyoli wu.

Luka 7:13

Nang A̱tyoli Yesu ndi a̱byii̱k wu a̱ni, a̱ si̱ fa̱k kunak gu ba̱t, a̱ si̱ nyia̱, “Yok twei bah!”

Luka 7:19

A̱ si̱ ta̱m ba da̱ a̱vwuo A̱tyoli Yesu, ba̱ si̱ lyip gu nyia̱, “Nwan wa yet Kristi wu nang zi̱ swan fwuong chobai nggu hu a̱ni a? Ke zi̱ swan fwuong a̱ghyang a̱niet wa?”

Yoona 3:22

Nang Yesu ntyak a̱lyiat nani a̱ni, a̱ si̱ doot mbeang mman ta̱m nggu na. Ba̱ si̱ nat di̱ fam a̱byin Yahudiya. A̱ si̱si̱ labeang dundung ma̱ng a̱mba, nang gu nyia̱ á̱niet ba̱ptisman ji a̱ja.

Yoona 3:26

Huhwa ba̱ si̱ nat, ba̱ si̱si̱ shya̱ Yoona. Ba̱ si̱ nyia̱ ma̱ng a̱nggu a̱ni, “A̱tyu tyiet, a jhyung a̱tyu a̱ ku shya̱ dundung ma̱ng a̱nwan a̱ma̱nyi fam a̱tak a̱ghyui Urdun ka nang a ku lyiat a̱ni a? Di, nggu wa nyia̱ á̱niet ba̱ptisman di̱ yong huni! A̱wot á̱niet ma̱ a̱di̱di̱t chong da̱ a̱vwuo nggu!”

Nta̱m A̱yaata̱m 10:36

Nyi lyen ta̱m jini ja yet A̱sham Nkhang ka da̱nian á̱niet Isi̱rela ba; nyia̱ á̱ shyat swat nyinyang ma̱ng A̱gwaza mat mun á̱pyia̱ ma̱ng Yesu Kristi. Nggu wa yet A̱tyoli a̱mgba̱m á̱nietbishyi.

1 A̱korontiyawa 1:17

Mat Kristi ku ta̱m nung da̱nian n ka nyia̱ á̱niet ba̱ptisman ja bah. A̱ ku ta̱m nung mat n shei A̱sham Nkhang kya. A̱wot n shei ka ma̱ng lyen tak a̱lyiat tí̱tak hwa bah, kalak a̱team a̱khwu Kristi wu na yet a̱buk kyang wa.

1 A̱korontiyawa 15:47

A̱da̱mu, a̱ ku yet a̱son ka a̱ni, yet mbyin nia. A̱wot Kristi, a̱ yet ngaan wu a̱ni, si̱ neet Ma A̱gwaza tswazwa kya.

1 A̱korontiyawa 2:8

A̱wot á̱niet nyia̱ tyok swanta bani ka̱n fi̱k mumwang a̱hwa bah. Ka̱ ba̱ wa ku fi̱k hu, si̱ ba̱ ku hyat A̱tyoli nzi̱t wu a̱ byia̱ shi a̱ni, di̱ kpang gu da̱ a̱team a̱khwu wu bah.

2 A̱korontiyawa 4:5

Nyi fa̱k, zi̱ chong kat shei nyin a̱lyiat tazwa á̱pyia̱ nzi̱t bah. Zi̱ shei nang Yesu Kristi wa ngyet A̱tyoli wu, a̱wot nzi̱t ma̱ á̱pyia̱ nzi̱t zi̱ yet á̱khwo nyin bya da̱nian Yesu.

Yakubu 2:1

Nyin á̱niet khwi Yesu ba nang n chat a̱ni! Ki̱ nyi khai á̱niet da̱ á̱ghyi ghwon á̱ghyang, nyi na nyia̱ ni nyi ntak nwuak fwuo nyin hu da̱ A̱tyoli Yesu Kristi a̱ byia̱ a̱kyenkyai shi wu a̱ni?

Tyai Á̱zanson 19:16

Tazwa a̱toot nggu ka da̱ a̱bwan ntak nggu wu, á̱ si̱ ndyuut a̱lyoot tyok kani, “A̱gwam á̱gwam, ma̱ng A̱tyoli a̱yaatyoli!”