Yoona 3:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ Wun hu ni̱ hyap a̱ tyei da̱ a̱vwuo ka nang ku tyei a̱ni. A ni̱ fa̱k nang ku khwom wa. Da̱ nwan, a lyen a̱vwuo ka ku nneet a̱ni, ke tyan nang ku nnaat a̱ni bah. Ma a̱nia wa ku ndi ma̱ng byin A̱za̱za̱rak Ntswa hu.”

Yoona 3:8 Iomraidhean Croise

Yoona 1:13

Bibya yet á̱niet ba da̱ á̱ tyei ba̱ yet mman A̱gwaza mat a̱sok nia a̱ni bah; da̱ nyia̱ mat chat vam hwa bah; da̱ mat fa a̱tyubishyi hwa bah. Da̱ a̱kwonu a̱kya, swuan jini, A̱gwaza wa ma̱ a̱pyia̱ nggu nang mba jii.

Yoona 3:7

Ku yok yet ang kyang a̱ga̱de bah, nang n nyia̱ ma̱ng a̱nwan, ‘Ku yet ta hwa á̱ bu byin a̱yin a̱ka̱feang a̱ni.’

Yoona 3:9

Nikodimut si̱ bu lyip Yesu nyia̱, “Ku na nyia̱ ni ku ndi a̱nia?”

Nta̱m A̱yaata̱m 2:2

Ma̱nang but á̱ghyi a̱ni, ba̱ si̱ kin fa̱k wun ku khwom ma̱ vwuu a̱ hyap mi̱ chet, neet tswazwa a̱ ba̱ hyat a̱li ka nang ba̱ nshya̱ a̱ni!

Nta̱m A̱yaata̱m 4:31

Nang ba̱ ntyak naai A̱gwaza hu a̱ni, tutu hu nang ba̱ ntung a̱ni, si̱ tyi̱ri̱m ku si̱ tyia̱ ma̱ zunzung a̱nzung! A̱za̱za̱rak Ntswa wu si̱ tyia̱ mba chet. A̱wot ba̱ si̱ ta̱bat shei á̱lyiat A̱gwaza na ma̱ng gbang a̱lyia̱.

1 A̱korontiyawa 12:11

A̱mgba̱m za̱náng chet jini A̱za̱za̱rak Ntswa A̱gwaza wa ma̱nyin gu ka̱u njii. Nggu wa ma̱nyin gu bu khai za̱náng chet nang gu na nang konyan a̱ni.

1 A̱korontiyawa 2:11

Á̱ mbyia̱ a̱tyu a̱ maai a̱ lyen a̱di̱dam a̱ghyang a̱niet a̱ni bah, si̱ mi̱ tswa a̱tyu a̱ja. A̱wot á̱ mbyia̱ a̱tyu a̱ maai a̱ lyen a̱di̱dam A̱gwaza a̱ni bah, si̱ mi̱ Tswa A̱gwaza ji ma̱nyin ji.

1 Yoona 2:29

Mat nang zi̱ ndyen nang Kristi ngyet a̱tsotswat wa a̱ni, zi̱ bu lyen konyan wa nyia̱ tsotswat, a̱ yet a̱tsatsak nggwon A̱gwaza wa.