Yoona 3:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Kyang a̱tyubishyi byin a̱ni; ku yet a̱tyubishyi wa. Kyang á̱ byin ma̱ A̱za̱za̱rak Ntswa a̱ni; yet A̱za̱za̱rak Ntswa wa.

Yoona 3:6 Iomraidhean Croise

Yoona 1:13

Bibya yet á̱niet ba da̱ á̱ tyei ba̱ yet mman A̱gwaza mat a̱sok nia a̱ni bah; da̱ nyia̱ mat chat vam hwa bah; da̱ mat fa a̱tyubishyi hwa bah. Da̱ a̱kwonu a̱kya, swuan jini, A̱gwaza wa ma̱ a̱pyia̱ nggu nang mba jii.

Yoona 3:7

Ku yok yet ang kyang a̱ga̱de bah, nang n nyia̱ ma̱ng a̱nwan, ‘Ku yet ta hwa á̱ bu byin a̱yin a̱ka̱feang a̱ni.’

A̱romawa 7:18

A̱wot n dyen, a̱tan kyang shya̱ mi̱ za̱kwa a̱ka̱tuk nyia̱ nung ji bah. N ni̱ chat nyia̱ kyang ku yet a̱tan a̱ni, a̱wot nyia̱ hu ni̱ kaat nung.

A̱romawa 7:25

N gwai ma̱ A̱gwaza! Yesu Kristi A̱tyoli nzi̱t wu, nggu wa na ti̱n nzi̱t mi̱ vam za̱kwa a̱ka̱tuk nyia̱ ma̱ng a̱khwu. Mat a̱nia, mi̱ fwuo nung hu, n ni̱ khwi doka A̱gwaza ji. A̱wot mat za̱kwa a̱ka̱tuk nyia̱ nung ji, n gyet a̱khwo a̱ka̱tuk nyia̱ wa.

A̱romawa 7:5

Mi̱ jen ji ji̱ swak a̱ni, a̱khwukhwop za̱kwa ku nyia̱ tyok da̱ nzi̱t, di̱dang nyia̱ a̱ka̱tuk nyia̱ si̱ nyia̱ tyok mi̱ nfwuo nzi̱t na. Doka ji si̱ fuut di̱dang a̱ka̱tuk nyia̱ ku tyei nzi̱t, zi̱ nyia̱ a̱ka̱tuk nyia̱ gba̱mgbam a̱ tyei a̱khwu a̱ni.

A̱romawa 8:13

Mat ki̱ nyi khwi kyang nang za̱kwa a̱ka̱tuk nyia̱ nyin ji chat a̱ni, nyi kai vak a̱khwu hwa a̱hwa. Ma a̱nia wa, ka̱ nyi shim A̱za̱za̱rak Ntswa wu wa si̱ nyia̱ tyok da̱ nyin, za̱kwa a̱ka̱tuk nyia̱ nyin ji na kwi. A̱wot nyi na shya̱ swuan sang sangba̱p.

1 A̱korontiyawa 6:17

A̱wot a̱tyu a̱ mun a̱pyia̱ nggu ma̱ng A̱gwaza a̱ni, a̱ yet tswa jhyung ja ma̱ng a̱nggu.

2 A̱korontiyawa 5:17

Si̱ huni fa, kuzang a̱yin a̱ mun a̱pyia̱ ma̱ng Yesu Kristi a̱ni, a̱ yet á̱niet a̱fai wa nang A̱gwaza sii mat a̱ni. A̱khwukhwop nswat nggu wu swak, a̱wot a̱ si̱ nwuo swan swat fai.

A̱ga̱la̱tiyawa 5:24

A̱mgba̱m á̱niet ba̱ mun á̱pyia̱ ma̱ng Kristi Yesu a̱ni, ba̱ ka̱n kpang nta̱m za̱kwa a̱ka̱tuk nyia̱ mba na, ma̱ng a̱di̱di̱t a̱ka̱tuk fwuong di̱dang mba wu, da̱ a̱team a̱khwu Kristi wu.

A̱fisawa 2:3

A̱mgba̱m zi̱t, zi̱ ku swan tangka̱i a̱ka̱tuk nswat a̱hwa dundung ma̱ng á̱kum á̱niet swanta ba. Zi̱ ni̱ khwi shyuo nvam nzi̱t ji, ma̱ng si̱ a̱di̱dam a̱ka̱tuk za̱kwa nzi̱t wu. Mat za̱kwa a̱ka̱tuk nyia̱ nzi̱t ji, A̱gwaza si̱ mwai lyen ma̱ng a̱nzi̱t, ma̱nang á̱kum á̱niet swanta ba a̱ni.

A̱kolosiyawa 2:11

Di̱n jen nang nyi ku mmun á̱pyia̱ ma̱ng Kristi a̱ni, á̱ ku tyia̱ nyin mi̱ nchen. A̱wot tangka̱i tyia̱ mi̱ chen Kristi hu yet si̱ vam a̱tyubishyi hwa bah. Tangka̱i tyia̱ mi̱ nchen huni yet si̱ A̱za̱za̱rak Ntswa hwa; mat Kristi wa faat za̱kwa a̱ka̱tuk nyia̱ nyin ji a̱ tyat a̱ si̱ ji̱p.

1 Yoona 3:9

Á̱niet ba̱ yet á̱tsatsak mman A̱gwaza a̱ni, ba̱ ni̱ ya a̱son ma̱ng nyia̱ a̱ka̱tuk nyia̱ nchi̱ri̱ng bah, mat za̱kwa mba ji tai si̱ A̱gwaza. Mat a̱nia, ba̱ si̱ mi̱n gya a̱son mi̱ nyia̱ a̱ka̱tuk nyia̱ bah. Mat á̱ byin mba neet Ma A̱gwaza tswazwa, ba̱ yet á̱tsatsak mman A̱gwaza nia.