Yoona 3:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Yesu si̱ nwuak gu shim nyia̱, “Yok, n tak ma̱ng a̱nwan a̱tsatsak a̱lyiat; ka̱ á̱ byin a̱yin ma̱ng a̱sa̱khwot ma̱ng A̱za̱za̱rak Ntswa bah, a̱ si̱ mi̱n nwuo Tyok A̱gwaza hu bah.

Yoona 3:5 Iomraidhean Croise

Matyu 18:3

A̱ si̱ nyia̱, “N tak nyin a̱tsak a̱lyiat, si̱ nang nyi ghwon a̱ka̱tuk nyia̱ nyin wu, nyi si̱ bu kyiak pyipyia̱ nyin nang a̱banggwon kani a̱ni, kalak nyi na nwuo mi̱ Tyok Ma A̱gwaza tswazwa hu bah.

Matyu 19:24

N bu shei nyin, ku na laai lan a̱lakumi a̱ nwuo a̱ kaat a̱ ghwut mi̱ zwua̱i a̱yop, nang a̱tyu nzwá na nnwuo mi̱ Tyok A̱gwaza hu a̱ni.”

Matyu 21:31

“Mami mman a̱feang a̱nia, a̱nyan wa nyia̱ kyang nang a̱tyia̱ wu chat a̱ni?” Ba̱ si̱ nyia̱, “Á̱niet khwop nggwon wu wa.” A̱jawa Yesu si̱ wa̱i mba kyang nang kidee ji fa a̱ni, “N tak nyin a̱tsak a̱lyiat, á̱ka̱tuk á̱niet saai kurum ga̱ndu ma̱ng á̱nyiuk ba̱ yet khám a̱ni, na kyiak a̱son nyin di̱ nwuo Tyok A̱gwaza hu!

Matyu 28:19

Mat a̱nia, nyi nat nyi si̱ tyia̱ a̱mgba̱m á̱niet kuzang nwap mi̱ swanta hu ba̱ yet mman ta̱m ba̱ khwi nung. Nyi nyia̱ mba ba̱ptisman mami a̱lyoot A̱tyia̱, ma̱ng Nggwon, ma̱ng A̱za̱za̱rak Ntswa wu.

Matyu 3:11

“Nung, n nyia̱ nyin ba̱ptisman ma̱ng a̱sa̱khwot nia, jija tak nang nyi nghwon a̱ka̱tuk nyia̱ nyin wu. A̱wot a̱yin chobai, a̱tyu a̱ swak nung mi̱ chet a̱ni, n maai mi̱ maai n ti̱n á̱kwatak nggu ba bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Matyu 5:20

“A̱wot n tak nyin; ka̱ tsotswat nyin hu swak si̱ A̱fa̱risawa hu ma̱ng á̱niet tyiet doká ba bah, a̱tsak a̱lyiat; nyi si̱ mi̱n mak nwuo Tyok Ma A̱gwaza tswazwa hu bah.

Ma̱rkut 10:14

Nang Yesu ndi a̱nia a̱ni, a̱ si̱ fa̱k a̱lyia̱ ya ma̱ng mman ta̱m nggu na, a̱ si̱ nyia̱, “Nyi yok a̱chyuang mman wu ba̱ bai da̱ a̱vwuo nung. Nyi yok vwuong mba bah. Mat ntangka̱i mman nani, yet mman Tyok A̱gwaza nia.

Ma̱rkut 16:16

Konyan wa nwuak fwuo da̱ nung, a̱wot á̱ si̱ nyia̱ nggu ba̱ptisman, a̱ na shya̱ san. A̱wot konyan wa ma ndak nwuak fwuo da̱ nung, á̱ na faat gu shi̱ri̱ya a̱khwu.

Ma̱rkut 9:47

“A̱wot ka̱ tswa a̱li ang ja ma ntyei ang nyia̱ a̱ka̱tuk, a ti̱n ji̱ ji̱p. Ku na lan a nwuo Tyok A̱gwaza hu ma̱ng tswa a̱li jhyung nang á̱ na nta ang mi̱ ndong sang sangba̱p hu mi̱ tswá á̱ghyi ang ji̱ sweang a̱ni;

Luka 13:24

Yesu si̱ nwuak gu shim nyia̱, “Nyi kwan nyi nwuo Tyok A̱gwaza hu da̱ a̱bafa̱fap a̱zanunyuo. Mat, á̱niet ma̱ a̱di̱di̱t na kwan ba̱ nwuo. A̱wot ba na shya̱ nwuo hu bah.

Luka 13:3

Kaai, ku ma̱ chunchwiit! A̱wot nyin meang, si̱ nang nyi ghwon a̱ka̱tuk nyia̱ nyin wu, nyi si̱ khwi A̱gwaza; kalak nyi na kwi mut!

Luka 13:5

Kaai, ku ma̱ chunchwiit! A̱wot n bu na tak ma̱ng a̱nyin; ka̱ nyi ghwon a̱ka̱tuk nyia̱ nyin wu, nyi si̱ khwi A̱gwaza bah, nyin meang nyi na kwi mut!”

Yoona 1:13

Bibya yet á̱niet ba da̱ á̱ tyei ba̱ yet mman A̱gwaza mat a̱sok nia a̱ni bah; da̱ nyia̱ mat chat vam hwa bah; da̱ mat fa a̱tyubishyi hwa bah. Da̱ a̱kwonu a̱kya, swuan jini, A̱gwaza wa ma̱ a̱pyia̱ nggu nang mba jii.

Yoona 3:3

Yesu si̱ nyia̱ ma̱ng a̱nggu, “Yok n tak ma̱ng a̱nwan a̱tsatsak a̱lyiat, ka̱ a byin ang a̱ka̱feang bah, a si̱ mi̱n di Tyok A̱gwaza hu lili bah za̱m.”

Yoona 3:4

Nikodimut si̱ lyip Yesu nyia̱, “Ku na li ni wa á̱ mbyin a̱yin nang gu ka̱n kwop? Ka̱ doot gu bu nwuo ma̱ a̱fa a̱yang nggu ka, á̱ bu byin gu a̱ka̱feang a?”

Nta̱m A̱yaata̱m 2:38

Bitut si̱ nyia̱ ma̱ng a̱mba, “Ku yet ta hwa, konyan ma̱ nyin a̱ ghwon a̱ka̱tuk nyia̱ nggu wu, gu bai á̱ nyia̱ gu ba̱ptisman da̱ a̱lyoot Yesu; á̱ ka chi a̱ka̱tuk nyia̱ nyin wu. A̱nia wa A̱gwaza bu na nnang nyin za̱nang A̱za̱za̱rak Ntswa nggu ji.

Nta̱m A̱yaata̱m 3:19

“Mat a̱nia, ma̱ninika, nyi ghwon a̱ka̱tuk nyia̱ nyin wu! Nyi bwuok, nyi khwi A̱gwaza, gu ka chi a̱ka̱tuk nyia̱ nyin wu.

A̱romawa 14:17

Mat Tyok A̱gwaza hu yet a̱lyiat tazwa kyayak nang á̱ na ya ma̱ng swuo hwa a̱ni bah. Da̱ a̱kwonu a̱kya, ku yet tsotswat nswat, swat nyinyang ma̱ng á̱ghyang, ma̱ng a̱lyia̱ sai mami A̱za̱za̱rak Ntswa.

A̱romawa 8:2

A̱wot mat nang nyi mmun á̱pyia̱ ma̱ng Yesu Kristi a̱ni, chet A̱za̱za̱rak Ntswa hu ku si̱ tyia̱ nyi si̱ shot chet za̱kwa a̱ka̱tuk nyia̱ ku tyei a̱khwu a̱ni.

1 A̱korontiyawa 15:50

Nyin á̱niet khwi Yesu ba nang n chat a̱ni, kyang hu nang n shei nyin a̱ni, huhwa yet: nvam nzi̱t na na̱ yet nam ma̱ng a̱sok a̱ni, si̱ mi̱n shya̱ gado mi̱ Tyok A̱gwaza hu bah. Ma a̱nia wa, nvam nzi̱t na na̱ tyiai a̱ni, na̱ si̱ mi̱n shya̱ gado da̱ a̱vwuo a̱tyu nang vam hu nwai tyiai a̱ni bah.

1 A̱korontiyawa 2:12

A̱wot zi̱ ka̱n san a̱di̱dam á̱niet swanta wuni bah. Da̱ a̱kwonu a̱kya, zi̱ ka̱n san A̱za̱za̱rak Ntswa A̱gwaza wa. Ku tak zi̱t a̱sham nkyang nang A̱gwaza ka̱n nang zi̱t ma̱ sa̱t mat shok nggu ji a̱ni.

1 A̱korontiyawa 6:11

Á̱ghyang á̱niet ma̱ nyin ku nyia̱ a̱nia mi̱ njen nang nyi ku nwai yet á̱niet khwi a̱ni. A̱wot á̱ si̱ kwi nyin. Á̱ si̱ jaat nyin, nyi si̱ tyia̱ za̱za̱rak. A̱gwaza si̱ bu tak kpa̱sai nang gu nkyiak nyin nyi yet á̱tsotswat á̱niet sang a̱bun a̱zaghyi nggu. Mat nyi yei a̱lyoot A̱tyoli Yesu Kristi, ma̱ng chet A̱za̱za̱rak Ntswa hu.

A̱ga̱la̱tiyawa 6:15

A̱lyiat doka tyia̱ mi̱ chen, ku nwai tyia̱ mi̱ chen, ku shyak kyang da̱ a̱vwuo nzi̱t bah. A̱tsatsak kyang wu wa yet, ka̱ á̱ ka̱n shyak a̱yin, ku li nang A̱gwaza mat gu a̱ka̱feang a̱ shya̱ swuan swai a̱ni.

A̱fisawa 5:26

Da̱nian gu ka neap á̱niet khwi ba mbwak Tyok A̱gwaza; ba̱ yet á̱za̱za̱rak á̱niet nang gu jaat ma̱ng a̱sa̱khwot ma̱ng a̱lyiat nggu na a̱ni.

1 Bitut 1:2

Neet gbangbang, A̱gwaza a̱ yet A̱tyia̱ a̱ni, lyen nyin a̱ si̱ khai nyin. A̱wot A̱za̱za̱rak Ntswa wu si̱ jaat nyin, nyi si̱ tyia̱ za̱za̱rak. Mat a̱nia, nyi si̱ khwi Yesu. A̱wot á̱ si̱ shum nyin ma̱ng a̱sok Yesu Kristi na, á̱ ka jaat nyin. Yok A̱gwaza a̱ fa̱k shok nyin, a̱ nang nyin swat nyinyang gba̱mgbam.

1 Bitut 3:21

A̱sa̱khwot a̱nia ku yet kidee ba̱ptisman ja. Ma̱nini ni̱nia san nyin, na̱ yet a̱si̱ kwi a̱lyuk mi̱ vam nia bah. A̱wot na̱ yet kidee nwuak shim hwa da̱ A̱gwaza neet mami a̱za̱za̱rak nfwuo. Na̱ san nyin mat doot Yesu Kristi ma̱ á̱niet ba̱ ka̱n kwi a̱ni.

1 Yoona 2:29

Mat nang zi̱ ndyen nang Kristi ngyet a̱tsotswat wa a̱ni, zi̱ bu lyen konyan wa nyia̱ tsotswat, a̱ yet a̱tsatsak nggwon A̱gwaza wa.

1 Yoona 5:1

Konyan wa nwuak a̱chuchuk nyia̱ Yesu wa yet Kristi, a̱tyu nang A̱gwaza kup gu tyok a̱ni, a̱tyu a̱wa yet nggwon A̱gwaza kya. Konyan wa chat A̱tyia̱ wu, a̱ na chat mman nggu na meang.