Yoona 3:36 - A̠lyiat A̠gwaza na di̠n Tyap: A̠li̠ka̠uli A̠fai

³⁶ Konyan wa nwuak fwuo di̱ Nggwon A̱gwaza ka, a̱ byia̱ swuan sang sangba̱p. A̱wot konyan wa lak khwi Nggwon A̱gwaza ka, a̱ si̱ mi̱n shya̱ swuan bah. A̱wot mwai lyen A̱gwaza hu ni̱ swan tazwa gu.”

Yoona 3:36 Iomraidhean Croise

Matyu 25:46

“A̱jawa á̱ na khap á̱ka̱tuk á̱niet a̱bya, á̱ tyia̱ mba swuo a̱bung sang sangba̱p. A̱wot á̱tsotswat á̱niet ba na shya̱ swuan sang sangba̱p.”

Ma̱rkut 16:16

Konyan wa nwuak fwuo da̱ nung, a̱wot á̱ si̱ nyia̱ nggu ba̱ptisman, a̱ na shya̱ san. A̱wot konyan wa ma ndak nwuak fwuo da̱ nung, á̱ na faat gu shi̱ri̱ya a̱khwu.

Luka 2:30

Mat ma̱ninika á̱ghyi nung ba li A̱tyusan wu,

Luka 3:6

A̱wot a̱mgba̱m á̱niet ba na li san ku neet da̱ a̱vwuo A̱gwaza a̱ni.’ ”

Yoona 1:12

A̱mgba̱m ma̱ng a̱nia, á̱niet ba̱ san guu, ba̱ si̱ nwuak fwuo da̱ nggu a̱ni; á̱ nang ba tyok ma̱ng a̱wat ba̱ yet mman A̱gwaza.

Yoona 10:28

N na nwuak mba swuan sang sangba̱p, a̱wot ba̱ na kwi bah. A̱yin si̱ mi̱n ta̱wap mba bwak nung bah.

Yoona 3:3

Yesu si̱ nyia̱ ma̱ng a̱nggu, “Yok n tak ma̱ng a̱nwan a̱tsatsak a̱lyiat, ka̱ a byin ang a̱ka̱feang bah, a si̱ mi̱n di Tyok A̱gwaza hu lili bah za̱m.”

Yoona 4:36

A̱tyu a̱ chak yak hu a̱ni, á̱ na tan gu zang. A̱wot a̱ na tung yak hu, a̱ shya̱ zang swuan sang sangba̱p. Da̱nian a̱tyu a̱ chyui yak hu a̱ni, ma̱ng a̱tyu a̱ chak a̱ni; ba̱ ka gwai dundung.

Yoona 5:24

“N tak nyin a̱tsatsak a̱lyiat; kuzang a̱yin wa fwuong a̱lyiat nung na, a̱wot a̱ si̱ nwuak fwuo da̱ a̱tyu a̱ ta̱m nung a̱ni; a̱ byia̱ swuan sang sangba̱p. Á̱ na nyia̱ gu shi̱ri̱ya bah. A̱wot a̱ wa ka̱n shot a̱khwu, a̱ si̱ shya̱ swuan.

Yoona 6:58

“Nung gwa ngyet a̱tsatsak kyayak wu a̱ chyok a̱ neet Ma A̱gwaza tswazwa ka a̱ni. Ku vwuon ma̱ng kyayak hu nang a̱yaatyia̱ a̱khwop nyin ba ku ya mi̱ tswa a̱yit ji. A̱wot a̱mgba̱m ma̱ng ya kyayak a̱hwa, ba̱ si̱ kwi. A̱tyu a̱ ya kyayak nung hu a̱ni, a̱ na shya̱ swuan sang sangba̱p.”

Yoona 8:51

N na tak ma̱ng a̱nyin a̱chuchuk za̱m; konyan a̱ khwi a̱lyiat nung na a̱ni, a̱ si̱ mi̱n khwu bah, ba̱ng si̱ nat sang sangba̱p!”

Nta̱m A̱yaata̱m 14:2

Ma̱ng a̱nia, A̱yahudawa á̱ghyang si̱ lak nwuak fwuo hu di̱ Yesu. Ba̱ si̱ fuut á̱kum Nnwap na̱ nwai yet A̱yahudawa a̱ni, ba̱ lak san á̱lyiat A̱gwaza na, a̱wot ba̱ bu lak li Bulut ma̱ng Ba̱nabat.

A̱romawa 4:15

Á̱niet ba̱ kwan ba̱ khwi doka ji, a̱wot ba̱ si̱ nwai khwi nji cha̱chaat a̱ni, A̱gwaza ni̱ mwai lyen ma̱ng a̱mba, a̱wot á̱ nyep ntangka̱i á̱niet a̱nia. (Mi̱ vak hu nang a̱tyubishyi na nwai tyat doka a̱ni, huhwa yet a̱ byia̱ doka ji bah!)

A̱romawa 5:9

A̱wot nang A̱gwaza wa ntak kpa̱sai nang gu nkyiak zi̱t á̱tsotswat á̱niet ma̱ng sang a̱bun a̱zaghyi nggu, mat a̱sok Kristi na a̱ni, a̱tsak a̱lyiat, ku fa za̱m á̱ na ti̱n nzi̱t di̱ shi̱ri̱ya nang gu na nyia̱ ma̱ng mwai lyen nggu hu a̱ni.

A̱romawa 8:1

Mat a̱nia, ma̱ninika á̱ byia̱ shi̱ri̱ya a̱khwu tazwa á̱niet ba̱ mun á̱pyia̱ ma̱ng Kristi Yesu a̱ni bah.

A̱ga̱la̱tiyawa 3:10

A̱wot á̱niet ba ba̱ tyia̱ fwuo di̱ doka Musa ji, ji̱ tyia̱ mba ba̱ yet a̱tsotswat a̱zaghyi A̱gwaza a̱ni, A̱gwaza na shyi mbaa. Á̱ nyia̱ mba shi̱ri̱ya a̱khwu. Mat, á̱ lyuut ma̱ A̱lyiat A̱gwaza na nyia̱, “Konyan wa lak khwi a̱mgba̱m doká nang á̱ lyuut mami Ta̱ka̱da doká Musa hu kuzang jen a̱ni, á̱ na shyi nggu, á̱ nyia̱ nggu shi̱ri̱ya a̱khwu!”

A̱fisawa 5:6

Nyi yok ghwon a̱yin a̱ laai nyin ma̱ng a̱buk ta̱fwat bah, mat a̱ka̱tuk nyia̱ wuni wa ni̱ tyia̱ A̱gwaza a̱ mwai lyen ma̱ng á̱niet ba̱ lak fwuong a̱ni.

1 A̱ta̱solonikawa 1:10

A̱wot ba̱ bu hyia̱ ma̱ng a̱nzi̱t si̱sak ji nyi bu nfwuong bwuok bai Yesu hu, a̱ yet Nggwon A̱gwaza ka, ka̱ neet Ma A̱gwaza tswazwa ka a̱ni. Nggu wa yet Yesu, a̱tyu nang A̱gwaza ku ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa na san nzi̱t mi̱ mwai lyen A̱gwaza hu ku chobai a̱ni.

1 A̱ta̱solonikawa 5:9

Mat A̱gwaza khai nzi̱t da̱nian a̱ ka nyiak zi̱t di̱ mwai lyen nggu hwa bah; da̱ a̱kwonu a̱kya, da̱nian zi̱ ka shya̱ san hwa mami A̱tyoli nzi̱t wu Yesu Kristi.

Ibriniyawa 10:29

Ka̱ a̱nia wa, swuo a̱bung hu na yet a̱ka̱tuk a̱ swak di̱ tangka̱i á̱niet ba̱ jhyuai Nggwon A̱gwaza ka a̱ni. A̱wot á̱si̱ ba ba̱ bwuak a̱sok nggu na, na̱ kpaat la̱p a̱li̱ka̱uli a̱fai nang A̱gwaza njaat nzi̱t zi̱ si̱ tyia̱ za̱za̱rak a̱ni; á ngyei a̱sok nggu na yet a̱buk kyang na̱ si̱ bu yet a̱za̱za̱rak bah. A̱wot ma̱ng tangka̱i á̱niet ba̱ fwoi ba̱ si̱ nyia̱ A̱za̱za̱rak Ntswa A̱gwaza wu lihyat, a̱tyu a̱ fa̱k shok zi̱t a̱ni, ba̱ na mun á̱ swuo a̱bung!

Ibriniyawa 2:3

Mat a̱nia, zi̱ na nyia̱ ni, zi̱ nshot swuo a̱bung hu, ka̱nang zi̱ lak khwi nkhang a̱gba̱ndang san sang sangba̱p wu nang A̱tyoli Yesu ma̱ a̱pyia̱ nggu ku tsa shei hu a̱ni, a̱wot á̱niet ba̱ ku fa̱k a̱lyiat Yesu na a̱ni, ba̱ si̱ bu ta̱m ma̱ng a̱nzi̱t a̱tsatsak nta̱m a̱wa.

Ibriniyawa 3:18

A̱wot a̱nyanyan bya nang A̱gwaza ku lyiat di̱n jen nang gu ku nkyiak shyishyi nyia̱, di̱ ba̱ na nwuo ma̱ a̱byin ka nang gu na nnang mba jen fwung ji a̱ni bah? N wa ngyei mi̱ bibya yet á̱niet ba, ba̱ ku tyia̱ zat ji a̱ni a?

Ibriniyawa 3:19

Mat a̱nia, zi̱ li nang ba̱ lyin nwuo ma̱ a̱byin fwung ka, mat nwai nwuak nfwuo mba ni̱nia da̱ A̱gwaza.

Tyai Á̱zanson 21:8

“A̱wot á̱niet a̱wun, á̱niet nwai khwi Yesu, á̱niet nyia̱ nkyang nsum, á̱niet hyaai á̱niet, á̱niet a̱shi̱shi̱k nyia̱, á̱niet nkut, á̱niet khwi nghwughwu a̱yaagwaza sang swuan, ma̱ng á̱niet bwoi kuzang tangka̱i a̱ka̱laa; záng mba ji na yet a̱gba̱ndang tswa ndong ji̱ ya long sa̱lfa a̱ni. A̱khwu kani kya á̱ ngyei a̱khwu a̱ka̱feang ka.”