Yoona 3:35 - A̠lyiat A̠gwaza na di̠n Tyap: A̠li̠ka̠uli A̠fai

³⁵ A̱tyia̱ wu fa̱k da̱ Nggwon ka ba̱t. Huhwa mbyia̱ a̱ si̱ tyia̱ kuzang kyang mbwak nka.

Yoona 3:35 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 17:5

Neet nang Bitut ni̱ shya̱ da̱ a̱lyiat na, a̱kyenkyai á̱ni̱nian a̱ghyang si̱ kin neet ma̱ vwuu, a̱ ba̱ kup baa! A̱wot a̱nwuat si̱ kin ghwut a̱ neet ma̱ á̱ni̱nian ba nyia̱, “Nggwon nung kya ka nang nfa̱k da̱ nka ba̱t a̱ni! Kikya nyi na myiai a̱fufwuo, nyi fwuong!”

Matyu 28:18

Yesu si̱ bai, a̱ si̱ tyia̱ mman ta̱m nggu na ta̱m nyia̱, “Á̱ nwuak nung a̱mgba̱m Tyok Ma A̱gwaza tswazwa ma̱ng swanta.

Matyu 3:17

A̱nwuat si̱ kin ghwut a̱ neet Ma A̱gwaza tswazwa ka nyia̱, “Nggwon nung kya ka nang n chat a̱ni. N fwuong nyinyang ka ba̱t!”

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 15:9

“Ma̱nang A̱tyia̱ wu nchat nung a̱ni; ma a̱nia wa nang n chat nyin. Ma̱ninika, nyi ya a̱son ma̱ng swan mami chat nang n tak nyin a̱ni.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 17:23

N na swan dundung ma̱ng a̱mba; nwan mameang, a ma nswan dundung ma̱ng a̱nung. Yok ba̱ mun á̱pyia̱ za̱m, ku na tyia̱ á̱niet ma̱ a̱di̱di̱t mi̱ swanta hu ba̱ lyen nang nwan wa nta̱m nung; a̱wot ba̱ bu lyen nang a nchat ba ma̱ cha̱chaat nang a nchat nung a̱ni.

Yoona 17:26

N si̱ ntyai mba si̱sak ji nang za̱kwa ang ji ndi a̱ni. A̱wot n bu na ngya a̱son ma̱ng tyai mba ndyo hu. Da̱nian mba, ba̱ ma nshya̱ tangka̱i chat nang a tak nung a̱ni; nung mameang, n swan dundung ma̱ng a̱mba.”

Yoona 5:20

Mat A̱tyia̱ wu fa̱k di̱ nggwon ka ba̱t. Huhwa mbyia̱ gu si̱ nshei ma̱ng Nggwon ka a̱mgba̱m nkyang nang gu nyia̱ a̱ni. A̱tyia̱ wu na hyia̱ ma̱ng Nggwon ka a̱cha̱chet nkyang na̱ lan á̱si̱ nani a̱ni, ka̱ nyia̱. A̱wot nyi na fa̱k a̱ga̱de.

Yoona 5:22

A̱tyia̱ wu ma̱ a̱pyia̱ nggu na nyia̱ a̱yin shi̱ri̱ya bah. A̱ wa ka̱n nwuak Nggwon nggu ka tyok ka̱ nyia̱ konyan shi̱ri̱ya.

1 A̱korontiyawa 15:27

Mat á̱ lyuut ma̱ A̱lyiat A̱gwaza na nyia̱, “A̱gwaza ka̱n tyia̱ a̱mgba̱m kuzang kyang mbwak tyok gu.” (A̱wot nang á̱ nhyia̱ a̱ni, “A̱mgba̱m kuzang kyang shya̱ mbwak tyok gu,” ku tak kpa̱sai nang A̱gwaza ma̱ a̱pyia̱ nggu a̱ nwuak Kristi tyok hu a̱ni, mun a̱ shya̱ mbwak Kristi ka bah.)

A̱fisawa 1:22

A̱gwaza ka̱n tyia̱ a̱mgba̱m kuzang kyang bwak tyok Kristi. A̱wot a̱ si̱ bu tyia̱ gu yet a̱kwak a̱son tazwa a̱mgba̱m kuzang kyang, a̱ bu yet a̱pyia̱ a̱mgba̱m á̱niet khwi ba ba̱ ka shya̱ a̱li̱ba̱rka.

Ibriniyawa 1:2

A̱wot di̱n jen ngaan jini, A̱gwaza lyiat ma̱ng a̱nzi̱t a̱bwonu Nggwon nggu kya. Kikya nang A̱gwaza nyia̱ a̱li̱ka̱uli a̱ na tyia̱ kuzang kyang bwak nka, ku yet gado nkaa. A̱wot kikya yet vak nang A̱gwaza nnyia̱ swanta hu a̱ni.

1 Bitut 3:22

Di̱ yong huni, Yesu Kristi wa ka̱n nat Ma A̱gwaza tswazwa. A̱wot a̱ swan a̱zayak A̱gwaza da̱ a̱gba̱ndang chuk tyok. A̱wot a̱mgba̱m a̱yaata̱m tswá A̱gwaza ba, ntyok na, ma̱ng nchet na, khwi tyok nggu hu.