Yoona 3:33 - A̠lyiat A̠gwaza na di̠n Tyap: A̠li̠ka̠uli A̠fai

³³ Konyan wa san a̱lyiat nang gu tak kpa̱sai a̱ni, a̱ si̱ nwuak a̱chuchuk; a̱ tak, nang A̱gwaza ngyet a̱tyu a̱tsatsak a̱lyiat wa.

Yoona 3:33 Iomraidhean Croise

Yoona 6:27

“Nyi yok veang chat nkyayak na̱ na byian a̱ni bah. Da̱ a̱kwonu a̱kya, nyi nyia̱ ta̱m da̱nian kyayak hu na nwai byian a̱ni; ma̱ng si̱ hu ku na nwuak nyin swuan sang sangba̱p ji a̱ni. Huhwa yet kyayak nang Nggwon A̱tyubishyi ka na nwuak nyin a̱ni. Mat Nggwon A̱tyubishyi kya nang A̱tyia̱ wu ka̱n shim nka ndyo.”

Yoona 8:26

Nkyang nshya̱ ma̱ a̱di̱di̱t nang n na nhyia̱ n bu nnyia̱ nyin shi̱ri̱ya a̱ni. A̱mgba̱m ma̱ng a̱nia, a̱tyu a̱ ta̱m ma̱ng a̱nung a̱ni, a̱ byia̱ a̱chuchuk. A̱wot kyang hu nang n fa̱k da̱ a̱vwuo nggu a̱ni; huhwa nang n na ntak ma̱ng á̱niet mi̱ swanta ba.”

A̱romawa 15:28

Ki̱ n si̱ tyak a̱tan ta̱m wuni, nang á̱niet khwi bani nyia̱ a̱ni, a̱wot n si̱ nwuak á̱niet khwi ba̱ yet á̱kunak na a̱ni kurum hu, n sii na bai n byiat nyin, n sii swak nat A̱si̱paniya.

A̱romawa 4:11

Tyia̱ mi̱ chen hu ku yet a̱lama wa a̱ tak nang Ibrahim wa ka̱n nwuak fwuo da̱ A̱gwaza. Ku si̱ bu fa nang A̱gwaza nsan ngguu. A̱wot ku tak kpa̱sai nang A̱gwaza nkyiak Ibrahim a̱tsotswat ma̱ng sang a̱bun a̱zaghyi nggu, neet nang á̱ ka̱n tyia̱ nggu mi̱ chen hu bah. Mat a̱nia, Ibrahim wa yet a̱tyia̱ á̱niet ba̱ nwuak fwuo da̱ A̱gwaza. A̱wot da̱ mba á̱ tyia̱ mba mi̱ chen a̱ni bah. Á̱ tak kpa̱sai nang á̱ nkyiak ba á̱tsotswat á̱niet ma̱ng sang a̱bun a̱zaghyi A̱gwaza mat nang ba̱ nnwuak fwuo hwa da̱ nggu a̱ni.

1 A̱korontiyawa 9:2

Ku nang á̱ghyang á̱niet nfa, n ngyet a̱ta̱m Yesu wa a̱ni bah, a̱tsatsak a̱lyiat n gyet a̱ta̱m Yesu wa da̱ a̱vwuo nyin. Nyin bya tak kpa̱sai nang n gyet a̱ta̱m A̱tyoli Yesu wu.

2 A̱korontiyawa 1:18

Ma̱nang A̱gwaza ngyet a̱tsotswat za̱m a̱ni, ma a̱nia wa a̱lyiat nang zi̱ shei nyin a̱ni, na̱ shai na̱ yet, “Ii,” ma̱ng “Kaai,” bah.

2 A̱korontiyawa 1:22

A̱wot a̱ si̱ kpaat nzi̱t a̱timi nang zi̱ ngyet á̱niet guu a̱ni, mat nang gu nnang nzi̱t A̱za̱za̱rak Ntswa wu mi̱ nfwuo nzi̱t na a̱ni. A̱za̱za̱rak Ntswa wu wa yet a̱kwonu nang gu ntsa a̱ nwuat zi̱t a̱ni; ku tak nang nggu na nka̱u nzi̱t á̱kum nkyang nang gu la̱p a̱ sak nzi̱t ndyo a̱ni.

A̱fisawa 1:13

A̱wot ma̱ninika, nyin Nnwap na̱ nwai yet A̱yahudawa a̱ni meang, nyi ka̱n fa̱k a̱tsatsak a̱lyiat wu, a̱ yet A̱sham Nkhang ka̱ tak si̱sak nang A̱gwaza nsan nyin a̱ni. A̱wot di̱n jen nang nyi nwuak fwuo da̱ Kristi a̱ni, a̱ si̱ tyia̱ nyin a̱timi nyi yet á̱si̱ nggu, a̱ si̱ nang nyin A̱za̱za̱rak Ntswa nang gu nyia̱ a̱li̱ka̱uli a̱ na nang nyin neet gbangbang a̱ni.

A̱fisawa 4:30

Nyi ta̱bam kalak nyi du byian A̱za̱za̱rak Ntswa wu fwuo, mat swat nyin hu. Mat A̱za̱za̱rak Ntswa wu a̱ shya̱ ma̱ nyin a̱ni, nggu wa yet a̱timi a̱ tak nang nyi ngyet á̱niet A̱gwaza bya a̱ni. Nggu wa bu na tak nang nyi na nshya̱ san nyi yet á̱sa̱t á̱niet a̱tuk mam shi̱ri̱ya A̱gwaza ka.

2 Timoti 2:19

A̱mgba̱m ma̱ng a̱nia, á̱niet khwi nggu ba li nang a̱fang tsa a̱tyin kuntyin nok nang A̱gwaza wu kpaat a̱ni. Á̱ si̱ mi̱n zwun ka bah. A̱wot a̱lyiat nani nia nang á̱ lyuut tazwa nka nyia̱, “A̱gwaza wu lyen á̱si̱ ba̱ yet á̱si̱ nggu a̱ni,” a̱wot, “Konyan wa nyia̱ a̱ khwi A̱gwaza a̱ni, ku yet ta hwa gu ghwon a̱ka̱tuk nyia̱.”

Ibriniyawa 6:17

Ma a̱nia wa, A̱gwaza ku chat a̱ tak la̱p sak nggu hu kpa̱sai da̱ a̱vwuo á̱niet ba̱ na ya gado a̱li̱ka̱uli hu a̱ni. Mat a̱nia, a̱ si̱ kyiak shyishyi da̱ a̱lyoot a̱pyia̱ nggu, nyia̱ da̱ a̱ na shyak fwuo nggu hu bah.

1 Yoona 1:10

Ki̱ zi̱ nyia̱ da̱ zi̱ ka̱n nyia̱ a̱ka̱tuk nyia̱ bah, ku fa nang zi̱ mbwuak A̱gwaza ntyia̱ a̱tyu bwoi a̱ka̱laa wa, a̱wot zi̱ lak khwi a̱lyiat nggu na mi̱ nfwuo nzi̱t na.