Yoona 3:31 - A̠lyiat A̠gwaza na di̠n Tyap: A̠li̠ka̠uli A̠fai

³¹ “Nggu a̱tyu a̱ bai a̱ neet Ma A̱gwaza tswazwa ka a̱ni, a̱ shi a̱ swak konyan. Nggu a̱tyu a̱ shya̱ a̱byin ka a̱ni, a̱ lyiat a̱lyiat nkyang na̱ shya̱ a̱byin a̱ni. Nggu a̱tyu a̱ bai a̱ neet Ma A̱gwaza tswazwa ka a̱ni, [[a̱ shi a̱ swak konyan.]]

Yoona 3:31 Iomraidhean Croise

Matyu 28:18

Yesu si̱ bai, a̱ si̱ tyia̱ mman ta̱m nggu na ta̱m nyia̱, “Á̱ nwuak nung a̱mgba̱m Tyok Ma A̱gwaza tswazwa ma̱ng swanta.

Yoona 1:15

Yoona mameang ku tak a̱lyiat kpa̱sai tazwa nggu. A̱ si̱ ta̱ngam a̱nwuat nggu ka mi̱ chet nyia̱, “A̱tyu wuni wa nang n ku ndyiat tazwa nggu, ‘A̱tyu a̱ chobai, a̱ khwi nung lilyim a̱ni, a̱ yet a̱tyu kwak a̱son nung wa. A̱wot a̱ si̱ swak nung ma̱ng shi hu ba̱t. Mat a̱ nshya̱ neet nang á̱ ka̱n byin nung bah.’ ”

Yoona 1:27

A̱ chobai a̱ khwi nung lilyim. A̱wot n maai mi̱ maai n byii̱k ywan á̱kwatak gu hu bah.”

Yoona 1:30

A̱tyu wuni wa nang n ku ndyiat ma̱ng a̱nyin nang n ku nnyia̱, ‘A̱yin chobai, a̱ khwi nung lilyim. A̱wot a̱ swak nung ma̱ng shi hu ba̱t, mat a̱ nshya̱ neet nang á̱ ka̱n byin nung bah.’

Yoona 3:30

Nggu, ku yet ta hwa gu yong mi̱ di̱ mban. A̱wot nung mameang, shi nung hu ku ma nghyuai.

Yoona 6:33

Mat kyayak A̱gwaza hu ku neet tswazwa kya a̱ni; huhwa nwuat á̱niet mi̱ swanta ba swuan ji.”

Yoona 6:51

Nung gwa ngyet kyayak swuan ku chyok neet Ma A̱gwaza tswazwa ka a̱ni. Konyan wa ya kyayak a̱hwa a̱ na shya̱ swuan sang sangba̱p. Kyayak a̱hwa nang n na nwuak a̱nyuu a̱ni; ku na yet nam vam nung hu hwa, nang n na neap da̱nian a̱mgba̱m á̱niet mi̱ swanta ba, ba̱ ka shya̱ swuan ji.”

Yoona 8:23

Huhwa Yesu si̱ nyia̱ ma̱ng a̱mba a̱ni, “Nyin, nyi shya̱ a̱byin kya a̱ji. A̱wot nung, n neet Ma A̱gwaza tswazwa kya. Nyin, nyi yet á̱niet mi̱ swanta bya. A̱wot nung, n gyet a̱tyu mi̱ swanta wuni wa bah.

Nta̱m A̱yaata̱m 10:36

Nyi lyen ta̱m jini ja yet A̱sham Nkhang ka da̱nian á̱niet Isi̱rela ba; nyia̱ á̱ shyat swat nyinyang ma̱ng A̱gwaza mat mun á̱pyia̱ ma̱ng Yesu Kristi. Nggu wa yet A̱tyoli a̱mgba̱m á̱nietbishyi.

A̱romawa 9:5

Ba̱ yet á̱ka̱mbwon a̱yaatyia̱ a̱khwop mba bya Ibrahim, Ishaku, ma̱ng Yakubu. A̱wot di̱ yet a̱tyubishyi, Kristi wu meang neet mi̱ nkwai mba ja. Nggu wa yet A̱gwaza, a̱ nyia̱ tyok di̱ kuzang nkyang a̱ni. Yok á̱ dyep guu, ba̱ng si̱ nat sang sangba̱p! Samba̱rka!

Ibriniyawa 9:1

La̱p a̱li̱ka̱uli ku yet a̱son ka a̱ni, ku byia̱ doká di̱ si̱sak ji nang á̱niet Isi̱rela ba ni̱ ndyep A̱gwaza ma̱ng a̱za̱za̱rak a̱vwuo dyep gu mi̱ swanta hu a̱ni.

1 Bitut 3:22

Di̱ yong huni, Yesu Kristi wa ka̱n nat Ma A̱gwaza tswazwa. A̱wot a̱ swan a̱zayak A̱gwaza da̱ a̱gba̱ndang chuk tyok. A̱wot a̱mgba̱m a̱yaata̱m tswá A̱gwaza ba, ntyok na, ma̱ng nchet na, khwi tyok nggu hu.

1 Yoona 4:5

A̱yaata̱m bwoi a̱ka̱laa a̱bya yet á̱si̱ swanta bya, ba̱ yet á̱si̱ A̱gwaza bya bah. Huhwa mbyia̱ nang ba̱ ni̱ ndyiat kyang ku myim á̱nietbishyi mi̱ swanta a̱ni. A̱wot á̱niet mi̱ swanta ba meang, si̱ ma fwuong mbaa.

Tyai Á̱zanson 19:16

Tazwa a̱toot nggu ka da̱ a̱bwan ntak nggu wu, á̱ si̱ ndyuut a̱lyoot tyok kani, “A̱gwam á̱gwam, ma̱ng A̱tyoli a̱yaatyoli!”