Yoona 3:3 - A̠lyiat A̠gwaza na di̠n Tyap: A̠li̠ka̠uli A̠fai

³ Yesu si̱ nyia̱ ma̱ng a̱nggu, “Yok n tak ma̱ng a̱nwan a̱tsatsak a̱lyiat, ka̱ a byin ang a̱ka̱feang bah, a si̱ mi̱n di Tyok A̱gwaza hu lili bah za̱m.”

Yoona 3:3 Iomraidhean Croise

Matyu 16:17

Yesu si̱ nwuak gu shim nyia̱, “Siman a̱fai Yunana a yet a̱tyu a̱li̱ba̱rka wa, mat a̱tyubishyi wa tyai ang a̱lyiat nani bah. A̱tyia̱ nung wu a̱ shya̱ tswazwa ka a̱ni, nggu wa tyai ang ndyo.

Matyu 19:24

N bu shei nyin, ku na laai lan a̱lakumi a̱ nwuo a̱ kaat a̱ ghwut mi̱ zwua̱i a̱yop, nang a̱tyu nzwá na nnwuo mi̱ Tyok A̱gwaza hu a̱ni.”

Matyu 21:31

“Mami mman a̱feang a̱nia, a̱nyan wa nyia̱ kyang nang a̱tyia̱ wu chat a̱ni?” Ba̱ si̱ nyia̱, “Á̱niet khwop nggwon wu wa.” A̱jawa Yesu si̱ wa̱i mba kyang nang kidee ji fa a̱ni, “N tak nyin a̱tsak a̱lyiat, á̱ka̱tuk á̱niet saai kurum ga̱ndu ma̱ng á̱nyiuk ba̱ yet khám a̱ni, na kyiak a̱son nyin di̱ nwuo Tyok A̱gwaza hu!

Matyu 5:18

N shei nyin a̱tsak a̱lyiat; tswazwa ma̱ng a̱byin na tyak, a̱wot ku a̱bada̱dei ndang zwunzwuo a̱nyiung nang á̱ ta̱zut di̱ lyuut doka A̱gwaza ji a̱ni na ta̱yuut bah; si̱ nang kuzang kyang bai cha̱chaat da̱ a̱nu ka!

Ma̱rkut 10:14

Nang Yesu ndi a̱nia a̱ni, a̱ si̱ fa̱k a̱lyia̱ ya ma̱ng mman ta̱m nggu na, a̱ si̱ nyia̱, “Nyi yok a̱chyuang mman wu ba̱ bai da̱ a̱vwuo nung. Nyi yok vwuong mba bah. Mat ntangka̱i mman nani, yet mman Tyok A̱gwaza nia.

Ma̱rkut 9:47

“A̱wot ka̱ tswa a̱li ang ja ma ntyei ang nyia̱ a̱ka̱tuk, a ti̱n ji̱ ji̱p. Ku na lan a nwuo Tyok A̱gwaza hu ma̱ng tswa a̱li jhyung nang á̱ na nta ang mi̱ ndong sang sangba̱p hu mi̱ tswá á̱ghyi ang ji̱ sweang a̱ni;

Yoona 1:13

Bibya yet á̱niet ba da̱ á̱ tyei ba̱ yet mman A̱gwaza mat a̱sok nia a̱ni bah; da̱ nyia̱ mat chat vam hwa bah; da̱ mat fa a̱tyubishyi hwa bah. Da̱ a̱kwonu a̱kya, swuan jini, A̱gwaza wa ma̱ a̱pyia̱ nggu nang mba jii.

Yoona 1:5

Sai hu si̱ tyia̱ a̱vwuo ka ka̱ yet lyin a̱ni, si̱ teak. A̱wot di̱ lyin hu, ku swuo chet sai hu bah.

Yoona 1:51

A̱jawa Yesu si̱ bu nyia̱ ma̱ng a̱mba a̱ni, “N tak nyin a̱tsak a̱lyiat; nyi bye li Ma A̱gwaza tswazwa ka khwuk, a̱wot nyi li a̱yaata̱m tswá A̱gwaza nang ba̱ ban á̱ tsa á̱ nchorop a̱zaghyi Nggwon A̱tyubishyi!”

Yoona 12:40

“A̱gwaza ku koot mba a̱fi̱fan. A̱ si̱ bu tyia̱ nfwuo mba na si̱ khwu. Kalak ba̱ du li ma̱ng á̱ghyi mba ba, kalak ba̱ du fi̱k a̱lyiat nggu na mi̱ nfwuo mba na. Ka̱ ku li a̱nia, kalak ba̱ du bwuok á̱ bai da̱ a̱vwuo nung, n choot baa.”

Yoona 3:4

Nikodimut si̱ lyip Yesu nyia̱, “Ku na li ni wa á̱ mbyin a̱yin nang gu ka̱n kwop? Ka̱ doot gu bu nwuo ma̱ a̱fa a̱yang nggu ka, á̱ bu byin gu a̱ka̱feang a?”

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

2 A̱korontiyawa 5:17

Si̱ huni fa, kuzang a̱yin a̱ mun a̱pyia̱ ma̱ng Yesu Kristi a̱ni, a̱ yet á̱niet a̱fai wa nang A̱gwaza sii mat a̱ni. A̱khwukhwop nswat nggu wu swak, a̱wot a̱ si̱ nwuo swan swat fai.

A̱ga̱la̱tiyawa 6:15

A̱lyiat doka tyia̱ mi̱ chen, ku nwai tyia̱ mi̱ chen, ku shyak kyang da̱ a̱vwuo nzi̱t bah. A̱tsatsak kyang wu wa yet, ka̱ á̱ ka̱n shyak a̱yin, ku li nang A̱gwaza mat gu a̱ka̱feang a̱ shya̱ swuan swai a̱ni.

A̱fisawa 2:1

Di̱n jen ji ji̱ swak a̱ni, nyi ku li nang nkwom a̱ni da̱ a̱vwuo A̱gwaza. Mat si̱sak nang nyi ku ndak khwi A̱gwaza, nyi si̱ nyia̱ a̱ka̱tuk nyia̱ a̱ni.

Titut 3:5

a̱ si̱ san zi̱t, mat a̱tsotswat ta̱m nang zi̱ nnyia̱ wa a̱ni bah. Da̱ a̱kwonu a̱kya, mat fa̱k kunak gu hwa nang gu nsan zi̱t. A̱ si̱ san nzi̱t ma̱ng jaat nang gu jaat nzi̱t ma̱ng A̱za̱za̱rak Ntswa a̱ni. Da̱ a̱nia wa, á̱ si̱ mbyin zi̱t a̱ka̱feang á̱ si̱ nang zi̱t swuan swai.

Yakubu 3:17

A̱wot mumwang hu ku neet Ma A̱gwaza tswazwa a̱ni; di̱n tsa hu, ku yet a̱za̱za̱rak wa. Ku si̱ bu tyei swat nyinyang, nyia̱ shonshyon ma̱ng gwai á̱ghyang, ghyuai a̱pyia̱, ma̱ng fwuong kunak á̱ghyang. A̱tyu a̱ byia̱ mumwang a̱hwa a̱ni, a̱ ni̱ yong mi̱ di̱ nyia̱ a̱tan nta̱m. Da̱ nggu, a̱ khai á̱niet da̱ á̱ghyi bah. A̱wot a̱ si̱ yong da̱ a̱chuchuk kuzang jen.

1 Bitut 1:3

Yok á̱ dyep A̱gwaza, a̱ yet A̱tyia̱ A̱tyoli nzi̱t wu, Yesu Kristi a̱ni. Mat si̱sak nang gu nfa̱k kunak nzi̱t ba̱t, a̱ si̱ tyia̱ á̱ si̱ bu byin zi̱t a̱ka̱feang, zi̱ si̱ shya̱ swuan swai; mat nang A̱gwaza nta̱ngam Yesu Kristi ma̱ng swuan ma̱ á̱niet ba̱ ka̱n kwi a̱ni. Si̱ huni nwuak zi̱t chet tyia̱ fwuo ku yet a̱chet a̱ni.

1 Yoona 2:29

Mat nang zi̱ ndyen nang Kristi ngyet a̱tsotswat wa a̱ni, zi̱ bu lyen konyan wa nyia̱ tsotswat, a̱ yet a̱tsatsak nggwon A̱gwaza wa.

1 Yoona 3:9

Á̱niet ba̱ yet á̱tsatsak mman A̱gwaza a̱ni, ba̱ ni̱ ya a̱son ma̱ng nyia̱ a̱ka̱tuk nyia̱ nchi̱ri̱ng bah, mat za̱kwa mba ji tai si̱ A̱gwaza. Mat a̱nia, ba̱ si̱ mi̱n gya a̱son mi̱ nyia̱ a̱ka̱tuk nyia̱ bah. Mat á̱ byin mba neet Ma A̱gwaza tswazwa, ba̱ yet á̱tsatsak mman A̱gwaza nia.

1 Yoona 5:1

Konyan wa nwuak a̱chuchuk nyia̱ Yesu wa yet Kristi, a̱tyu nang A̱gwaza kup gu tyok a̱ni, a̱tyu a̱wa yet nggwon A̱gwaza kya. Konyan wa chat A̱tyia̱ wu, a̱ na chat mman nggu na meang.

1 Yoona 5:18

Zi̱ lyen nang konyan wa yet nggwon A̱gwaza a̱ ya a̱son mi̱ nyia̱ a̱ka̱tuk nyia̱ nchi̱ri̱ng bah, mat Yesu a̱ yet a̱tsak Nggwon A̱gwaza ka a̱ni, chok gu, kalak A̱ta̱nyeang ka ka̱ du tyia̱ nggu swuo a̱bung.

1 Yoona 5:4

Mat kuzang nggwon A̱gwaza byia̱ chet hu, ku maai nang ka̱ na nswuo chet swanta hu a̱ni. Nwuak fwuo nzi̱t hu di̱ Yesu hwa na tyia̱ zi̱ nswuo chet swanta hu.

Tyai Á̱zanson 3:14

“Lyuut a̱ta̱m tswa A̱gwaza wusika jini, gu nwuak sot á̱niet khwi ji shya̱ La̱wudikiya a̱ni: Ta̱m jini ja neet da̱ a̱vwuo a̱tyu a̱ yet ‘Samba̱rka A̱gwaza’ a̱ni, a̱ bu yet a̱tsotswat ma̱ng a̱tsatsak a̱tyu a̱ nwuat sheda a̱lyiat A̱gwaza a̱ni! Nggu wa yet a̱tyin nang A̱gwaza mmat kuzang kyang mi̱ swanta hu a̱ni!