Yoona 3:28 - A̠lyiat A̠gwaza na di̠n Tyap: A̠li̠ka̠uli A̠fai

²⁸ Nyin ma̱ á̱pyia̱ nyin, nyi yet á̱niet ba̱ ku mun á̱ fa̱k kyang hu nang n ku ndyiat a̱ni, nang n ku nnyia̱, ‘Nung gwa ngyet Kristi wu bah. Da̱ a̱kwonu a̱kya, nung gwa nang á̱ ta̱m n khwat a̱son gu.’

Yoona 3:28 Iomraidhean Croise

Matyu 3:3

Yoona wa nang Ishaya a̱ta̱m a̱kwonu A̱gwaza gbangbang ku lyiat nang gu ku ntak nyia̱, “A̱yin shya̱ mi̱ tswa a̱yit, a̱ yei mi̱ chet, ‘Nyi jhyi vak A̱tyoli hu, ku nat cha̱chaat!’ ”

Luka 1:76

A̱wot nwan nggwon nung, á̱ na ngyei ang a̱ta̱m a̱kwonu A̱gwaza Tswazwa, a̱ Swak ma̱ng A̱kyenkyai Shi a̱ni. Mat a na yet a̱son bai ghwon A̱tyoli wu, a ka jhyi nggu vak hu.

Yoona 1:20

Yoona si̱ ta̱n lyip mba hu bah. A̱ si̱ tyai mba a̱tsatsak a̱lyiat wu kpa̱sai nyia̱, “Nung gwa ngyet Kristi wu bah!”

Yoona 1:23

Yoona si̱ nwuak ba shim ma̱nang Ishaya a̱ta̱m a̱kwonu A̱gwaza wu ku nhyia̱ a̱ni, nyia̱, “N gyet nwuat kya ka̱ yei mi̱ chet mi̱ ntswa a̱yit a̱ni: ‘Nyi jhyi vak da̱nian A̱tyoli nzi̱t wu, ku nat cha̱chaat gu ba̱ nkai!’ ”

Yoona 1:25

ba̱ si̱ lyip Yoona nyia̱, “Ka̱ nwan wa yet Kristi wu bah, a̱wot a bu yet Iliya bah, da̱ nwan a bu yet a̱ta̱m a̱kwonu A̱gwaza bah; mi̱ yihwa mbyia̱ nang a nnyia̱ á̱niet ba ba̱ptisman ji?”

Yoona 1:27

A̱ chobai a̱ khwi nung lilyim. A̱wot n maai mi̱ maai n byii̱k ywan á̱kwatak gu hu bah.”