Yoona 3:27 - A̠lyiat A̠gwaza na di̠n Tyap: A̠li̠ka̠uli A̠fai

²⁷ Huhwa Yoona si̱ ma nyia̱, “A̱yin byia̱ tyok san kyang, da̱nang á̱ nang gu neet Ma A̱gwaza tswazwa a̱ni bah.

Yoona 3:27 Iomraidhean Croise

Matyu 21:25

Nyi tak nung, tyok nang Yoona ku nnyia̱ Ba̱ptisman ji a̱ni, ku neet a̱ji wa? Ku neet Ma A̱gwaza tswazwa kya kee, da̱ a̱vwuo a̱tyubishyi kya?” A̱wot ba̱ si̱ ya nwuo a̱di̱dam tsi̱tsak mba nyia̱, “Ka̱ zi̱ nyia̱, tyok nyia̱ ba̱ptisman nggu hu neet Ma A̱gwaza tswazwa kya, a̱ na lyip zi̱t, mi̱ yihwa mbyia̱ zi̱ ndak nwuak a̱chuchuk di̱ tyiet Yoona hu?

Matyu 25:15

A̱ si̱ nwuak a̱tyo nyiung gumaat kurum tsuon. A̱ si̱ nwuak a̱tyo nyiung gumaat kurum sweang. A̱wot a̱tat wu, a̱ si̱ nwuak gu gumaat kurum jhyung. A̱ si̱ ka̱u mba kurum hu, konyan ma̱ cha̱chaat ma̱ng chet gu. A̱wot a̱ si̱ nkat chyet hu.

Ma̱rkut 13:34

“Bwuok Nggwon A̱tyubishyi hu na li nang a̱tyu a̱ naat chyet ma̱ gbang a̱ni. A̱ si̱ ghwon a̱li nggu ka. A̱ si̱ tyia̱ nta̱m bwak a̱khwo nggu ba, konyan ma̱ng ta̱m nang gu na nyia̱ a̱ni. A̱wot a̱ si̱ tak ma̱ng a̱tyu a̱ chok a̱na̱nwuai ka a̱ni, nyia̱ gu cham gu yok kai nda bah.

Yoona 10:41

A̱wot á̱niet ma̱ a̱di̱di̱t si̱ bu bai da̱ a̱vwuo nggu. Ba̱ si̱ shei á̱ nchi̱ri̱ng nyia̱, “Yoona ku nyia̱ nkyang a̱ga̱de bah. Ma̱ng a̱nia, a̱mgba̱m nkyang nang gu ku lyiat tazwa a̱tyu kani a̱ni, na̱ yet a̱chuchuk wa!”

Yoona 6:65

A̱jawa Yesu si̱ bu nyia̱ ma̱ng a̱mba a̱ni, “Huhwa mbyia̱ nang n hyia̱ ma̱ng a̱nyin; á̱ mbyia̱ a̱tyu a̱ na bai da̱ a̱vwuo nung a̱ni bah; ka̱nang A̱tyia̱ nung wu wa bai ma̱ng a̱nggu bah.”

A̱romawa 1:5

Mat mun á̱pyia̱ nzi̱t hu ma̱ng Kristi, A̱gwaza si̱ fa̱k shok zi̱t, a̱ si̱ khai nzi̱t, a̱ si̱ nwuak nzi̱t a̱wat ma̱ng tyok nang a̱yaata̱m nggu a̱ni, da̱nian zi̱ ka shei A̱sham Nkhang ka da̱ a̱vwuo a̱mgba̱m á̱niet mi̱ bibyin swanta hu, ba̱ ka nwuak fwuo ba̱ khwi Yesu, ba̱ nwuak a̱lyoot nggu ka shi.

A̱romawa 12:6

A̱gwaza nyia̱ konyan shok ma̱ a̱nzi̱t, a̱wot a̱ si̱ nang nzi̱t za̱náng chet A̱za̱za̱rak Ntswa, zi̱ ka nnyia̱ nta̱m jhyang. Ki̱ za̱nang chet shei á̱zanson ja nang A̱gwaza tyai nyin ndyo; ku myim nyi shei a̱lyiat na ma̱ cha̱chaat nang nyi nwuak a̱chuchuk A̱gwaza wa tak ma̱ng a̱nyin na a̱ni.

1 A̱korontiyawa 1:1

Nung Bulut, nang á̱ khai mat shim A̱gwaza n gyet a̱ta̱m Kristi Yesu a̱ni, nung gwa ndyuut nyin wusika jini ndung ma̱ng a̱na̱nyiuk nzi̱t wu Sa̱stanit.

1 A̱korontiyawa 12:11

A̱mgba̱m za̱náng chet jini A̱za̱za̱rak Ntswa A̱gwaza wa ma̱nyin gu ka̱u njii. Nggu wa ma̱nyin gu bu khai za̱náng chet nang gu na nang konyan a̱ni.

1 A̱korontiyawa 15:10

A̱wot tangka̱i a̱ta̱m wu nang n gyet a̱fwun a̱ni, n gyet gu mat shok A̱gwaza ja. A̱wot shok nang A̱gwaza nyia̱ nung dyo a̱ni, ji̱ yet a̱buk kyang wa bah. Da̱ a̱kwonu a̱kya, n nyia̱ ta̱m shei a̱lyiat A̱gwaza hu swak á̱kum a̱yaata̱m Yesu ka. A̱mgba̱m ma̱ng a̱nia, chet shei a̱lyiat A̱gwaza a̱hwa yet si̱ nung hwa bah. A̱wot A̱gwaza wa nyia̱ ta̱m ma̱ng a̱nung mat shok nggu ji.

1 A̱korontiyawa 3:5

Zang tangka̱i a̱yin hwa nang A̱folot wu yet? Zang tangka̱i a̱yin hwa nang nung Bulut wu yet? Zi̱ yet ma̱ á̱khwo A̱gwaza bya, ba̱ beang nyin nyi si̱ nwuak a̱chuchuk da̱ A̱sham Nkhang ka a̱ni. Konyan ma̱ a̱nzi̱t si̱ nyia̱ ta̱m hu nang A̱gwaza nwuak guu a̱ nyia̱ a̱ni.

1 A̱korontiyawa 4:7

Yihwa nwuak nyin a̱wat ka nyi khai nyi ntam da̱ a̱yaakwak a̱son nyin ba? Yihwa nang nyi byia̱ da̱nang A̱gwaza wa nang nyin bah? A̱wot ka̱ A̱gwaza wa nang nyin kuzang kyang nang nyi byia̱ a̱ni, yihwa mbyia̱ nyi ntam á ngyei di̱ za̱nang ja bah.

A̱ga̱la̱tiyawa 1:1

Nung Bulut, nang á̱ ku yorong n gyet a̱ta̱m Yesu a̱ni, nung gwa n dyuut nyin wusika jini, nyin á̱niet khwi nyi shya̱ mi̱ fam a̱byin Ga̱la̱tiya a̱ni. Sot á̱nietbishyi ja ku ma̱ng tyok a̱tyubishyi hwa nang á̱ nkhai nung bah. Da̱ a̱kwonu a̱kya, Yesu Kristi wa ma̱ a̱pyia̱ nggu ma̱ng A̱gwaza a̱ yet A̱tyia̱ a̱ni, a̱ ku ta̱ngam Yesu ma̱ng swuan ma̱ á̱niet ba̱ ka̱n kwi a̱ni; bibya ku khai nung n gyet a̱ta̱m wu.

A̱fisawa 1:1

Nung Bulut, a̱tyu nang á̱ khai mat shim A̱gwaza gu yet a̱ta̱m Kristi Yesu a̱ni. N dyuut wusika jini naat ndyo da̱ a̱vwuo á̱za̱za̱rak á̱niet khwi A̱gwaza ba̱ shya̱ ma̱ a̱keang A̱fisut. Ba̱ si̱ bu yet á̱tsotswat á̱niet khwi Kristi Yesu a̱ni.

1 Timoti 2:7

Mat tak ta̱m jini kpa̱sai hwa, nang á̱ ku ntyia̱ nung n gyet a̱ta̱m Yesu ma̱ng a̱tyu shei A̱sham Nkhang wu. N si̱ bu ngyet a̱tyu tyiet nwuak a̱chuchuk ma̱ng a̱tsatsak da̱ a̱vwuo Nnwap na̱ nwai yet A̱yahudawa a̱ni. N shei a̱tsak a̱lyiat wa, la hwa nang n bwoi bah.

Yakubu 1:17

Kuzang a̱tan ma̱ng a̱tsatsak za̱nang chorop a̱ neet da̱ a̱vwuo A̱gwaza a̱ yet A̱tyia̱ nzi̱t, a̱tyu a̱ mat a̱mgba̱m nkyang na̱ sai mi̱ kyai tswazwa a̱ni. Da̱ nggu, a̱ shai za̱kwa nggu ji nang nghwughwu mam, ku zwat ma̱ng a̱ta̱ngwat ni̱ nshai tityan yong mba ji a̱ni bah.