Yoona 3:26 - A̠lyiat A̠gwaza na di̠n Tyap: A̠li̠ka̠uli A̠fai

²⁶ Huhwa ba̱ si̱ nat, ba̱ si̱si̱ shya̱ Yoona. Ba̱ si̱ nyia̱ ma̱ng a̱nggu a̱ni, “A̱tyu tyiet, a jhyung a̱tyu a̱ ku shya̱ dundung ma̱ng a̱nwan a̱ma̱nyi fam a̱tak a̱ghyui Urdun ka nang a ku lyiat a̱ni a? Di, nggu wa nyia̱ á̱niet ba̱ptisman di̱ yong huni! A̱wot á̱niet ma̱ a̱di̱di̱t chong da̱ a̱vwuo nggu!”

Yoona 3:26 Iomraidhean Croise

Matyu 23:7

A̱wot ki̱ ba̱ chong mi̱ tungga, ba̱ ni̱ chat á̱ chyin baa, a̱wot á̱ tang mba a̱didyep, á̱ yei mba ma̱ng a̱gba̱ndang a̱lyoot nyia̱, ‘A̱tyu tyiet!’

Matyu 23:8

“A̱wot nyin, nyi yok shim á̱ chyin nyin nang a̱tsak ‘A̱tyu tyiet’ a̱ni bah. Mat nyi byia̱ a̱tsak a̱tyu tyiet a̱nyiung wa ma̱nyin gu. A̱wot a̱mgba̱m nyin, nyi yet kyang nyiung hwa nang á̱na̱nyiuk á̱ghyang a̱ni.

Yoona 1:15

Yoona mameang ku tak a̱lyiat kpa̱sai tazwa nggu. A̱ si̱ ta̱ngam a̱nwuat nggu ka mi̱ chet nyia̱, “A̱tyu wuni wa nang n ku ndyiat tazwa nggu, ‘A̱tyu a̱ chobai, a̱ khwi nung lilyim a̱ni, a̱ yet a̱tyu kwak a̱son nung wa. A̱wot a̱ si̱ swak nung ma̱ng shi hu ba̱t. Mat a̱ nshya̱ neet nang á̱ ka̱n byin nung bah.’ ”

Yoona 1:7

Nggu wa ku bai tak ta̱m ji kpa̱sai tazwa sai A̱gwaza hu. Da̱nian á̱niet ba ba̱ ka fa̱k, ba̱ nwuak a̱chuchuk di̱ sai hu.

Yoona 1:9

Sai huni hwa ku yet a̱tsatsak wu. Ku na bai mi̱ swanta hu, ku sai tazwa a̱mgba̱m á̱nietbishyi ba.

Yoona 11:48

Ka̱ zi̱ kai nggu ghwon nang gu nyian nkyang nani, a̱mgba̱m á̱niet ba na nwuak fwuo da̱ nggu! A̱wot A̱romawa ba na bai, ba̱ seang a̱byin nzi̱t ka, mbeang A̱li Nwuat Za̱nang A̱gwaza nzi̱t ka!”

Yoona 12:19

A̱jawa A̱fa̱risawa ba si̱ lyiat ma̱ng á̱ghyang mba nyia̱, “Nyi nwuan nyi lii, zi̱ si̱ mi̱n mak swuo chet a̱tyu wuni bah! A̱ swak chet zi̱t ba̱t. Nyi li si̱sak nang swanta hu ntyong a̱ khwi nggu a̱ni!”

Yoona 3:2

Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 4:1

Nang Yesu ndyen nang A̱fa̱risawa ba nfa̱k nkhang nang gu nshyat á̱niet ba̱ khwi gu a̱ni, a̱wot a̱ si̱ nyia̱ mba ba̱ptisman ba̱ si̱ yet mman ta̱m guu, ba̱ si̱ swak mman ta̱m Yoona na ma̱ng shi á̱kpa hu.

Yoona 4:2

(Mami a̱chuchuk, Yesu wa ma̱ a̱pyia̱ nggu ku nyia̱ ba ba̱ptisman ji bah. Mman ta̱m gu ni̱nia ku nyia̱.)

Yoona 4:31

A̱ shya̱ di̱ nyia̱ a̱nia, a̱jawa mman ta̱m Yesu si̱ naai nggu nyia̱, “A̱tyu tyiet, ma̱sa̱kut ya kyayak hu.”

Yoona 5:33

“Nyi ku ta̱m a̱yaata̱m da̱ a̱vwuo Yoona. A̱wot a̱ si̱ tak nyin kpa̱sai tazwa nung mami a̱chuchuk.