Yoona 3:2 - A̠lyiat A̠gwaza na di̠n Tyap: A̠li̠ka̠uli A̠fai

² Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 3:2 Iomraidhean Croise

Matyu 22:16

Huhwa ba̱ si̱ ta̱m ma̱ng mman ta̱m mba na ma̱ng sot á̱ghyang á̱niet ba̱ li̱n a̱ma a̱gwam Hiridut a̱ni, ba̱ si̱ shya̱ Yesu. Ba̱ si̱ nyia̱ ma̱ng a̱nggu, “A̱tyu tyiet, zi̱ lyen a yet a̱tsotswat a̱yin wa. A tyiet a̱lyiat A̱gwaza na mami a̱chuchuk. A bu byia̱ a̱ka̱ta ma̱ng a̱yin bah. Da̱ nwan, a khai á̱niet da̱ á̱ghyi bah.

Matyu 23:7

A̱wot ki̱ ba̱ chong mi̱ tungga, ba̱ ni̱ chat á̱ chyin baa, a̱wot á̱ tang mba a̱didyep, á̱ yei mba ma̱ng a̱gba̱ndang a̱lyoot nyia̱, ‘A̱tyu tyiet!’

Matyu 23:8

“A̱wot nyin, nyi yok shim á̱ chyin nyin nang a̱tsak ‘A̱tyu tyiet’ a̱ni bah. Mat nyi byia̱ a̱tsak a̱tyu tyiet a̱nyiung wa ma̱nyin gu. A̱wot a̱mgba̱m nyin, nyi yet kyang nyiung hwa nang á̱na̱nyiuk á̱ghyang a̱ni.

Ma̱rkut 12:14

Nang ba̱ mbai da̱ a̱vwuo Yesu a̱ni, ba̱ si̱ nyia̱, “A̱tyu tyiet, zi̱ lyen a yet a̱tsotswat a̱yin wa. Da̱ nwan, a bu byia̱ a̱ka̱ta ma̱ng a̱yin bah. Mat a khai a̱yin da̱ á̱ghyi bah. Da̱ a̱kwonu a̱kya, a tyiet vak A̱gwaza hu mami a̱chuchuk. Tak ma̱ng a̱nzi̱t, á̱ shim nzi̱t ndyo zi̱ tan Kaisar a̱gba̱ndang a̱gwam shan A̱romawa kurum ga̱ndu hu a, kee zi̱ yok?”

Yoona 1:38

Nang Yesu mbwuak a̱ si̱ li nang ba̱ khwi nggu a̱ni, a̱ si̱ lyip ba nyia̱, “Yihwa nang nyi chat?” Ba̱ si̱ nwuak gu shim ma̱ng lyip nyia̱, “Rabi!” (Swang jini fa, “A̱tyu tyiet.”) “A̱ji wa nang a nshya̱?”

Yoona 10:38

A̱wot ki̱ nta̱m A̱tyia̱ nung nia nang n nyia̱, ku da̱ nyi nwuak fwuo da̱ nung bah; ku myim nyi nwuak a̱chuchuk di̱ nta̱m a̱ga̱de na; nyi ka lyen, nyi bu fi̱k nang A̱tyia̱ wu nshya̱ dundung ma̱ng a̱nung; nung mameang n si̱ shya̱ dundung ma̱ng a̱nggu.”

Yoona 12:37

A̱mgba̱m ma̱ng a̱cha̱chet nkyang a̱ga̱de ma̱ a̱di̱di̱t nang Yesu ku nyia̱ a̱zaghyi A̱yahudawa ba a̱ni, ba̱ si̱ nwuak fwuo da̱ nggu bah.

Yoona 14:10

A nwuak a̱chuchuk nyia̱ n shya̱ mami A̱tyia̱ nung wu, A̱tyia̱ nung wu mameang, si̱ shya̱ mami nung baa? A̱lyiat nang n ndyiat ma̱ng a̱nyin a̱ni, n ndyiat naa mi̱ tyok a̱pyia̱ nung hwa bah. A̱tyia̱ nung wa a̱ swan mami nung ka a̱ni; nggu wa ma̱ a̱pyia̱ nggu nyia̱ nta̱m gu.

Yoona 15:24

“N ku nyia̱ nkyang a̱ga̱de ma̱ a̱di̱di̱t a̱zaghyi mba. Mami mba, á̱ mbyia̱ a̱tyu a̱ ka̱ mak nyia̱ na a̱ni bah. Ka̱ á̱ wa nyia̱, di̱ n wa nyia̱ nkyang a̱ga̱de a̱nia a̱zaghyi mba bah; si̱ ba̱ byia̱ a̱bun bah. A̱wot ma̱ninika, ba̱ li kyang hu nang n nyia̱ a̱ni. A̱mgba̱m ma̱ng a̱nia, ba̱ si̱ lak li nung, á̱ tsa bu ndak li A̱tyia̱ nung wu.

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 20:16

Yesu si̱ nyia̱ ma̱ng a̱nggu, “Ma̱ryamu!” A̱ si̱ bwuak a̱ nat ma̱ng Yesu. A̱ si̱ kaat da̱ a̱lyem A̱yahudawa, nyia̱ “Raboni!” Huhwa yet “A̱tyu tyiet.”

Yoona 3:26

Huhwa ba̱ si̱ nat, ba̱ si̱si̱ shya̱ Yoona. Ba̱ si̱ nyia̱ ma̱ng a̱nggu a̱ni, “A̱tyu tyiet, a jhyung a̱tyu a̱ ku shya̱ dundung ma̱ng a̱nwan a̱ma̱nyi fam a̱tak a̱ghyui Urdun ka nang a ku lyiat a̱ni a? Di, nggu wa nyia̱ á̱niet ba̱ptisman di̱ yong huni! A̱wot á̱niet ma̱ a̱di̱di̱t chong da̱ a̱vwuo nggu!”

Yoona 4:31

A̱ shya̱ di̱ nyia̱ a̱nia, a̱jawa mman ta̱m Yesu si̱ naai nggu nyia̱, “A̱tyu tyiet, ma̱sa̱kut ya kyayak hu.”

Yoona 5:36

“A̱mgba̱m ma̱ng a̱nia, n byia̱ nkyang na̱ shei a̱chuchuk wu kpa̱sai tazwa nung, na̱ lan si̱ Yoona hu ma̱ng shi a̱ni. Huhwa yet nta̱m na nang n nyia̱ a̱ni; nta̱m na nang A̱tyia̱ nung wu ku nwuak nung n nyia̱ a̱ni. Nta̱m ni̱nia lyiat da̱ a̱kwonu nung. A̱wot na̱ si̱ tak nyin nang A̱tyia̱ nung wu wa ku nta̱m nung.

Yoona 6:2

Á̱kpa á̱niet si̱ khwi nggu, mat ba̱ ku li a̱cha̱chet nkyang a̱ga̱de nang gu ku nyia̱ di̱ choot á̱niet nzwán ba a̱ni.

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Yoona 9:16

Huhwa A̱fa̱risawa á̱ghyang si̱ nyia̱, “A̱tyu wuni neet da̱ a̱vwuo A̱gwaza bah. Mat a̱ nyia̱ ta̱m a̱ si̱ tyat doka a̱tuk Mam Fwung ji!” Á̱ghyang á̱niet mameang, ba̱ si̱ nyia̱, “Á̱ na nyia̱ ni wa a̱tyu a̱ka̱tuk nyia̱ gu nnyia̱ ntangka̱i a̱cha̱chet nkyang a̱ga̱de nani?” Huhwa ba̱ si̱ ta̱bat ya fwuang ma̱ng á̱ghyang mba.

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.

Nta̱m A̱yaata̱m 2:22

“Nyin á̱niet Isi̱rela, nyi myiai a̱fufwuo, nyi fa̱a̱k! Yesu a̱tyu Na̱za̱ra̱t wa nang A̱gwaza tak nyin kpa̱sai, a̱ si̱ ta̱m ma̱ng a̱nggu. A̱gwaza tak si̱ huni, di̱ tyia̱ Yesu a̱ nyia̱ kuzang tangka̱i a̱ri̱bi̱di, nkyang a̱ga̱de, ma̱ng a̱lama; ma̱nang nyin ma̱ á̱pyia̱ nyin ndyen a̱ni.

A̱filibiyawa 1:14

A̱wot nang á̱ nnyim nung mi̱ jaru ji a̱ni, ku tyia̱ á̱niet khwi A̱tyoli Kristi ma̱ a̱di̱di̱t a̱ji si̱ mbeang gbang a̱lyia̱ hu. Ba̱ si̱ shei a̱lyiat A̱gwaza na ma̱ sa̱t, di̱ mi̱n fa̱k a̱wun.