Yoona 3:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ “Faat shi̱ri̱ya hu na li a̱ni wa; sai A̱gwaza hu ku bai mi̱ swanta hu. A̱mgba̱m ma̱ng a̱nia, á̱niet mi̱ swanta ba ku chat lyin hu a̱ lan sai A̱gwaza hu. Mat, ba̱ nyia̱ a̱ka̱tuk nyia̱.

Yoona 3:19 Iomraidhean Croise

Luka 12:47

“A̱wot a̱khwo wu a̱ lyen kyang nang a̱tyoli nggu wu chat a̱ni, a̱wot a̱ si̱ lak swan a̱ka̱tsak a̱cham hu; da̱ nggu a̱ bu khwi a̱lyiat a̱tyoli na bah. A̱tyoli a̱wa na nyiak guu ma̱ng a̱gba̱ndang swuo a̱bung ba̱t.

Luka 16:14

Nang A̱fa̱risawa ba nfa̱k tyiet huni a̱ni, ba̱ si̱ mai ngguu á̱ ma̱ng gu a̱lyem. Mat ba̱ yet á̱niet bya ba̱ la̱u chat zwá a̱ni.

Yoona 1:4

Swang A̱lyiat ji ku yet a̱tyin nswuan. A̱wot swuan jini si̱ bai ma̱ng á̱nietbishyi sai.

Yoona 1:5

Sai hu si̱ tyia̱ a̱vwuo ka ka̱ yet lyin a̱ni, si̱ teak. A̱wot di̱ lyin hu, ku swuo chet sai hu bah.

Yoona 12:31

Ma̱nini kya nang á̱ na nyia̱ á̱niet mi̱ swanta ba shi̱ri̱ya, a̱wot á̱ bu vwuong A̱ta̱nyeang swanta kani.

Yoona 12:43

Mat ba̱ ku chat dyep da̱ a̱vwuo á̱nietbishyi a̱ swak si̱sak nang A̱gwaza na ndyep mba a̱ni.

Yoona 12:46

N ku mbai mi̱ swanta hu. N si̱ ndi nang sai a̱ni, da̱nian konyan wa nwuak fwuo da̱ nung, a̱ si̱ mi̱n swan mi̱ ndyin bah.

Yoona 5:44

“Nyi na nyia̱ ni wa nyi nwuak a̱chuchuk, ka̱nang nyi chat dyep da̱ a̱vwuo á̱ghyang nyin; a̱wot da̱ nyin nyi chat chyin ku neet da̱ a̱vwuo A̱gwaza ma̱nyin nggu a̱ni bah?

Yoona 7:17

Konyan wa chat nyia̱ kyang nang A̱gwaza chat a̱ni, a̱ na fi̱k tyiet huni; ka̱ ku yet si̱ A̱gwaza hwa, kee n ma ndyiat a̱kwonu a̱pyia̱ nung kya.

Yoona 7:7

Swanta hu si̱ mi̱n dak nyin bah. A̱wot nung gwa nang á̱niet mi̱ swanta ba lak li hu. Mat n tak ma̱ng a̱mba nang ba̱ nyian a̱ka̱tuk nkyang.

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 9:5

Jen nang n shya̱ mi̱ swanta hu a̱ni, nung gwa ngyet sai hu mi̱ swanta hu.”

A̱romawa 1:32

Ba̱ lyen nang a̱tsotswat doka A̱gwaza wu ntak nyia̱ á̱niet ba̱ nyian ntangka̱i nkyang a̱nia a̱ni, ba̱ myim a̱khwu kya. A̱mgba̱m ma̱ng a̱nia, a̱ka̱tuk wu wa yet, mi̱ nkyang nani nia nang ba̱ nyia̱ ma̱nyin na bah, a̱wot ba̱ ni̱ mun á̱ li̱n a̱ma á̱niet ba̱ nyian a̱ka̱tuk nkyang a̱nia a̱ni.

A̱romawa 2:8

Ma a̱nia wa, á̱niet chat á̱pyia̱, á̱niet lak khwi a̱tsak a̱lyiat, ma̱ng á̱niet ba̱ swan swat a̱ka̱tuk nyia̱ a̱ni; A̱gwaza na fa̱k a̱lyia̱ ya ma̱ng a̱mba ba̱t. A̱wot a̱ tak ba mwai lyen nggu hu kpa̱sai.

2 A̱ta̱solonikawa 2:12

A̱wot a̱ ka faat shi̱ri̱ya da̱ á̱niet ba̱ fwuong nyinyang nyia̱ a̱ka̱tuk, da̱ a̱kwonu ba̱ na nnwuak a̱chuchuk da̱ a̱tsak a̱lyiat wu a̱ni.

1 Bitut 2:8

A̱wot á̱ bu lyuut nyia̱, “A̱fang kani kya na tyia̱ á̱niet ba̱ ga̱u. Kikya bu na tyia̱ mba ba̱ shot a̱kwa.” Ba̱ ga̱u mat ba̱ lak khwi a̱lyiat A̱gwaza na. Huhwa mbyia̱ ku ngyet mba a̱daat nang á̱ sak mba ndyo a̱ni.

2 Bitut 3:3

Kyang nyiung nang n chat n jhyung nyin a̱ni, huhwa yet; di̱ ngaan njen wu, nang Yesu ka̱n bwuok a̱ bai bah, á̱niet na ghwut ba̱ mai á̱niet khwi ba di̱ lihyat tazwa bwuok bai Yesu hu. A̱wot ba̱ na khwi a̱ka̱tuk shyuo nfwuo mba wu.