Yoona 3:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ “Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Yoona 3:16 Iomraidhean Croise

Matyu 9:13

A̱ si̱ bu nyia̱ ma̱ng a̱mba, “Nyi nat nyi zop kyang nang A̱lyiat A̱gwaza na fa a̱ni, ‘N chat nyi fwuong kunak á̱ghyang, ku lan nwuat nung za̱nang ji.’ Mat n bai n gyei á̱niet ba̱ kyiak á̱pyia̱ mba nyia̱ ba̱ yet á̱tsotswat á̱niet bya a̱ni bah. Da̱ a̱kwonu a̱kya, n bai n gyei á̱niet ba̱ lyen nang ba̱ ngyet á̱niet a̱ka̱tuk nyia̱ bya a̱ni, ba̱ ghwon a̱ka̱tuk nyia̱ mba wu ba̱ khwi A̱gwaza.”

Ma̱rkut 12:6

A̱mgba̱m ma̱ng a̱nia, a̱tyu byia̱ a̱byin wu byia̱ nggwon nang gu nsak fwuo a̱ni, a̱ si̱ ta̱m nka a̱ngaan ma̱ng a̱di̱dam nyia̱, ‘Ba̱ na nwuak nggwon nung ka shi!’

Luka 2:14

“Zi̱ dyep A̱gwaza a̱ shya̱ tswazwa a̱ni! A̱wot yok swat nyinyang ku bai da̱ a̱vwuo á̱niet mi̱ swanta ba, nang A̱gwaza fwuong nyinyang mba a̱ni!”

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 1:29

Da̱ a̱tsotson tat ka, Yoona si̱ li Yesu gu chobai da̱ a̱vwuo nggu. A̱jawa gu nyia̱, “Di, Fi̱ng A̱nfwuk nang A̱gwaza neap a̱ni! Nggu wa na chi a̱ka̱tuk nyia̱ á̱niet wu mi̱ swanta hu.

Yoona 10:28

N na nwuak mba swuan sang sangba̱p, a̱wot ba̱ na kwi bah. A̱yin si̱ mi̱n ta̱wap mba bwak nung bah.

Yoona 3:15

Da̱nian konyan wa nwuak fwuo da̱ nggu a̱ni, a̱ na shya̱ swuan sang sangba̱p ji.

Yoona 3:18

Kuzang a̱yin wa nwuak fwuo di̱ nggwon A̱gwaza ka, á̱ na nyia̱ gu shi̱ri̱ya bah. A̱wot a̱tyu a̱ lak nwuak fwuo da̱ nka a̱ni, á̱ wa ka̱n faat gu shi̱ri̱ya. Mat a̱ lak nwuak fwuo da̱ Nggwon A̱gwaza ka, ma̱nyin ka.

Yoona 3:36

Konyan wa nwuak fwuo di̱ Nggwon A̱gwaza ka, a̱ byia̱ swuan sang sangba̱p. A̱wot konyan wa lak khwi Nggwon A̱gwaza ka, a̱ si̱ mi̱n shya̱ swuan bah. A̱wot mwai lyen A̱gwaza hu ni̱ swan tazwa gu.”

Yoona 6:40

“Mat ta̱m hu nang A̱tyia̱ nung wu chat a̱ni, huhwa yet; konyan wa li Nggwon nggu ka, a̱ si̱ nwuak fwuo da̱ nka a̱ni, a̱ na shya̱ ma̱ng swuan sang sangba̱p. Nung meang, n ma nta̱ngam nggu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.”

A̱romawa 5:10

Ma a̱nia wa, ma̱nang zi̱ wa ni̱ ngyet á̱niet lak li A̱gwaza bya a̱ni, a̱wot Yesu Kristi si̱ jhyi swat kpa̱ndang nzi̱t hu ma̱ng A̱gwaza di̱n vak a̱khwu nggu hu, a̱tsak a̱lyiat, ku fa nang A̱gwaza na nsan nzi̱t za̱m di̱n vak nwuak swuan Nggwon nggu ji ja.

A̱romawa 5:8

A̱wot A̱gwaza tak zi̱t kpa̱sai nang gu nchat zi̱t ba̱t, di̱ si̱sak nang gu nta̱m Kristi gu khwu da̱nian nzi̱t, neet nang zi̱ ni̱ yet á̱niet a̱ka̱tuk nyia̱ a̱ni.

A̱romawa 8:32

Mat nang A̱gwaza nnwai vwuong ma̱ng Nggwon nggu ka nang gu byia̱ ma̱nyin ka a̱ni, a̱wot a̱ si̱ neap ka nang za̱nang a̱ni da̱nian zi̱t a̱mgba̱m; a̱tsak a̱lyiat, ku fa za̱m, A̱gwaza na nang zi̱t kuzang kyang meang!

A̱fisawa 2:4

A̱mgba̱m ma̱ng a̱nia, A̱gwaza si̱ chat zi̱t ba̱t. A̱wot a̱ si̱ fwuong kunak nzi̱t gba̱mgbam,

2 A̱ta̱solonikawa 2:16

Ma̱ninika, yok A̱tyoli nzi̱t, Yesu Kristi ma̱ a̱pyia̱ nggu, ma̱ng A̱gwaza a̱ yet A̱tyia̱ nzi̱t wu a̱ni, a̱ chat zi̱t a̱wot mat shok nggu ji, a̱ si̱ tyei nzi̱t gba̱gbak ku nwai tyiai a̱ni, a̱wot a̱ si̱ tyia̱ nzi̱t zi̱ ntyia̱ fwuo da̱ nggu;

Titut 3:4

A̱wot nang A̱gwaza A̱tyusan san nzi̱t wu ntyai shok ma̱ng chat nggu hu kpa̱sai a̱ni,

Ibriniyawa 2:9

A̱wot a̱tyu nang zi̱ lyen a̱ni, Yesu wa, da̱ ba chak a̱ghyang, a̱ si̱ ghyuai a̱kyenkyai shi nggu wu ma̱nang á̱ ku nhyia̱ nyia̱, “A na nwuak gu shi ku tat kpa̱mkpaan ma̱ng á̱si̱ a̱yaata̱m tswá a̱ni.” Di̱ yong huni, Yesu wa nang, “Á̱ kup gu tyok, a̱ si̱ nwuak gu shi,” mat a̱ ku swuo a̱bung, a̱ si̱ khwu da̱nian zi̱t. A̱tsak a̱lyiat, mat shok A̱gwaza ja, ntyia̱ Yesu si̱ nkhwu da̱nian konyan.

1 Yoona 3:1

Nyi dam si̱sak ji nang A̱tyia̱ nzi̱t wu nchat zi̱t a̱tsatsak chat a̱ni, mat a̱ kyiak zi̱t nang mman nggu a̱ni. A̱tsak a̱lyiat mman nggu ni̱nia nang zi̱ yet. A̱mgba̱m ma̱ng yet mman A̱gwaza nzi̱t hu, á̱niet mi̱ swanta ba fi̱k nang zi̱ ngyet mman nggu nia bah, mat si̱sak nang ba̱ ndyen nggu a̱ni bah.

1 Yoona 4:19

Zi̱ chat á̱ghyang, mat A̱gwaza wa tsa chat zi̱t hu.

Tyai Á̱zanson 1:5

Byat hu si̱ bu neet da̱ a̱vwuo Yesu Kristi. Nggu wa yet a̱tsotswat a̱tyu a̱ nwuak sheda tazwa nkyang nani a̱ni. Nggu wa si̱ bu yet a̱tyu nang A̱gwaza tsa ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa bu nyia̱ tyok tazwa a̱mgba̱m á̱gwam swanta ba. Yok a̱mgba̱m a̱kyenkyai shi a̱ yet si̱ ngguu. Mat a̱ chat zi̱t, a̱ si̱ ti̱n zi̱t ma̱ a̱ka̱tuk nyia̱ nzi̱t wu, di̱ nwuak a̱sok nggu na da̱nian zi̱t.