Yoona 3:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ A̱wot á̱ mbyia̱ a̱tyu a̱ ka̱n nyeak a̱ nat A̱ma A̱gwaza tswazwa a̱ni bah; mi̱ Nggwon A̱tyubishyi kya ma̱nyin ka, ku chyok a̱ neet a̱ja.

Yoona 3:13 Iomraidhean Croise

Matyu 28:20

Nyi bu tyiet mman ta̱m á̱fai na na̱ bu khwi a̱mgba̱m tyiet nang n tak nyin a̱ni. A̱wot nyi nwuak a̱chuchuk, n ni̱ shya̱ ndung ma̱ng a̱nyin kuzang jen, si̱ nat a̱mgba̱m che wu!”

Matyu 8:20

Yesu si̱ nyia̱ ma̱ng a̱nggu a̱ni, “A̱ka̱kyong swuat ma̱ a̱bubwong, a̱ka̱man si̱ byia̱ a̱ka̱le. A̱wot nung, Nggwon A̱tyubishyi, mbyia̱ a̱vwuo kwai bah.”

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 3:12

“A̱wot ka̱ n shei ma̱ng a̱nyin a̱lyiat tazwa nkyang na̱ shya̱ mi̱ swanta huni a̱ni, a̱wot nyi si̱ nwuak fwuo da̱ nung bah; mi̱ nyi na nyia̱ ni wa nyin nnwuak fwuo da̱ nung ka̱ n nwuo shei ma̱ng a̱nyin a̱lyiat tazwa nkyang na̱ shya̱ Ma A̱gwaza tswazwa ka a̱ni?

Yoona 3:31

“Nggu a̱tyu a̱ bai a̱ neet Ma A̱gwaza tswazwa ka a̱ni, a̱ shi a̱ swak konyan. Nggu a̱tyu a̱ shya̱ a̱byin ka a̱ni, a̱ lyiat a̱lyiat nkyang na̱ shya̱ a̱byin a̱ni. Nggu a̱tyu a̱ bai a̱ neet Ma A̱gwaza tswazwa ka a̱ni, [[a̱ shi a̱ swak konyan.]]

Yoona 6:33

Mat kyayak A̱gwaza hu ku neet tswazwa kya a̱ni; huhwa nwuat á̱niet mi̱ swanta ba swuan ji.”

Yoona 6:38

N chyok neet Ma A̱gwaza tswazwa, n ka nyia̱ ta̱m a̱pyia̱ nung hwa bah. Ta̱m a̱tyu a̱ ta̱m nung wa a̱ni; huhwa nang n nyia̱.

Yoona 6:42

Ba̱ si̱ nyia̱, “A̱tyu wuni wa yet Yesu a̱ yet nggwon Isuu ka a̱ni baa? Zi̱ lyen a̱tyia̱ nggu wu ma̱ng a̱yang byin nggu wu. Ka̱ a̱nia wa, yihwa mbyia̱ nang gu nyia̱ a̱ chyok a̱ neet Ma A̱gwaza tswazwa kya?”

Yoona 6:46

(N fa á̱ mbyia̱ a̱yin a̱ ka̱n di A̱tyia̱ wu a̱ni bah; ma̱ nggu wa a̱tyu a̱ neet da̱ a̱vwuo A̱gwaza ka a̱ni. Nggu wa ma̱nyin gu ka̱n di A̱tyia̱ wu).

Yoona 6:51

Nung gwa ngyet kyayak swuan ku chyok neet Ma A̱gwaza tswazwa ka a̱ni. Konyan wa ya kyayak a̱hwa a̱ na shya̱ swuan sang sangba̱p. Kyayak a̱hwa nang n na nwuak a̱nyuu a̱ni; ku na yet nam vam nung hu hwa, nang n na neap da̱nian a̱mgba̱m á̱niet mi̱ swanta ba, ba̱ ka shya̱ swuan ji.”

Yoona 6:62

Ka̱ a̱nia wa, yihwa nang nyi na dam ka̱ nyi li Nggwon A̱tyubishyi ka̱ bwuot a̱ naat a̱ nyeak da̱ a̱vwuo ka ka̱ ku nshya̱ gbangbang a̱ni?

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Nta̱m A̱yaata̱m 2:34

Mat Da̱wuda wa ku nyeak a̱ nat A̱ma A̱gwaza tswazwa ka bah. A̱wot Da̱wuda ma̱ a̱pyia̱ nggu ku nyia̱, ‘A̱gwaza wa nyia̱ ma̱ng A̱tyoli nung wu; “Swan da̱ a̱vwuo a̱gba̱ndang shi a̱zayak nung,

Nta̱m A̱yaata̱m 20:28

“Nyi cham pyipyia̱ nyin, ma̱ng a̱mgba̱m á̱niet khwi A̱gwaza ba. Nyi chok sot á̱niet khwi A̱gwaza ji, nang gu san ma̱ng a̱za̱za̱rak a̱sok Yesu a̱ yet Nggwon nggu ka a̱ni. Á̱niet khwi bibya nang A̱za̱za̱rak Ntswa wu tyia̱ nyin ndyo mbwak. Nyi yet ba a̱yaakwak a̱son.

A̱romawa 10:6

A̱wot a̱tyu a̱ khwi vak nwuak fwuo da̱ A̱gwaza a̱ ka yet a̱tsotswat ma̱ng sang a̱bun a̱zaghyi nggu a̱ni, na nyia̱, “Yok nyia̱ mi̱ fwuo ang hu ‘A̱nyan wa na nyeak a̱ nat Ma A̱gwaza tswazwa ka?’ Da̱nian a̱ ka si̱ chyok ma̱ng Kristi a̱ bai ndyo mi̱ swanta.

1 A̱korontiyawa 15:47

A̱da̱mu, a̱ ku yet a̱son ka a̱ni, yet mbyin nia. A̱wot Kristi, a̱ yet ngaan wu a̱ni, si̱ neet Ma A̱gwaza tswazwa kya.

A̱fisawa 1:23

A̱wot á̱niet khwi ba yet vam Kristi hwa; nggu wa ma̱ a̱pyia̱ nggu tyia̱ vam hu nshya̱ cha̱chaat ku si̱ yet a̱jhyem. A̱wot Kristi wa yet a̱kwak a̱son di̱ kuzang kyang, mi̱ kuzang a̱vwuo.