Yoona 3:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ Yok, n tak ma̱ng a̱nwan tsatsak a̱lyiat; zi̱ lyiat kyang hu nang zi̱ lyen a̱ni. Zi̱ si̱ bu shei kyang hu nang zi̱ ka̱n di a̱ni. Ma̱ng a̱nia, á̱ mbyia̱ a̱yin ma̱ nyin a̱ chat a̱ san shei kpa̱sai nzi̱t hu tazwa nkyang nani a̱ni bah.

Yoona 3:11 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 23:37

“Urusha̱lima, ka̱a̱t nyin á̱niet Urusha̱lima! A̱keang ka̱ hyaai a̱yaata̱m a̱kwonu A̱gwaza ba. A̱wot ka̱ si̱ mang a̱yaata̱m A̱gwaza ba ma̱ng nfang a̱ni! A̱ka̱mang kya n ka̱n chat tung mman ang na dundung, ma̱nang a̱yang nywan ni̱ nkup mman nggu na tafa nfeap gu a̱ni. A̱wot nyi si̱ lak nung dyo.

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 1:11

A̱ ku bai da̱ a̱vwuo á̱niet guu. A̱wot á̱niet nggu ba si̱ lak san gu hu!

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 12:49

“Nkyang nang n tyiet a̱ni, na̱ neet da̱ a̱vwuo nung kya bah. A̱tyia̱ nung wu wa a̱ ta̱m nung a̱ni; nggu wa tak nung a̱lyiat nang n dyiat a̱ni.

Yoona 14:24

A̱tyu a̱ nwai chat nung a̱ni mameang, a̱ khwi á̱lyiat nung na bah. Á̱lyiat nung na nang nyi fwuong a̱ni, á̱si̱ nung nia bah; á̱lyiat A̱tyia̱ nia. Nggu wa ta̱m ma̱ng a̱nung mi̱ swanta hu.

Yoona 3:12

“A̱wot ka̱ n shei ma̱ng a̱nyin a̱lyiat tazwa nkyang na̱ shya̱ mi̱ swanta huni a̱ni, a̱wot nyi si̱ nwuak fwuo da̱ nung bah; mi̱ nyi na nyia̱ ni wa nyin nnwuak fwuo da̱ nung ka̱ n nwuo shei ma̱ng a̱nyin a̱lyiat tazwa nkyang na̱ shya̱ Ma A̱gwaza tswazwa ka a̱ni?

Yoona 3:13

A̱wot á̱ mbyia̱ a̱tyu a̱ ka̱n nyeak a̱ nat A̱ma A̱gwaza tswazwa a̱ni bah; mi̱ Nggwon A̱tyubishyi kya ma̱nyin ka, ku chyok a̱ neet a̱ja.

Yoona 3:3

Yesu si̱ nyia̱ ma̱ng a̱nggu, “Yok n tak ma̱ng a̱nwan a̱tsatsak a̱lyiat, ka̱ a byin ang a̱ka̱feang bah, a si̱ mi̱n di Tyok A̱gwaza hu lili bah za̱m.”

Yoona 3:5

Yesu si̱ nwuak gu shim nyia̱, “Yok, n tak ma̱ng a̱nwan a̱tsatsak a̱lyiat; ka̱ á̱ byin a̱yin ma̱ng a̱sa̱khwot ma̱ng A̱za̱za̱rak Ntswa bah, a̱ si̱ mi̱n nwuo Tyok A̱gwaza hu bah.

Yoona 5:43

Nung, n bai da̱ a̱lyoot A̱tyia̱ nung kya. Da̱ nyin, nyi san nung bah. A̱wot ka̱ a̱ghyang a̱niet bai da̱ a̱lyoot a̱pyia̱ nggu, nyi na san gu mbwak nfeang.

Yoona 7:16

Yesu si̱ nwuak ba shim, “Ta̱m ji nang n tyiet a̱ni, ji̱ yet si̱ nung ja bah; ji̱ neet da̱ a̱vwuo A̱gwaza kya. Nggu wa ta̱m nung.

Yoona 8:14

Yesu si̱ nyia̱, “Ka̱ n tak a̱chuchuk kpa̱sai tazwa a̱pyia̱ nung, kyang hu nang n tak a̱ni, a̱tsatsak a̱lyiat wa. Mat, n dyen a̱vwuo ka nang n neet a̱ni, ma̱ng a̱vwuo ka nang n na mbwuok n nat a̱ni. A̱wot nyin, nyi lyen a̱vwuo ka nang n neet a̱ni bah. Da̱ nyin, nyi lyen a̱vwuo ka nang n na mbwuok n nat a̱ni bah.

Yoona 8:26

Nkyang nshya̱ ma̱ a̱di̱di̱t nang n na nhyia̱ n bu nnyia̱ nyin shi̱ri̱ya a̱ni. A̱mgba̱m ma̱ng a̱nia, a̱tyu a̱ ta̱m ma̱ng a̱nung a̱ni, a̱ byia̱ a̱chuchuk. A̱wot kyang hu nang n fa̱k da̱ a̱vwuo nggu a̱ni; huhwa nang n na ntak ma̱ng á̱niet mi̱ swanta ba.”

Yoona 8:38

Nung, n dyiat kyang hu nang n di da̱ a̱vwuo A̱tyia̱ nung ka a̱ni. A̱wot nyin mameang, nyi ni̱ nyia̱ kyang hu nang a̱tyia̱ nyin wu hyia̱ ma̱ng a̱nyin, nyi si̱ fa̱k a̱ni.”

Nta̱m A̱yaata̱m 22:18

Ma̱ a̱ma̱bwoi na, A̱tyoli Yesu si̱ nyia̱ ma̱ng a̱nung, ‘Ghan a̱nggang! A ghwon Urusha̱lima hu! Mat á̱niet ba̱ shya̱ a̱ji a̱ni, ba̱ na nwuak a̱chuchuk da̱ á̱lyiat nang a shei tazwa nung a̱ni bah.’

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

Tyai Á̱zanson 1:5

Byat hu si̱ bu neet da̱ a̱vwuo Yesu Kristi. Nggu wa yet a̱tsotswat a̱tyu a̱ nwuak sheda tazwa nkyang nani a̱ni. Nggu wa si̱ bu yet a̱tyu nang A̱gwaza tsa ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa bu nyia̱ tyok tazwa a̱mgba̱m á̱gwam swanta ba. Yok a̱mgba̱m a̱kyenkyai shi a̱ yet si̱ ngguu. Mat a̱ chat zi̱t, a̱ si̱ ti̱n zi̱t ma̱ a̱ka̱tuk nyia̱ nzi̱t wu, di̱ nwuak a̱sok nggu na da̱nian zi̱t.

Tyai Á̱zanson 3:14

“Lyuut a̱ta̱m tswa A̱gwaza wusika jini, gu nwuak sot á̱niet khwi ji shya̱ La̱wudikiya a̱ni: Ta̱m jini ja neet da̱ a̱vwuo a̱tyu a̱ yet ‘Samba̱rka A̱gwaza’ a̱ni, a̱ bu yet a̱tsotswat ma̱ng a̱tsatsak a̱tyu a̱ nwuat sheda a̱lyiat A̱gwaza a̱ni! Nggu wa yet a̱tyin nang A̱gwaza mmat kuzang kyang mi̱ swanta hu a̱ni!