Yoona 3:10 - A̠lyiat A̠gwaza na di̠n Tyap: A̠li̠ka̠uli A̠fai

¹⁰ Yesu si̱ nwuak gu shim nyia̱, “A̱wot nwan mameang, a yet a̱gba̱ndang a̱tyu tyiet Isi̱rela wu a̱ni; a̱wot a lyen nkyang nani baa?

Yoona 3:10 Iomraidhean Croise

Matyu 11:25

Di̱n jen a̱ja, Yesu si̱ naai A̱gwaza nyia̱, “N dyep ang A̱tyia̱, A̱tyoli a̱ byia̱ tswazwa ma̱ng a̱byin a̱ni. N gwai ang nang a niat nkyang nani da̱ a̱vwuo á̱niet ba̱ fa nyia̱ ba̱ byia̱ mumwang ma̱ng lyen kyang a̱ni; a̱wot a si̱ tyai na kpa̱sai da̱ a̱vwuo á̱niet ba̱ kyiak á̱pyia̱ mba nang mman a̱ni.

Matyu 15:14

Mat a̱nia, nyi bwung baa. Ba̱ yet á̱niet a̱fi̱fan bya. A̱wot ba̱ kwak á̱niet a̱fi̱fan shán mameang. A̱wot ka̱ a̱tyu a̱fi̱fan kwak a̱tyu a̱fi̱fan shan, a̱mgba̱m ba a̱feang, ba̱ na kwa mi̱ bwong.”

Matyu 22:29

Yesu si̱ nwuak ba shim nyia̱, “Lyip huni tak nang nyi ka̱n ghyuap wa. Mat nyi ka̱n dyen A̱lyiat A̱gwaza na ma̱ng chet nggu hu bah.

Luka 2:46

Ba̱ si̱ bwuo mam tat nang ba̱ chat gu, ba̱ sii du ba̱ shya̱ nggu mi̱ didyaat A̱mali Nwuat Za̱nang A̱gwaza hu; nang gu swan ma̱ a̱ka̱wa̱tyia̱ á̱niet tyiet doka, a̱ myiai a̱fufwuo a̱ bu ndyi̱ri̱m mba nkyang!

Luka 5:17

Á̱ghyang á̱tuk nang Yesu shya̱ di̱ tyiet á̱niet ba, nang A̱fa̱risawa á̱ghyang ma̱ng a̱yaagwak tyiet doka A̱gwaza swan kpa̱mkpaan a̱ja. (Shimba á̱niet bani ku neet mi̱ kuzang a̱keang mi̱ nfam bibyin Ga̱lili ma̱ng Yahudiya. Á̱ghyang si̱ bu neet mi̱ Urusha̱lima). A̱wot A̱gwaza ku nwuat Yesu chet choot á̱niet nzwán hu ba̱t.

Yoona 3:9

Nikodimut si̱ bu lyip Yesu nyia̱, “Ku na nyia̱ ni ku ndi a̱nia?”

Nta̱m A̱yaata̱m 5:34

A̱wot a̱tyu nyiung ma̱ mba, a̱ ku yet a̱tyu A̱fa̱risawa á̱ si̱ ngyei nggu Ga̱maliyal, a̱ ku yet a̱gwak a̱tyu tyiet doka wa. A̱wot a̱mgba̱m á̱niet ba si̱ nwuat gu shi. A̱ si̱ doot a̱ yong ma̱ a̱gba̱ndang a̱tung wu. A̱ si̱ tyia̱ á̱ si̱ ya nghwut ma̱ng a̱yaata̱m ba nta.

A̱romawa 2:28

A yet a̱tsatsak a̱tyu A̱yahudawa mat á̱niet mbyin ang ba yet A̱yahudawa bya, ku á̱ tyia̱ ang mi̱ chen hwa bah.

A̱filibiyawa 3:3

Mat nzi̱t á̱niet zi̱ dyep A̱gwaza mami A̱za̱za̱rak Ntswa a̱ni, nzi̱t bya yet á̱tsatsak á̱niet A̱gwaza nang á̱ tyei mi̱ chen mami fwuo a̱ni. Zi̱ ta̱yuk di̱ nta̱m nang Kristi Yesu nyia̱ nzi̱t ndyo wa a̱ni. Da̱ nzi̱t, zi̱ tyia̱ fwuo di̱ nta̱m vam a̱tyubishyi bah.

A̱kolosiyawa 2:11

Di̱n jen nang nyi ku mmun á̱pyia̱ ma̱ng Kristi a̱ni, á̱ ku tyia̱ nyin mi̱ nchen. A̱wot tangka̱i tyia̱ mi̱ chen Kristi hu yet si̱ vam a̱tyubishyi hwa bah. Tangka̱i tyia̱ mi̱ nchen huni yet si̱ A̱za̱za̱rak Ntswa hwa; mat Kristi wa faat za̱kwa a̱ka̱tuk nyia̱ nyin ji a̱ tyat a̱ si̱ ji̱p.