Yoona 21:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Nggwon ta̱m ka nang Yesu ku chat a̱ swak a̱ni, si̱ nyia̱ ma̱ng Bitut, “A̱tyoli Yesu wa!” Mi̱ di̱ yong a̱hwa nang Bitut nfa̱k nang Yesu wa a̱ni, a̱ si̱ kup a̱yaatoot nggu ba, (nang gu khwuk a̱yaatoot gu ba, a̱ koot); a̱wot a̱ si̱ fi̱p a̱ kwa ma̱ a̱sa̱khwot na!

Yoona 21:7 Iomraidhean Croise

Ma̱rkut 11:3

“Ka̱ a̱yin lyip nyin, ‘Yihwa mbyia̱ nyi mbyi nka?’ Nyi tak ma̱ng a̱nggu nyia̱, ‘A̱tyoli wa chat ka. A̱wot a̱ na bwuok ndyo ma̱ninika.’ ”

Luka 12:35

“Nyi swan ma̱ng la̱p vam, nyi fwuong! A̱wot nyi bu ni̱ ntyei long mi̱ fí̱tila nyin ji, ji̱ ka sai kuzang jen;

Luka 2:11

Mat a̱fwun kani, mi̱ Ba̱italami a̱keang a̱gwam Da̱wuda, á̱ byin nyin nggwon, ka̱ yet A̱tyusan! Kikya bu yet Kristi, a̱tyu nang A̱gwaza kup ka tyok a̱ni; kikya bu yet A̱tyoli wu.

Luka 7:47

“N tak ma̱ng a̱nwan, nang a̱ka̱tuk nyia̱ a̱byii̱k wuni nshi á̱kpa a̱ni; á̱ si̱ chi nggu ndyo. Mat a̱nia, a̱ tak nang gu nchat nung wa ba̱t. A̱wot a̱tyu a̱ fa á̱ chi a̱ka̱tuk nyia̱ nggu wu ma̱ a̱da̱dei a̱ni; a̱tyu a̱wa tak nang nggu nchat nung ma̱ a̱da̱dei wa.”

Yoona 13:23

A̱tyo nyiung mami mman ta̱m nang Yesu fa̱k da̱ nggu a̱ni ba̱t, nang gu swan ma̱ kpa̱mkpaan ma̱ng Yesu;

Yoona 19:26

Nang Yesu ndi a̱yang byin nggu wu mbeang nggwon nta̱m nang gu chat a̱ni, kpa̱mkpaan ma̱ng a̱yang wu; huhwa gu nyia̱ ma̱ng a̱yang byin nggu wu a̱ni, “A̱yang, di nggwon ang kya ka!”

Yoona 20:2

A̱ si̱ tyong chung a̱ nat da̱ a̱vwuo Siman Bitut, ma̱ng nggwon ta̱m ka nang Yesu chat a̱ swak a̱ni. A̱ si̱ hyia̱ ma̱ng a̱mba nyia̱, “Ba̱ kyiak kwom Yesu ma̱ a̱bi ka! A̱wot zi̱ lyen a̱vwuo ka nang ba̱ si̱ nsak gu a̱ni bah!”

Yoona 20:20

Nang gu nhyia̱ a̱nia a̱ni, a̱ si̱ tak ma̱ng a̱mba mbwak nggu na ma̱ng a̱gbang tsi̱ntsa̱u nggu wu. Mman ta̱m na si̱ gwai ba̱t nang ba̱ ndi A̱tyoli Yesu a̱ni!

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Yoona 21:20

Bitut si̱ ta̱ghak, a̱ si̱ li nggwon ta̱m nang Yesu chat ba̱t a̱ni ka̱ khwi mbaa. Nggu wa ku shya̱ a̱ hyia̱k Yesu gi̱ngi̱ng, di̱n jen ya nkyayak A̱yet Ghwut Mman Isi̱rela mi̱ Khwo wu; a̱ si̱ lyip Yesu nyia̱, “A̱tyoli, a̱nyan wa chat bwuk ma̱ng a̱nwan hu?”

Yoona 21:24

A̱tyu wuni wa yet nggwon ta̱m ka ka̱ shei kpa̱sai a̱chuchuk tazwa a̱mgba̱m nkyang nani a̱ni; a̱ si̱ lyuut naa. Zi̱ lyen nang kyang gu hyia̱ a̱ni, yet a̱tsak a̱lyiat wa za̱m!

Yoona 21:8

Á̱kum mman ta̱m ka si̱ bai ba̱ si̱ kwak a̱ka̱li ka tyentyang ma̱ng fa̱n hu; mat nang ba̱ shya̱ gbang ma̱ng khwong hu bah, ku ku yet nang a̱ka̱tyong nchyi a̱ni.

Nta̱m A̱yaata̱m 10:36

Nyi lyen ta̱m jini ja yet A̱sham Nkhang ka da̱nian á̱niet Isi̱rela ba; nyia̱ á̱ shyat swat nyinyang ma̱ng A̱gwaza mat mun á̱pyia̱ ma̱ng Yesu Kristi. Nggu wa yet A̱tyoli a̱mgba̱m á̱nietbishyi.

Nta̱m A̱yaata̱m 2:36

“Mat a̱nia, ku myim nyin á̱niet Isi̱rela, nyi lyen za̱m nang Yesu wuni nang nyi kpang da̱ a̱team a̱khwu wu a̱ni; A̱gwaza khai ngguu a̱ yet A̱tyoli ma̱ng Kristi, a̱tyu nang A̱gwaza kup gu tyok a̱ni!”

1 A̱korontiyawa 15:47

A̱da̱mu, a̱ ku yet a̱son ka a̱ni, yet mbyin nia. A̱wot Kristi, a̱ yet ngaan wu a̱ni, si̱ neet Ma A̱gwaza tswazwa kya.

2 A̱korontiyawa 5:14

Ku di̱ kuzang vak hwa, chat hu nang Kristi nchat zi̱t a̱ni, huhwa tyia̱ zi̱t gba̱gbak, zi̱ ya a̱son. Mat ma̱nang zi̱ nnwuak a̱chuchuk nang Kristi nkhwu da̱nian a̱mgba̱m á̱niet ba a̱ni; ma a̱nia wa, zi̱ si̱ bu nwuak a̱chuchuk nang a̱mgba̱m nzi̱t ka̱n kwi, zi̱ si̱ ghwon a̱khwukhwop za̱kwa a̱ka̱tuk nyia̱ nzi̱t wu.

Yakubu 2:1

Nyin á̱niet khwi Yesu ba nang n chat a̱ni! Ki̱ nyi khai á̱niet da̱ á̱ghyi ghwon á̱ghyang, nyi na nyia̱ ni nyi ntak nwuak fwuo nyin hu da̱ A̱tyoli Yesu Kristi a̱ byia̱ a̱kyenkyai shi wu a̱ni?