Yoona 21:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ A̱wot a̱ si̱ nyia̱ ma̱ng a̱mba, “Zám jini, nyi bwuo a̱fa̱n baa?” Ba̱ si̱ nyia̱, “Kaai, zi̱ ka̱n bwuo kyang bah.”

Yoona 21:5 Iomraidhean Croise

Matyu 14:15

Jenshyung a̱tuk a̱kya, mman ta̱m Yesu na si̱ bai á̱ ba̱ shya̱ gu, ba̱ si̱ nyia̱, “A̱vwuo kani sang a̱yin. Mam hwa hu a̱ naat a̱ kwa. Ma̱sa̱kut, ti̱n á̱kpa á̱niet ka ba̱ nkat ma̱ a̱ka̱keang ba̱ si̱ kwai á̱pyia̱ mba nkyayak a̱ja.”

Ma̱rkut 8:7

Ba̱ si̱ bu shya̱ ma̱ng fa̱n ma̱ a̱da̱dei. Yesu si̱ bu gwai A̱gwaza di̱ fa̱n hu, a̱ si̱ nyia̱ ma̱ng mman ta̱m na, ba̱ ka̱u á̱niet ba.

A̱filibiyawa 4:19

A̱wot A̱gwaza nung wu na nang nyin a̱mgba̱m kuzang kyang nang nyi chat a̱ni, mami a̱gba̱mgbam zwá nggu wu, mat mun á̱pyia̱ nzi̱t hu ma̱ng Kristi Yesu.

Ibriniyawa 13:5

Nyi yok la̱u shyuo kurum bah. Nyi swan ma̱ng a̱swa, nyi gwai ma̱ng zwá nang nyi byia̱ a̱ni. Mat A̱gwaza nyia̱, “Nung, n si̱ mi̱n nwai beang ang bah. Da̱ nung, n na kai ang ghwon bah.”

1 Yoona 2:13

N dyuut nyin dyo, nyin nyi yet a̱yaatyia̱ nyi tat a̱ghyi di̱ nwuak fwuo di̱ Yesu a̱ni, mat nyi lyen Kristi, a̱tyu a̱ nshya̱ neet di̱n tsa swanta hu a̱ni. N dyuut nyin dyo, nyin á̱niet nyi yet nfi̱ng di̱ nwuak fwuo di̱ Yesu a̱ni, mat nyi wa ka̱n swuo chet A̱ta̱nyeang ka.

1 Yoona 2:18

Nyin mman nung nyi yet á̱niet khwi Yesu nang n chat a̱ni, ngaan jen wu nyia̱. Nyi wa ka̱n fa̱k nang A̱tyu lak li Kristi wu nchobai. A̱wot á̱niet lak li Kristi ma̱ a̱di̱di̱t wa ka̱n bai za̱m. Huhwa mbyia̱ nang zi̱ ndyen nang nngaan jen wu wa nang zi̱ nshya̱.