Yoona 21:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ Nkyang njhyang ma̱ a̱di̱di̱t nang Yesu ku nyia̱ a̱ni. Ka̱ á̱ wa lyuut na a̱mgba̱m, n fa a̱mgba̱m swanta hu si̱ mi̱n kyiak nta̱ka̱da na nang á̱ ndyuut a̱ni bah!

Yoona 21:25 Iomraidhean Croise

Matyu 11:5

Á̱niet a̱fi̱fan shyat nwuan a̱vwuo. Á̱niet a̱ti̱tak ba̱ ta̱luk a̱ni si̱ chong. Á̱ si̱ choot á̱niet gbap, ba̱ si̱ tyia̱ za̱za̱rak. A̱yaashi̱lan si̱ nwuo fwuong a̱vwuo. Á̱ ya̱ngam á̱niet ba̱ ka̱n kwi a̱ni ma̱ng swuan. A̱wot á̱ si̱ bu shei á̱kunak na A̱sham Nkhang ka.

Matyu 19:24

N bu shei nyin, ku na laai lan a̱lakumi a̱ nwuo a̱ kaat a̱ ghwut mi̱ zwua̱i a̱yop, nang a̱tyu nzwá na nnwuo mi̱ Tyok A̱gwaza hu a̱ni.”

Ma̱rkut 5:16

Á̱niet ba̱ ku li kyang hu á̱ nyia̱ a̱ni, si̱ tak ma̱ng á̱kum á̱niet ka kyang ku shya̱ a̱tyu byia̱ á̱ka̱tuk ntswá ba a̱ni, ma̱ng a̱sorong a̱yaakusuru ka a̱ni.

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.

Nta̱m A̱yaata̱m 20:35

A̱wot mami kuzang kyang, n si̱ ngyet kidee di̱ si̱sak ji nyi na nnyia̱ ta̱m ma̱ng chet, da̱nian nyi ka mbeang á̱niet ba̱ sang kyang a̱ni. Nyi bu jhyung a̱lyiat A̱tyoli Yesu na nyia̱, ‘Nang a̱yin kyang byia̱ kpangti̱n a̱ lan si̱sak nang a na nsan kyang ma̱ng a̱yin a̱ni.’ ”

Ibriniyawa 11:32

Yihwa nang n mbyia̱ n bu na hyia̱? N byia̱ jen bah, si̱ n na ndyiat tazwa si̱sak nang Gidiyon, Ba̱rak, Samsin, Jefta, Da̱wuda, Sa̱mwila, mbeang a̱mgba̱m á̱kum a̱yaata̱m a̱kwonu A̱gwaza ba, ba̱ ku nwuak fwuo ba̱t da̱ A̱gwaza a̱ni.