Yoona 21:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ A̱tyu wuni wa yet nggwon ta̱m ka ka̱ shei kpa̱sai a̱chuchuk tazwa a̱mgba̱m nkyang nani a̱ni; a̱ si̱ lyuut naa. Zi̱ lyen nang kyang gu hyia̱ a̱ni, yet a̱tsak a̱lyiat wa za̱m!

Yoona 21:24 Iomraidhean Croise

Yoona 15:27

A̱wot nyin mameang, ku yet ta hwa nyi na shei kpa̱sai a̱chuchuk wu nang nyi lyen tazwa nung a̱ni. Mat nyi shya̱ dundung ma̱ng a̱nung neet di̱ tsa a̱tyin ta̱m nung ka.

Yoona 19:35

(Nggu, a̱tyu a̱ li kyang nang á̱ nyia̱ ma̱ng á̱ghyi nggu ba a̱ni, nggu wa hyia̱ a̱lyiat nani. A̱wot a̱mgba̱m kyang hu gu hyia̱ a̱ni, a̱tsatsak a̱lyiat wa. A̱wot nggu ma̱ a̱pyia̱ nggu a̱ lyen nang a̱tsatsak a̱lyiat wa nang nggu ndyiat. A̱wot a̱ lyiat wa da̱nian nyin nyi ka nwuak a̱chuchuk.)

1 Yoona 5:6

Yesu Kristi bai mi̱ swanta hu, a̱wot á̱ si̱ nyia̱ nggu ba̱ptisman ma̱ng a̱sa̱khwot. A̱wot a̱ si̱ nwuak a̱sok nggu na da̱ a̱team a̱khwu wu. A̱ ku bai ma̱ng a̱sa̱khwot nia ma̱nyin na bah. A̱ ku bai ma̱ng a̱sa̱khwot nia ma̱ng a̱sok. A̱wot A̱za̱za̱rak Ntswa wu wa tak ma̱ng a̱nzi̱t nang nkyang nani ngyet a̱chuchuk, mat nang nggu wa ntak á̱niet ba a̱chuchuk wu a̱ni.

3 Yoona 1:12

A̱wot tazwa Di̱mi̱ti̱ri̱yut, konyan lyiat a̱tan a̱lyiat da̱ nggu, a̱wot a̱ ni̱ khwi a̱chuchuk wu, ku tak nang gu ngyet a̱tan a̱yin a̱ni. Nzi̱t meang, zi̱ nwuak sheda nang gu ngyet a̱tan a̱yin wa. A̱wot a lyen nang sheda nzi̱t hu ngyet a̱tsak a̱lyiat wa.