Yoona 21:22 - A̠lyiat A̠gwaza na di̠n Tyap: A̠li̠ka̠uli A̠fai

²² Yesu si̱ nwuak gu shim, nyia̱, “Ka̱ n shim gu ndyo nyia̱ a̱ na swuan si̱ nat jen n na mbwuok a̱ni; yihwa ngyet si̱ nwan hu? Nwan, khwi ma̱ nung!”

Yoona 21:22 Iomraidhean Croise

Matyu 16:24

Yesu si̱ nyia̱ ma̱ng a̱mgba̱m mman ta̱m nggu na nyia̱, “Ka̱ a̱yin byia̱ a̱di̱dam a̱ khwi nung, ku yet ta hwa gu yok a̱di̱dam chat a̱pyia̱ gu, gu ni̱ nkyiak a̱team a̱khwu nggu wu a̱ faat a̱ khwi nung.

Matyu 24:27

“Ma̱nang á̱ ni̱ ndi a̱mya̱ra̱m za gu neet a̱tyin si̱ nat jenshyung a̱ni, ma a̱nia wa Nggwon A̱tyubishyi bye mbwuok a̱ bai kpa̱sai mi̱ swanta hu.

Matyu 24:3

Nang si̱ a̱hwa nswak a̱ni, Yesu shya̱ di̱ swan di̱ Tsok Za̱itun ma̱nyin gu. Mman ta̱m nggu na si̱ bai á̱ ba̱ shya̱ nggu. Ba̱ si̱ lyip gu da̱ a̱beam nyia̱, “A̱tyoli, tak ma̱ng a̱nzi̱t, zang jen ja á̱ na mbi̱ri̱m nkyang nani? A̱wot yihwa á̱ na li ku na tak jen bwuok ang ji ma̱ng ngaan jen swanta wu?”

Matyu 24:44

Ma a̱nia wa, nyin meang ku yet ta hwa, nyi swan cham ma̱ng la̱p vam ku zang jen. Mat Nggwon A̱tyubishyi ka na bwuok a̱ bai di̱n jen nang nyi ndyen a̱ni bah.

Matyu 25:31

“Jen nang Nggwon A̱tyubishyi na mbwuok a̱ bai ma̱ng a̱kyenkyai shi nka wu ndung ma̱ng a̱mgba̱m a̱yaata̱m tswá nggu ba a̱ni, a̱ na swan da̱ a̱gba̱ndang chuk tyok nggu ji, ji̱ byia̱ shi a̱ni.

Matyu 8:22

Yesu si̱ nwuak gu shim nyia̱, “Khwi nung! Yok á̱niet ba̱ nwai khwi A̱gwaza a̱ni, ba̱ niat nkwom mba na.”

Ma̱rkut 9:1

Yesu si̱ ya a̱son mi̱ shei mba nyia̱, “N tak nyin a̱tsak a̱lyiat, á̱ghyang á̱niet ba̱ yong a̱ji ma̱nini a̱ni, ba̱ na kwi bah, si̱ nang ba̱ li Tyok A̱gwaza hu bai ma̱ng chet!”

Yoona 21:19

(Yesu ku hyia̱ si̱ huni da̱nian gu ka tak tangka̱i a̱khwu nang Bitut na̱ khwu, ka̱ ka nwuak A̱gwaza shi a̱ni). A̱wot Yesu si̱ nyia̱ ma̱ng Bitut, “Khwi nung!”

Yoona 21:21

Nang Bitut nta̱ghak a̱ si̱ li ngguu a̱ni, a̱ si̱ nyia̱ ma̱ng Yesu, “A̱tyoli, a̱tyu wuni fa?”

1 A̱korontiyawa 11:26

Mat kuzang jen nang nyi ngya burodi wu tsa nswuo ma̱ a̱kashyi a̱na̱p wu a̱ni, nyi shei a̱khwu A̱tyoli Yesu kya, si̱ nat jen nang gu na mbwuok a̱ bai a̱ni.

1 A̱korontiyawa 4:5

Mat a̱nia, nyi yok mak nyi nyia̱ shi̱ri̱ya di̱ nta̱m a̱yin a̱nggang neet nang Kristi A̱tyoli nzi̱t wu ka̱n bwuok bah. Mat nggu wa na tyai kpa̱sai nkyang nang zi̱ nyia̱ na̱ shya̱ mi̱ dyin a̱ni, a̱wot gu bu tyai a̱di̱dam mi̱ nfwuo nzi̱t wu kpa̱sai. A̱wot A̱gwaza na dyep konyan ma̱ cha̱chaat ma̱ng ta̱m hu nang gu nyia̱ a̱ni.

1 A̱ta̱solonikawa 2:19

Yihwa yet kyang tyia̱ fwuo nzi̱t hu, ku a̱gwai, ku zang nzi̱t ji, nang zi̱ bye ntam a̱zaghyi A̱tyoli Yesu a̱tuk bwuok nggu ka? Mee nyin byaa?

Yakubu 5:7

Nyin á̱niet khwi Yesu ba nang n chat a̱ni, nyi nyap nfwuo, nyi fwuong a̱tuk mam bwuok bai A̱tyoli Yesu ka. Nyi nwuan á̱niet khap ba. Nyi li si̱sak nang ba̱ ni̱ nnyap fwuo ba̱ fwuong za a̱vwuo shyim ji ma̱ng si̱ seam ji a̱ni. Ba̱ ni̱ swan ma̱ng di̱dang á̱ fwuong yak hu ku byang, ba̱ chak ba̱ ka shya̱ kpangti̱n.

Yakubu 5:8

Ma̱ a̱nia wa, nyin meang, ku yet ta hwa, nyi nyap nfwuo nyin na. Nyi gbang a̱lyia̱, mat jen bwuok A̱tyoli Yesu ji bai kpa̱mkpaan.

Tyai Á̱zanson 1:7

Nyi li! A̱ chorop ma̱ng á̱ni̱nian shi neet mi̱ kyai tswazwa a̱ chobai! A̱wot konyan na li nggu ma̱ng á̱ghyi, bi̱ri̱ng ma̱ng á̱niet ba̱ ku chyui ngguu ma̱ng zwang a̱ni. A̱wot a̱mgba̱m á̱niet swanta ba, ba̱ na twei ma̱ng byian fwuo da̱nian shi̱ri̱ya nggu ji. A̱tsak a̱lyiat, a̱nia wa ku na ndi! Samba̱rka!

Tyai Á̱zanson 2:25

A̱wot nyi khwi a̱tsatsak tyiet nang nyi shya̱ a̱ni shansham, si̱ nang n bai.

Tyai Á̱zanson 22:20

Yesu, a̱tyu a̱ tak a̱chuchuk kpa̱sai tazwa a̱mgba̱m nkyang nani a̱ni, nyia̱, “A̱tsak a̱lyiat wa za̱m, n chobai di̱ mi̱n byian jen!” Samba̱rka! Bai A̱tyoli Yesu, bai!

Tyai Á̱zanson 22:7

(Á̱ si̱ fa̱k a̱nwuat ka̱ nyia̱,) “Di! N chobai di̱ mi̱n byian jen! Á̱niet a̱li̱ba̱rka bya yet á̱niet ba̱ khwi á̱lyiat a̱yaata̱m a̱kwonu A̱gwaza na nang á̱ lyuut mi̱ ta̱ka̱da huni a̱ni.”

Tyai Á̱zanson 3:11

N chobai ma̱ninika! Nyi ba̱ng a̱chuchuk tyiet nyin wu gi̱ngi̱ng, kalak a̱ghyang a̱niet wa si̱ ba̱ ta̱wap bung tyok ji, ji̱ yet zang nyin ji a̱ni.