Yoona 21:2 - A̠lyiat A̠gwaza na di̠n Tyap: A̠li̠ka̠uli A̠fai

² Siman Bitut, ma̱ng Toma (a̱ ku byia̱ a̱lyoot nggan nang á̱ bu ngyei “A̱hyaai ka” a̱ni); ma̱ng Nataniyel a̱ ku neet mi̱ Kana mi̱ a̱keang Ga̱lili a̱ni; ma̱ng á̱fai Za̱ba̱di, ma̱ng mman ta̱m a̱feang á̱ghyang Yesu na; ku mun á̱ shya̱ a̱ja dundung.

Yoona 21:2 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Ma̱rkut 1:19

Yesu si̱ chong a̱ nat a̱zanson da̱dei, a̱ si̱ bu li Yakubu a̱fai Za̱ba̱di ma̱ng a̱na̱nyiuk nggu wu Yoona, nang ba̱ shya̱ mi̱ kukwon a̱wak mba hu, á̱ jhyi á̱ka̱li bwoi fa̱n mba na.

Luka 5:10

Á̱kpa̱ndang bwoi fa̱n Bitut ba mameang, Yakubu ma̱ng Yoona, ba̱ yet á̱fai Za̱ba̱di ba a̱ni, si̱ fa̱k a̱ga̱de. Yesu si̱ nwuak Bitut shim nyia̱, “Yok fa̱k a̱wun bah! Ma̱ninika si̱ nat á̱zanson, a na nya̱baat á̱niet bya chong ndyo da̱ a̱vwuo nung; ma̱nang a bwoi fa̱n hu a̱ni!”

Yoona 1:45

Filibut mameang si̱ nat a̱ si̱ shya̱ Nataniyel. A̱ si̱ nyia̱ ma̱ng a̱nggu a̱ni, “Zi̱ shya̱ a̱tyu nang Musa ku lyuut nkhang nggu na mami ta̱ka̱da doka ji a̱ni! A̱yaata̱m a̱kwonu A̱gwaza si̱ bu lyuut nkhang nggu na! Nggu wa yet Yesu A̱tyu Na̱za̱ra̱t, nggwon Isuu!”

Yoona 11:16

A̱jawa nang Toma, a̱ byia̱ a̱lyoot nggan nang á̱ ngyei “A̱hyaai ka” a̱ni, si̱ nyia̱ ma̱ng á̱kum mman ta̱m ka a̱ni, “Nzi̱t mameang, zi̱t nat zi̱ kwi dundung ma̱ng a̱nggu!”

Yoona 2:1

A̱tuk mam tat si̱ kaat a̱ bai, á̱ si̱ nyia̱ nyeang ma̱ a̱keang Kana ka̱ shya̱ mi̱ fam a̱byin Ga̱lili a̱ni. A̱yang byin Yesu si̱ nat nyeang hu,

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Yoona 4:46

Yesu si̱ bu bwuok a̱ nat a̱keang Kana mi̱ fam a̱byin Ga̱lili, a̱keang ka nang gu ku mbwuak a̱sa̱khwot na, na̱ si̱ tyia̱ a̱sa̱khwot a̱na̱p na a̱ni. Á̱ ku byia̱ a̱tyu ta̱m tyok ma̱ a̱keang Ka̱fanahum. A̱ si̱ byia̱ nggwon seam nang ka̱ fa̱k nyinyang bah.