Yoona 21:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ “N hyia̱ ma̱ng a̱nwan a̱tsak a̱lyiat; jen nang a ku ngyet fi̱ng nggwon seam a̱ni, a ni̱ kup a̱toot nang a chat a̱ni. A nat koji wa nang a chat nat a̱ni. A̱wot ka̱ a ba̱ kwop, a na neap mbwak ang na, a̱yin a̱ kup ang a̱yaatoot ang ba, a̱ nat ma̱ng a̱nwan da̱ a̱vwuo nang a chat a̱ni bah.”

Yoona 21:18 Iomraidhean Croise

Luka 12:37

Á̱khwo ba ba̱ shya̱ di̱ swan fwuong bwuok a̱tyoli mba hu a̱ni, á̱ na nang ba zang. N tak nyin a̱tsak a̱lyiat; a̱tyoli wu ma̱ a̱pyia̱ nggu, na tyia̱ ba̱ swan, a̱wot gu kup a̱yaatoot nta̱m nggu ba, a̱ bai a̱ ka̱u mba nkyayak na, ba̱ ya!

Yoona 13:36

Siman Bitut si̱ lyip Yesu nyia̱ “Nwan A̱tyoli nung, a naat a̱ji wa?” Yesu si̱ nwuak gu shim hu nyia̱, “A si̱ mi̱n khwi nung di̱ yong huni, a nat tyan ji nang n naat a̱ni bah. Di̱n jen jhyang ja nang a bye nkhwi nung, a nat dundung ma̱ng a̱nung.”

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 21:19

(Yesu ku hyia̱ si̱ huni da̱nian gu ka tak tangka̱i a̱khwu nang Bitut na̱ khwu, ka̱ ka nwuak A̱gwaza shi a̱ni). A̱wot Yesu si̱ nyia̱ ma̱ng Bitut, “Khwi nung!”

Nta̱m A̱yaata̱m 21:11

Nang gu mbai da̱ a̱vwuo nzi̱t a̱ni, a̱ si̱ kyiak a̱zwuan Bulut ka, a̱ si̱ nda̱p a̱ti̱tak ma̱ng mbwak gu na. A̱jawa gu nyia̱, “A̱za̱za̱rak Ntswa A̱gwaza wu tak á̱zanson nyia̱, ‘A̱tyu a̱ byia̱ a̱zwuan kani a̱ni, a̱ni wa nang a̱yaakwak a̱son A̱yahudawa ba na nda̱p gu ma̱ a̱keang Urusha̱lima ka, a̱wot ba̱ tyia̱ nggu mbwak Nnwap na̱ nwai yet A̱yahudawa a̱ni.’ ”

2 A̱korontiyawa 5:4

Nang zi̱ nswan mami á̱suswak nvam swanta nani a̱ni, zi̱ tu a̱nwurung, zi̱ si̱ twei ma̱ng a̱khwu tsa bu nshya̱i swuan. A̱wot ku li á ngyei zi̱ chat a̱khwu kya, zi̱ bu ghwon nvam nani na̱ kup zi̱t a̱ni. Da̱ a̱kwonu a̱kya, zi̱ chat zi̱ kup nvam nfai nzi̱t na, da̱nian swuan ji na nwuan nvam nani na̱ kwi a̱ni, da̱ a̱ka̱nyiung.