Yoona 21:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 21:17 Iomraidhean Croise

Matyu 25:40

“A̱wot nung A̱gwam wu, n na nwuak mba shim nyia̱, ‘N tak nyin a̱tsak a̱lyiat, jen nang nyi ku mbeang a̱tyu a̱ swak ma̱ng yet a̱da̱dei hu ma̱ á̱na̱nyiuk nung mba a̱ni, nung gwa nyi ku beang.’

Ma̱rkut 14:72

Mi̱ di̱ yong a̱hwa a̱gbak si̱ bu tyiap a̱ka̱feang ka. A̱wot Bitut si̱ kin jhyung a̱lyiat nang Yesu ku hyia̱ ma̱ng a̱nggu a̱ni nyia̱, “Neet nang a̱gbak ka̱n tyiap a̱ka̱feang bah, a na fwuo lyen nung a̱ka̱tat.” A̱ si̱ mat kun, a̱ si̱ ta̱bat a̱nak.

Yoona 12:8

Á̱kunak na shya̱ dundung ma̱ng a̱nyin kuzang jen. A̱wot nung n na shya̱ dundung ma̱ng a̱nyin kuzang jen bah.”

Yoona 13:38

Yesu si̱ nyia̱ ma̱ng a̱nggu a̱ni, “A̱tsatsak a̱lyiat wa, a la̱p vam a khwu da̱nian nung a? N chat n tak ang tsatsak a̱lyiat; neet nang a̱gbak ka̱n tyiap bah, a na fwuo lyen nung bwuo a̱ka̱tat!”

Yoona 14:15

“Ka̱nang nyi chat nung, ku myim nyi khwi doká nung ji.

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 16:30

Ma̱nini kikya nang zi̱ nfi̱k nang a ndyen kuzang kyang ka̱ doot a nwuak shim nang a̱yin ka̱n dyip ang kyang bah. Si̱ huni tyia̱ zi̱ si̱ nwuak a̱chuchuk nang a neet Ma A̱gwaza tswazwa kya.”

Yoona 18:27

Huhwa Bitut si̱ bu fwuo nyia̱, “Kaai!” Mi̱ di̱ yong a̱hwa, a̱gbak si̱ kin tyiap!

Yoona 18:4

Yesu mameang ku lyen a̱mgba̱m kyang hu ku na shya̱ nggu a̱ni. Huhwa si̱ mbyia̱ a̱ si̱ ghwut mami mman ta̱m nggu na a̱ bai a̱zanson. A̱ si̱ nyia̱ ma̱ng a̱mba, “A̱nyan wa nang nyi chat?”

Yoona 21:18

“N hyia̱ ma̱ng a̱nwan a̱tsak a̱lyiat; jen nang a ku ngyet fi̱ng nggwon seam a̱ni, a ni̱ kup a̱toot nang a chat a̱ni. A nat koji wa nang a chat nat a̱ni. A̱wot ka̱ a ba̱ kwop, a na neap mbwak ang na, a̱yin a̱ kup ang a̱yaatoot ang ba, a̱ nat ma̱ng a̱nwan da̱ a̱vwuo nang a chat a̱ni bah.”

Yoona 4:16

Yesu si̱ nyia̱ ma̱ng a̱nggu a̱ni, “Nat, a yorong a̱tyok ang wu, nyi bai a̱ji dundung ma̱ng a̱nggu.”

Nta̱m A̱yaata̱m 1:24

A̱mgba̱m a̱yaata̱m ba si̱ naai A̱gwaza nyia̱, “Zi̱ naai ang A̱gwaza a yet A̱tyoli a̱ni, a lyen fwuo konyan. Zi̱ chat a tak ma̱ng a̱nzi̱t mami á̱niet a̱feang bani; a̱tyu nang a ka̱n khai a̱ni.

Nta̱m A̱yaata̱m 11:10

Á̱ nyia̱ si̱ a̱hwa á̱ bwuo a̱ka̱tat, á̱ sii du khwat a̱kpa̱kpai a̱toot wu ma̱ng a̱mgba̱m nyám ji̱ shya̱ ma̱ nggu a̱ni, á̱ nat ndyo tswazwa.

Nta̱m A̱yaata̱m 15:8

“A̱gwaza wu a̱ lyen nfwuo á̱nietbishyi na a̱ni, a̱ si̱ shim nang gu na nsan Nnwap na̱ nwai yet A̱yahudawa a̱ni, mat si̱sak nang gu nnang mba A̱za̱za̱rak Ntswa wu; ma̱nang gu ku nnang nzi̱t a̱ni.

2 A̱korontiyawa 1:12

Ka̱ zi̱ doot zi̱ gbang a̱lyia̱ zi̱ hyia̱ ma̱ng a̱di̱dam a̱ nwai kpaat zi̱t mi̱ fwuo a̱ni, nang zi̱ nswan a̱za̱za̱rak nswat nang A̱gwaza nwuat a̱ni. Zi̱ bu ni̱ nyia̱ a̱chuchuk mami a̱mgba̱m nkyang nang zi̱ nyia̱ a̱ni. Zi̱ ka̱n ta̱yuk di̱n shok A̱gwaza ja, kang ma̱ng mumwang a̱tyubishyi. A̱nia wa zi̱ ni̱ nswan a̱zaghyi á̱niet swanta ba, a̱wot a̱zaghyi nyin ma̱ á̱pyia̱ nyin.

A̱fisawa 4:30

Nyi ta̱bam kalak nyi du byian A̱za̱za̱rak Ntswa wu fwuo, mat swat nyin hu. Mat A̱za̱za̱rak Ntswa wu a̱ shya̱ ma̱ nyin a̱ni, nggu wa yet a̱timi a̱ tak nang nyi ngyet á̱niet A̱gwaza bya a̱ni. Nggu wa bu na tak nang nyi na nshya̱ san nyi yet á̱sa̱t á̱niet a̱tuk mam shi̱ri̱ya A̱gwaza ka.

1 Bitut 1:6

Nang ku ndi a̱nia a̱ni, si̱ nyi gwai nyi swan ma̱ng a̱lyia̱ sai di̱ shya̱ san huni. A̱mgba̱m ma̱ng a̱nia, di̱ a̱bada̱dei njen ma̱nini, nyi na gbang a̱lyia̱ di̱n jen nang á̱ nya̱shuk nyin ma̱ a̱di̱di̱t a̱ni.

2 Bitut 3:1

Nyin á̱niet khwi Yesu ba nang n chat a̱ni, wusika jini ja yet sweang ji nang n dyuut nyin dyo a̱ni. Mami a̱mgba̱m ji sweang, n kwan n tyia̱ nyin á̱za̱za̱rak ma̱ng á̱tsatsak a̱di̱dam, nyi bu jhyung tyiet huni.

Tyai Á̱zanson 2:23

N na hyaai á̱niet ba̱ khwi tyiet gu hu a̱ni. A̱wot a̱mgba̱m á̱niet khwi ba na lyen, nang nung gwa ngyet a̱tyu a̱ zop fwuo ma̱ng a̱di̱dam konyan a̱ni! Mat a̱nia, n na ntan konyan zang ma̱ cha̱chaat ma̱ng ta̱m hu nang gu nyia̱ a̱ni.

Tyai Á̱zanson 3:19

N ni̱ ntyiet, n bu gba á̱niet ba nang n chat wa a̱ni. Mat a̱nia, nyi kwan ba̱t nyi ghwon a̱ka̱tuk nyia̱ nyin wu, nyi khwi A̱gwaza!