Yoona 21:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ Nang ba̱ ntyak ya kyayak hu a̱ni, Yesu si̱ nyia̱ ma̱ng Siman Bitut, “Siman a̱fai Yoona, a̱tsak a̱lyiat, a chat nung swak á̱si̱ bani a?” A̱ si̱ shim, nyia̱ “Ii, A̱tyoli a lyen nang n chat ang!” Yesu si̱ nyia̱ ma̱ng a̱nggu, “Ka̱u mman zón seap nung na kyayak.”

Yoona 21:15 Iomraidhean Croise

Matyu 10:37

Ka̱ a̱yin chat a̱tyia̱ ku a̱yang gu a̱ swak nung, a̱tyu a̱wa maai a̱ khwi nung bah. Ku ka̱ a̱nyuu chat nggwon a̱sam, ku nggwon a̱nap nggu ka a̱ swak nung, a̱ maai a̱ yet a̱si̱ nung bah.

Matyu 16:17

Yesu si̱ nwuak gu shim nyia̱, “Siman a̱fai Yunana a yet a̱tyu a̱li̱ba̱rka wa, mat a̱tyubishyi wa tyai ang a̱lyiat nani bah. A̱tyia̱ nung wu a̱ shya̱ tswazwa ka a̱ni, nggu wa tyai ang ndyo.

Matyu 18:10

“Nyi ta̱bam, nyi yok jhyuai a̱tyo nyiung ma̱ a̱chyuang mman wuni bah! Mat n tak ma̱ng a̱nyin, nang a̱yaata̱m tswá mba ba nwuai a̱zaghyi A̱tyia̱ nung ka a̱ shya̱ tswazwa ka a̱ni da̱nian mba kuzang jen.

Matyu 26:33

Bitut si̱ nyia̱ ma̱ng Yesu, “Ku a̱mgba̱m á̱niet ba lak khwi ang hu, nung, n na mak kai ang ghwon bah!”

Matyu 26:35

Bitut si̱ nyia̱ ma̱ng a̱nggu, “Kaai A̱tyoli! Ku n na khwu wa da̱nian ang, n si̱ mi̱n mak fwuo lyen ang bah!” Ma a̱nia wa a̱mgba̱m á̱kum mman ta̱m ka si̱ nhyia̱.

Ma̱rkut 14:29

Bitut si̱ nyia̱ ma̱ng a̱nggu, “Ku a̱mgba̱m á̱niet ba lak khwi ang hu, n na mak kai ang ghwon bah!”

Luka 12:32

“Mat a̱nia, nyin a̱bachunchwiit a̱sorong zón seap, nyi yok fa̱k a̱wun bah. Mat A̱tyia̱ nyin wu a̱ shya̱ tswazwa ka a̱ni, shya̱ ma̱ng a̱gba̱ndang a̱gwai a̱ na nwuak nyin Tyok nggu hu.

Luka 22:32

A̱wot nung, n wa ka̱n naai A̱gwaza da̱nian ang Siman; a na but mi̱ fwuo di̱ nwuak fwuo ang hu da̱ nung bah. Mat a̱nia, jen nang a bye mbwuok a bu nwuak fwuo ang da̱ nung mi̱ chet a̱ni, a ba̱ beang á̱kpa̱ndang ta̱m ang ba, ba̱ yong mi̱ chet di̱ nwuak fwuo mba hu da̱ nung.”

Yoona 1:42

A̱ si̱ nat ma̱ng Bitut da̱ a̱vwuo Yesu ka. Nang Yesu ndi Bitut a̱ni, a̱ si̱ nyia̱ ma̱ng a̱nggu, “Nwan wa yet Siman nggwon Yoona kaa? Á̱ na ngyei ang ‘Kefat.’ ” (A̱lyoot ka nat cha̱chaat ma̱ng a̱lyoot Bitut ka, ka̱ fa “A̱fang”).

Yoona 13:37

Bitut si̱ bu lyip Yesu nyia̱, “A̱tyoli nung, yihwa mbyia̱ nang n si̱ mi̱n khwi ang ma̱ninika bah? Di̱ yong huni, n da̱p vam n khwu dundung ma̱ng a̱nwan!”

Yoona 16:27

“Nggu A̱tyia̱ wu fa̱k da̱ nyin ma̱ a̱pyia̱ nggu, mat si̱sak nang nyi nfa̱k da̱ nung a̱ni, a̱wot nyi si̱ bu nwuak a̱chuchuk nang n neet da̱ a̱vwuo gu kya.

Yoona 21:12

Yesu si̱ nyia̱ ma̱ng a̱mba, “Nyi bai nyi tyat a̱ta̱mpyia̱!” Á̱ mbyia̱ nggwon ta̱m ka̱ du gbang a̱lyia̱ ka̱ lyip gu, “Nwan wa a̱nyan?” bah, mat ba̱ ku lyen nang A̱tyoli Yesu wa!

Yoona 21:7

Nggwon ta̱m ka nang Yesu ku chat a̱ swak a̱ni, si̱ nyia̱ ma̱ng Bitut, “A̱tyoli Yesu wa!” Mi̱ di̱ yong a̱hwa nang Bitut nfa̱k nang Yesu wa a̱ni, a̱ si̱ kup a̱yaatoot nggu ba, (nang gu khwuk a̱yaatoot gu ba, a̱ koot); a̱wot a̱ si̱ fi̱p a̱ kwa ma̱ a̱sa̱khwot na!

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Nta̱m A̱yaata̱m 20:28

“Nyi cham pyipyia̱ nyin, ma̱ng a̱mgba̱m á̱niet khwi A̱gwaza ba. Nyi chok sot á̱niet khwi A̱gwaza ji, nang gu san ma̱ng a̱za̱za̱rak a̱sok Yesu a̱ yet Nggwon nggu ka a̱ni. Á̱niet khwi bibya nang A̱za̱za̱rak Ntswa wu tyia̱ nyin ndyo mbwak. Nyi yet ba a̱yaakwak a̱son.

Nta̱m A̱yaata̱m 20:29

“N dyen ka̱ n doot á̱niet tyiet a̱ka̱laa ba̱ nyia̱ nang a̱ka̱bwu a̱yit a̱ni, ba̱ na nwuo mami nyin. Ba̱ na tyia̱ á̱niet khwi ba swuo a̱bung.

A̱romawa 14:1

Á̱niet khwi ba̱ but mi̱ fwuo ku Kristi shim mba ndyo ba̱ nyia̱ nkyang njhyang a̱ni, nyi san mbaa. A̱wot nyi yok ya fwuang ma̱ng a̱mba di̱ kyang nang ba̱ dam ku yet a̱tan ku hu yet a̱ka̱tuk a̱ni bah.

A̱romawa 15:1

Nzi̱t á̱niet khwi zi̱ nwuak a̱chuchuk nang Kristi shim nzi̱t ndyo zi̱ nyia̱ nkyang njhyang a̱ni, ku myim zi̱ nyap fwuo ma̱ng á̱niet khwi ba̱ but mi̱ fwuo di̱ nkyang njhyang nang Yesu shim mba ndyo a̱ni. Zi̱ yok nyia̱ mi̱ nkyang na̱ myim nzi̱t wa a̱ni bah.

1 A̱korontiyawa 8:11

Mat a̱nia, ya kyayak ang hu nang á̱ neap a̱yaagwaza sang swuan a̱ni, na tyia̱ a̱tyu khwi a̱ but mi̱ fwuo di̱ nkyang nang á̱ shim gu ndyo a̱ni, gu ghwon khwi Yesu wu, a̱tyu a̱ ku khwu da̱nian gu a̱ni.

A̱ga̱la̱tiyawa 5:6

Mat, jen nang zi̱ nnwuak fwuo di̱ Yesu Kristi a̱ni, tyia̱ mi̱ chen ku nwai tyia̱ mi̱ chen, ku byia̱ nzi̱t kpangti̱n bah. Kyang ku yet a̱ swak a̱ni, huhwa yet; nwuak fwuo nzi̱t hu di̱ Kristi. Ku tyei nzi̱t zi̱ chat A̱gwaza ma̱ng á̱ghyang á̱niet.

A̱fisawa 4:14

Ka̱ a̱nia wa, zi̱ bu yok nyia̱ nang a̱bachyuang mman na̱ nwai tat á̱ghyi a̱ni bah. Da̱ á̱niet tyiet bwoi a̱ka̱laa ba̱ na bwan nzi̱t ma̱ng kuzang tangka̱i tyiet fai bwoi a̱ka̱laa mba hu, nang wun ni̱ nhyap ja̱fi̱k a̱sa̱khwot ji a̱kibwan ndyo a̱ni bah. A̱wot di̱ tyiet á̱niet bwoi a̱ka̱laa hu si̱ mi̱n daai nzi̱t; zi̱ ghwon a̱tsatsak a̱lyiat wu, mat a̱ka̱laa ma̱ng mumwang mba hu, ku tai a̱tsatsak a̱lyiat a̱ni bah.

A̱fisawa 6:24

Yok A̱gwaza a̱ fa̱k shok a̱mgba̱m á̱niet ba̱ chat A̱tyoli nzi̱t wu Yesu Kristi a̱ni, ba̱ng si̱ nat sang sangba̱p.

Ibriniyawa 13:20

Yok A̱gwaza, a̱ nwuat swat nyinyang a̱ni, nggu wa ku ta̱ngam Yesu, a̱ yet A̱tyoli nzi̱t wu a̱ni, ma̱ng swuan ma̱ á̱niet ba̱ ka̱n kwi a̱ni. Yesu a̱ bu yet a̱gba̱ndang a̱tyu chok zón seap wu a̱ni, a̱wot a̱ si̱ tsa nyia̱ ta̱m la̱p a̱li̱ka̱uli sang sangba̱p ma̱ng a̱sok nggu na.

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.

1 Bitut 1:8

Ku nang nyi nwai nwuan gu a̱ni, nyi chat gu. Ku nang nyi nwai nwuan nggu ma̱nini a̱ni, nyi si̱ nwuak fwuo da̱ nggu. Nyi bu byia̱ a̱gba̱ndang a̱lyia̱ sai, ka̱ swak kidee a̱ni.

1 Bitut 2:2

Da̱ a̱kwonu a̱kya, ma̱nang a̱chyuang mman nang á̱ sii tyei a̱ni, ku yet ta hwa nyi fwuong di̱dang swuo a̱baan ba̱t na̱ yet a̱si̱ A̱za̱za̱rak Ntswa a̱ni, da̱nian nyi ka mmeang nyi laai tat a̱jhyem sang san sangba̱p.

1 Bitut 2:25

Mi̱ njen jhyang ji̱ swak a̱ni, nyi ku li nang zón seap ji̱ bwuk a̱ni. A̱wot ma̱ninika, nyi bwuok khwi a̱tyu a̱ chok nyin, a̱ si̱ bu cham swuan nyin ji a̱ni.

1 Yoona 4:19

Zi̱ chat á̱ghyang, mat A̱gwaza wa tsa chat zi̱t hu.

1 Yoona 5:1

Konyan wa nwuak a̱chuchuk nyia̱ Yesu wa yet Kristi, a̱tyu nang A̱gwaza kup gu tyok a̱ni, a̱tyu a̱wa yet nggwon A̱gwaza kya. Konyan wa chat A̱tyia̱ wu, a̱ na chat mman nggu na meang.

Tyai Á̱zanson 2:23

N na hyaai á̱niet ba̱ khwi tyiet gu hu a̱ni. A̱wot a̱mgba̱m á̱niet khwi ba na lyen, nang nung gwa ngyet a̱tyu a̱ zop fwuo ma̱ng a̱di̱dam konyan a̱ni! Mat a̱nia, n na ntan konyan zang ma̱ cha̱chaat ma̱ng ta̱m hu nang gu nyia̱ a̱ni.