Yoona 21:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ Si̱ huni hwa ku yet a̱ka̱tat ka nang Yesu ntyai a̱pyia̱ nggu da̱ a̱vwuo mman ta̱m nggu ka, nang gu ku ndoot ma̱ng swuan ma̱ á̱niet ba̱ ka̱n kwi a̱ni.

Yoona 21:14 Iomraidhean Croise

Ma̱rkut 16:12

Nang si̱ a̱hwa nswak a̱ni, Yesu si̱ shyak li nggu hu. A̱wot a̱ si̱ tyai a̱pyia̱ nggu kpa̱sai da̱ a̱vwuo mman ta̱m nggu na a̱feang, nang ba̱ shya̱ di̱n vak neet Urusha̱lima á̱ naat a̱keang á̱ghyang.

Ma̱rkut 16:14

Á̱ si̱ labeang bah, Yesu si̱ bu tyai a̱pyia̱ nggu kpa̱sai da̱ a̱vwuo mman ta̱m swak ma̱ a̱nyiung na nang ba̱ shya̱ di̱ ya kyayak. A̱ si̱ gba mba mat nwai nwuak a̱chuchuk ma̱ng gba̱p á̱pyia̱ mba hu. Mat, ba̱ ku lak nwuak a̱chuchuk da̱ á̱niet ba ba̱ ku hyia̱ ma̱ng a̱mba nyia̱, a̱ doot ma̱ng swuan ma̱ á̱niet ba̱ ka̱n kwi a̱ni.

Yoona 20:19

Jenshyung a̱tuk Ladi ka, a̱wot mman ta̱m na si̱ tung dundung nang nyinyiit hu shya̱ di̱ nyim, mat ba̱ fwuong a̱wun a̱cha̱chet A̱yahudawa ba. A̱wot Yesu si̱ bai a̱ ba̱ yong ma̱ng a̱mba! A̱ si̱ nyia̱ “Swat nyinyang ku shya̱ dundung ma̱ng a̱nyin!”

Yoona 20:26

Nang mam a̱ni̱nai nswak a̱ni, nang mman ta̱m nggu na bu shya̱ a̱mali ka, ba̱ nyim á̱pyia̱ mba á̱ tyia̱, nang Toma shya̱ dundung ma̱ng a̱mba. A̱wot nang nyinyiit na shya̱ di̱ nyim, Yesu si̱ bai a̱ ba̱ yong ma̱ng a̱mba! A̱ si̱ nyia̱, “Swat nyinyang ku shya̱ dundung ma̱ng a̱nyin!”

Yoona 21:1

Nang si̱ huni nswak a̱ni, Yesu si̱ bu tyai a̱pyia̱ nggu da̱ a̱vwuo mman ta̱m nggu na a̱beam a̱gba̱ndang jok Ga̱lili ka. Di si̱sak gu ntyai a̱pyia̱ gu a̱ni:

Nta̱m A̱yaata̱m 1:3

Nang Yesu ku nghwut mi̱ swuo a̱bung da̱ a̱team a̱khwu wu a̱ni, a̱ si̱ tyai a̱pyia̱ nggu kpa̱sai mami mam swak naai di̱n jen di̱n jen, da̱ a̱vwuo a̱yaata̱m nggu ba! A̱wot a̱ si̱ tyai a̱pyia̱ nggu kpa̱sai di̱ nvak na̱ tak chi̱k nang nggu wa ndoot ma̱ng swuan ma̱ á̱niet ba̱ ka̱n kwi a̱ni. A̱ si̱ wa̱i mba a̱lyiat tazwa Tyok A̱gwaza hu.