Yoona 20:8 - A̠lyiat A̠gwaza na di̠n Tyap: A̠li̠ka̠uli A̠fai

⁸ A̱wot nggwon ta̱m ka ka̱ ku yet a̱son nat da̱ a̱bi ka a̱ni, si̱ mun a̱ nwuo mami. A̱ si̱ li, a̱ si̱ nwuak a̱chuchuk.

Yoona 20:8 Iomraidhean Croise

Luka 16:31

“Ibrahim si̱ nyia̱, ‘Kaai, ka̱ ba̱ lak myiai a̱fufwuo, ba̱ si̱ nyia̱ ta̱m ma̱ng doka Musa ji ma̱ng a̱lyiat a̱yaata̱m a̱kwonu A̱gwaza a̱nia; ku nang a̱yin doot ma̱ng swuan ma̱ á̱niet ba̱ ka̱n kwi a̱ni, a̱ si̱ nat da̱ a̱vwuo mba; ba̱ na myiai a̱fufwuo ba̱ nyia̱ ta̱m ma̱ng a̱lyiat nggu na bah!’ ”

Yoona 1:50

Yesu si̱ nyia̱ ma̱ng a̱nggu a̱ni, “A nwuak a̱chuchuk mat n tak ang nang n ku ndi ang di̱n jen nang a ku nswan a̱tyin a̱kwon a̱bwabwap ka a̱ni a? A na li a̱cha̱chet nkyang jhyang na̱ swak si̱ nani a̱ni!”

Yoona 20:25

Nang á̱kum mman ta̱m ka n tak ma̱ng a̱nggu a̱ni, “Zi̱ li A̱tyoli nzi̱t wu a̱ni!” Toma si̱ nyia̱ ma̱ng a̱mba, “Ka̱ n di a̱bubwong nkusa ba di̱ mbwak nggu na; n si̱ bu nsak ga̱swuong nung ji bah; a̱wot n si̱ bu nsak bwak da̱ a̱gbang tsi̱ntsa̱u nggu wu bah; n na nwuak a̱chuchuk bah!”

Yoona 20:29

Yesu si̱ bu nyia̱ ma̱ng a̱nggu, “A nwuak fwuo mat nang a ndi nung wa a̱ni a? Á̱niet a̱li̱ba̱rka bya yet á̱si̱ ba̱ nwai li nung; a̱mgba̱m ma̱ng a̱nia ba̱ si̱ nwuak fwuo da̱ nung a̱ni.”

Yoona 20:4

Ba̱ shya̱ di̱n chung mba a̱feang, a̱wot nggwon ta̱m a̱nyiung nka si̱ tyong Bitut a̱ ghwon. Kikya si̱ yet a̱son di̱n tat da̱ a̱bi ka.