Yoona 20:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ Yesu ku nyia̱ nkyang a̱ga̱de ma̱ a̱di̱di̱t nang gu nshya̱ ma̱ng mman ta̱m nggu na, á̱ lyuut na mi̱ ta̱ka̱da huni bah.

Yoona 20:30 Iomraidhean Croise

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 21:25

Nkyang njhyang ma̱ a̱di̱di̱t nang Yesu ku nyia̱ a̱ni. Ka̱ á̱ wa lyuut na a̱mgba̱m, n fa a̱mgba̱m swanta hu si̱ mi̱n kyiak nta̱ka̱da na nang á̱ ndyuut a̱ni bah!

Yoona 6:2

Á̱kpa á̱niet si̱ khwi nggu, mat ba̱ ku li a̱cha̱chet nkyang a̱ga̱de nang gu ku nyia̱ di̱ choot á̱niet nzwán ba a̱ni.

A̱romawa 15:4

Kuzang kyang nang á̱ ku lyuut gbangbang ma̱ A̱lyiat A̱gwaza na a̱ni, á̱ ku lyuut wa da̱nian á̱ ka tyiet zi̱t, zi̱ mban si̱sak ji nang zi̱ na ntyia̱ fwuo a̱ni. A̱lyiat A̱gwaza na si̱ bu tyei nzi̱t gba̱gbak nang zi̱ nswan ma̱ng nyap fwuo fwuong a̱li̱ka̱uli A̱gwaza a̱ na bai da̱ a̱nu ka a̱ni.

1 A̱korontiyawa 10:11

Nkyang nani na̱ ku shya̱ mba a̱ni, yet nzi̱t kidee ja. Á̱ si̱ bu lyuut naa da̱nian á̱ ka gba nzi̱t, nzi̱t á̱niet zi̱ shya̱ ma̱ ngaan jen wuni a̱ni.

1 Yoona 5:13

N dyuut nyin nkyang nani, nyin á̱niet ba nyi nwuak a̱chuchuk di̱ chet a̱lyoot Nggwon A̱gwaza ka a̱ni, da̱nian nyi ka lyen za̱m nang nyi mbyia̱ swuan sang sangba̱p ji.