Yoona 20:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ A̱tyo nyiung mi̱ mman ta̱m swak ma̱ a̱feang na Toma, a̱ ku byia̱ a̱lyoot nggan nang á̱ bu ngyei “A̱hyaai ka” a̱ni; ku shya̱ ma̱ng a̱mba nang Yesu ku mbai a̱ni bah.

Yoona 20:24 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 18:20

Mat tyan nang á̱niet a̱feang ku á̱niet a̱tat ntung nang á̱niet khwi nung a̱ni, n shya̱ dundung ma̱ng a̱mba a̱ja.”

Yoona 11:16

A̱jawa nang Toma, a̱ byia̱ a̱lyoot nggan nang á̱ ngyei “A̱hyaai ka” a̱ni, si̱ nyia̱ ma̱ng á̱kum mman ta̱m ka a̱ni, “Nzi̱t mameang, zi̱t nat zi̱ kwi dundung ma̱ng a̱nggu!”

Yoona 14:5

A̱jawa Toma si̱ nyia̱ ma̱ng Yesu a̱ni, “Nwan A̱tyoli, zi̱ lyen a̱vwuo ka nang a naat a̱ni bah. Zi̱ na nyia̱ ni wa zi̱ ndyen vak hu?”

Yoona 21:2

Siman Bitut, ma̱ng Toma (a̱ ku byia̱ a̱lyoot nggan nang á̱ bu ngyei “A̱hyaai ka” a̱ni); ma̱ng Nataniyel a̱ ku neet mi̱ Kana mi̱ a̱keang Ga̱lili a̱ni; ma̱ng á̱fai Za̱ba̱di, ma̱ng mman ta̱m a̱feang á̱ghyang Yesu na; ku mun á̱ shya̱ a̱ja dundung.

Yoona 6:70

Yesu si̱ nyia̱ ma̱ng mman ta̱m nggu na a̱ni, “N ku khai nyin swak ma̱ a̱feang. A̱mgba̱m ma̱ng a̱nia, a̱tyo nyiung ma̱ nyin yet A̱ta̱nyeang!”

Yoona 6:71

Yesu ku lyiat a̱lyiat nani tazwa Yahuda, a̱fai Siman Iska̱riyoti. Mat Yahuda, byi̱ri̱ng ma̱ng yet a̱tyo nyiung mami a̱ta̱m swak ma̱ a̱feang a̱bya nang Yesu ku khai a̱ni, a̱ ku yet a̱bang a̱byin a̱ na bwuk ma̱ng Yesu a̱ni.

Ibriniyawa 10:25

A̱wot zi̱ yok ghwon tung ndung hu nang á̱niet khwi a̱ni bah, ma̱nang á̱ghyang á̱niet ni̱ nnyia̱ a̱ni. Da̱ a̱kwonu a̱kya, zi̱ ni̱ ntyia̱ á̱ghyang nzi̱t gba̱gbak, ma̱ninika, nang zi̱ ndi jen bwuok A̱tyoli Yesu ji mbai kpa̱mkpaan a̱ni.