Yoona 20:23 - A̠lyiat A̠gwaza na di̠n Tyap: A̠li̠ka̠uli A̠fai

²³ Ka̱ nyi chi a̱yin a̱bun nggu wu, á̱ ma na chi nggu ndyo. A̱tyu nang nyi ba̱ng gu a̱bun nggu wu a̱ni, á̱ na ba̱ng nggu ndyo.”

Yoona 20:23 Iomraidhean Croise

Matyu 16:19

N na nwuak ang yaya Tyok Ma A̱gwaza tswazwa ba. Kyang nang a shim á̱ nyia̱ mi̱ swanta hu a̱ni, a̱nia wa A̱gwaza a̱ shya̱ tswazwa ka a̱ni na nshim á̱ nyia̱ nhu. A̱wot kyang nang a lak á̱ nyia̱ mi̱ swanta hu a̱ni, a̱nia wa A̱gwaza meang a̱ shya̱ tswazwa ka a̱ni na ndak nhu.”

Matyu 18:18

“N tak nyin a̱tsak a̱lyiat, kuzang nkyang nang nyi shim á̱ nyia̱ mi̱ swanta hu, á̱ na shim á̱ nyia̱ nhu Ma A̱gwaza tswazwa ka. A̱wot kuzang kyang nyi lak á̱ nyia̱ mi̱ swanta hu, á̱ ma na lak á̱ nyia̱ nhu Ma A̱gwaza tswazwa ka.

Yoona 20:22

Nang gu nhyia̱ a̱nia a̱ni, a̱ si̱ hyiap mba swuan. A̱ si̱ nyia̱, “Nyi san A̱za̱za̱rak Ntswa wu!

Nta̱m A̱yaata̱m 10:43

Yesu wa nang a̱mgba̱m a̱yaata̱m a̱kwonu A̱gwaza ba ku tak kpa̱sai tazwa nggu nyia̱; kuzang a̱yin wa nwuak fwuo da̱ a̱nggu, á̱ na chi a̱ka̱tuk nyia̱ nggu wu, mami chet a̱lyoot Yesu hu.”

Nta̱m A̱yaata̱m 2:38

Bitut si̱ nyia̱ ma̱ng a̱mba, “Ku yet ta hwa, konyan ma̱ nyin a̱ ghwon a̱ka̱tuk nyia̱ nggu wu, gu bai á̱ nyia̱ gu ba̱ptisman da̱ a̱lyoot Yesu; á̱ ka chi a̱ka̱tuk nyia̱ nyin wu. A̱nia wa A̱gwaza bu na nnang nyin za̱nang A̱za̱za̱rak Ntswa nggu ji.

1 A̱korontiyawa 5:4

Ku yet ta hwa nyi yorong a̱tung sot á̱niet khwi. A̱wot fwuo nung hu ma̱ng chet A̱tyoli Yesu nzi̱t hu, na shya̱ dundung ma̱ng a̱nyin.

A̱fisawa 2:20

Nyin, nyi li nang a̱li nang á̱ kpaat di̱ kuntyin a̱yaata̱m Yesu ma̱ng a̱yaata̱m a̱kwonu A̱gwaza a̱ni. A̱wot Kristi Yesu wa ma̱ a̱pyia̱ nggu yet a̱tsatsak a̱fang a̱ta̱m kuntyin nok wu.

1 Timoti 1:20

Mami mba, á̱ mbyia̱ Himinayat ma̱ng A̱liza̱nda, á̱niet ba nang n ku nvwuong ghwut ndyo mi̱ susot á̱niet khwi ji. N si̱ ntyia̱ mba mbwak A̱ta̱nyeang ka, ka̱ gba mba ba̱ ka ghwon nyia̱ A̱gwaza wu lihyat hu.