Yoona 20:22 - A̠lyiat A̠gwaza na di̠n Tyap: A̠li̠ka̠uli A̠fai

²² Nang gu nhyia̱ a̱nia a̱ni, a̱ si̱ hyiap mba swuan. A̱ si̱ nyia̱, “Nyi san A̱za̱za̱rak Ntswa wu!

Yoona 20:22 Iomraidhean Croise

Yoona 14:16

Nung mameang, n na naai da̱ a̱vwuo A̱tyia̱. Nggu meang, a̱ na ta̱m ma̱ng nyin a̱tyu a̱ na beang nyin a̱ni; gu shya̱ dundung ma̱ng a̱nyin ba̱ng si̱ nat sang sangba̱p.

Yoona 15:26

“A̱wot n na ntyia̱ A̱tyu Beang gu bai da̱ a̱vwuo nyin. A̱ na neet da̱ a̱vwuo A̱tyia̱. Nggu wa yet A̱za̱za̱rak Ntswa a̱ shei a̱chuchuk wu a̱ni. Nggu, a̱ na neet da̱ a̱vwuo A̱tyia̱ kya. Nggu wa na tak nyin kpa̱sai tazwa nung.

Yoona 16:7

A̱wot, n shei nyin a̱chuchuk; ka̱ n ghwon nyin, ku na yet nyin a̱sham za̱m. Mat, ki̱ n nkat n si̱ ghwon nyin bah, A̱tyu Beang wu na bai da̱ a̱vwuo nyin bah. Huhwa mbyia̱, ka̱ n nkat, n na nta̱m ma̱ng a̱nyin guu.

Yoona 20:21

A̱wot Yesu si̱ bu nyia̱ ma̱ng a̱mba, “Swat nyinyang ku shya̱ ma̱ng a̱nyin! Ma̱nang A̱tyia̱ wu nta̱m nung a̱ni; ma a̱nia wa, n ma nta̱m nyin!”

Yoona 20:23

Ka̱ nyi chi a̱yin a̱bun nggu wu, á̱ ma na chi nggu ndyo. A̱tyu nang nyi ba̱ng gu a̱bun nggu wu a̱ni, á̱ na ba̱ng nggu ndyo.”

Yoona 7:39

(Yesu lyiat á̱lyiat nani tazwa A̱za̱za̱rak Ntswa wu nang á̱niet ba̱ nwuak fwuo da̱ nggu na san a̱ni. Mat ba̱ng ba̱ tat jen jini á̱ ka̱n ta̱m ma̱ng A̱za̱za̱rak Ntswa wu bah. Mat á̱ ka̱n ta̱ngam Yesu ma̱ng swuan ma̱ á̱niet ba̱ ka̱n kwi a̱ni, a̱ si̱ shya̱ a̱kyenkyai shi tyok nggu wu bah.)

Nta̱m A̱yaata̱m 10:47

“Ka̱ doot a̱yin á̱ nvwuong nyia̱ á̱niet bani ba̱ptisman ma̱ninika, nang ba̱ nsan A̱za̱za̱rak Ntswa ma̱nang zi̱ ku nsan a̱ni a?”

Nta̱m A̱yaata̱m 19:2

A̱ si̱ lyip ba nyia̱, “Nyi ku san A̱za̱za̱rak Ntswa wu di̱n jen nang nyi ku nnwuak fwuo di̱ Yesu a̱ni a?” Ba̱ si̱ nwuak gu shim nyia̱, “Kaai, zi̱ ka̱n fa̱k nkhang nyia̱ A̱za̱za̱rak Ntswa nshya̱ bah.”

Nta̱m A̱yaata̱m 2:38

Bitut si̱ nyia̱ ma̱ng a̱mba, “Ku yet ta hwa, konyan ma̱ nyin a̱ ghwon a̱ka̱tuk nyia̱ nggu wu, gu bai á̱ nyia̱ gu ba̱ptisman da̱ a̱lyoot Yesu; á̱ ka chi a̱ka̱tuk nyia̱ nyin wu. A̱nia wa A̱gwaza bu na nnang nyin za̱nang A̱za̱za̱rak Ntswa nggu ji.

Nta̱m A̱yaata̱m 2:4

A̱za̱za̱rak Ntswa wu si̱ kin tyia̱ kuzang a̱yin ma̱ mba chet, ba̱ si̱ kin ta̱bat lyiat di̱ lilyem ghyáng da̱nang ba̱ mi̱ mmyiam a̱ni bah; ma̱ cha̱chaat ma̱nang A̱za̱za̱rak Ntswa wu nnang konyan za̱nang chet ji a̱ni!

Nta̱m A̱yaata̱m 4:8

A̱jawa Bitut, nang A̱za̱za̱rak Ntswa wu a̱ tyia̱ nggu chet a̱ni, si̱ nyia̱ ma̱ng a̱mba, “Nyin a̱yaakwak a̱son ma̱ng á̱khwukhwop á̱niet nzi̱t ba,

Nta̱m A̱yaata̱m 8:15

Mi̱ di̱ nwuo mba hu a̱ja, ba̱ si̱ naai A̱gwaza da̱nian á̱niet khwi á̱fai ba, ba̱ ka san A̱za̱za̱rak Ntswa wu.

A̱ga̱la̱tiyawa 3:2

N chat n dyip nyin kyang nyiung: Nyi ku san A̱za̱za̱rak Ntswa wu mat khwi doka Musa jaa? Kee da̱nian nwuak a̱chuchuk da̱ A̱sham Nkhang nang nyi ku fa̱k wa a̱ni?