Yoona 20:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ A̱wot Yesu si̱ bu nyia̱ ma̱ng a̱mba, “Swat nyinyang ku shya̱ ma̱ng a̱nyin! Ma̱nang A̱tyia̱ wu nta̱m nung a̱ni; ma a̱nia wa, n ma nta̱m nyin!”

Yoona 20:21 Iomraidhean Croise

Matyu 10:16

“Nyi fa̱k, n ta̱m nyin nang zón seap a̱ni da̱ a̱vwuo a̱ka̱bwu a̱yit. Mat a̱nia, si̱ nyi swan cham nang zwák a̱ni. A̱wot nyi sang a̱ka̱kpa̱t nang a̱yaabwa a̱ni.

Matyu 10:40

Konyan wa san nyin mbwak nfeang, nung gwa nang gu san. A̱wot konyan wa san nung mbwak nfeang, a̱ san A̱tyia̱ nung wu a̱ ta̱m nung wa a̱ni oo!

Luka 24:36

A̱wot ma̱nang ba̱ nshya̱ da̱ a̱lyiat tazwa Yesu a̱ni, a̱ si̱ kin chyok a̱ yong ma̱ tsi̱m ma̱ a̱ka̱wa̱tyia̱ mba! A̱ si̱ byiat ba nyia̱, “Swat nyinyang ku shya̱ dundung ma̱ng a̱nyin!”

Yoona 13:20

A̱tsatsak a̱lyiat wa nang n shei ma̱ng a̱nyin; konyan wa san a̱tyu nang n ta̱m ndyo a̱ni ma̱ng fwuo nyiung, ku li á̱ ngyei nung gwa gu san. Ma a̱nia wa, a̱tyu a̱ ma nsan nung ma̱ng fwuo nyiung a̱ni, a̱ mun a̱ san a̱tyu a̱ ta̱m ma̱ng a̱nung wa a̱ni.”

Yoona 14:27

“N nang nyin swat nyinyang; swat nyinyang nung huhwa nang n nwuak nyin. N nwuat nyin huu nang swanta hu nnwuat a̱ni bah. Mat a̱nia, nyi yok byia̱ a̱ka̱tuk a̱fi̱fa, ku nyi bu fa̱k a̱wun bah.

Yoona 20:19

Jenshyung a̱tuk Ladi ka, a̱wot mman ta̱m na si̱ tung dundung nang nyinyiit hu shya̱ di̱ nyim, mat ba̱ fwuong a̱wun a̱cha̱chet A̱yahudawa ba. A̱wot Yesu si̱ bai a̱ ba̱ yong ma̱ng a̱mba! A̱ si̱ nyia̱ “Swat nyinyang ku shya̱ dundung ma̱ng a̱nyin!”

Yoona 20:22

Nang gu nhyia̱ a̱nia a̱ni, a̱ si̱ hyiap mba swuan. A̱ si̱ nyia̱, “Nyi san A̱za̱za̱rak Ntswa wu!

Yoona 20:26

Nang mam a̱ni̱nai nswak a̱ni, nang mman ta̱m nggu na bu shya̱ a̱mali ka, ba̱ nyim á̱pyia̱ mba á̱ tyia̱, nang Toma shya̱ dundung ma̱ng a̱mba. A̱wot nang nyinyiit na shya̱ di̱ nyim, Yesu si̱ bai a̱ ba̱ yong ma̱ng a̱mba! A̱ si̱ nyia̱, “Swat nyinyang ku shya̱ dundung ma̱ng a̱nyin!”

Yoona 3:17

“A̱gwaza ku ta̱m ma̱ng nggwon nggu ka mi̱ swanta hu, da̱nian ka̱ ka yet a̱tyu nyia̱ shi̱ri̱ya wa bah. A̱ ku ta̱m ma̱ng a̱nka da̱nian ka̱ ka yet A̱tyusan á̱niet mi̱ swanta bya, ba̱ shya̱ swuan da̱ a̱vwuo nka kya.

Nta̱m A̱yaata̱m 1:2

ba̱ng si̱ nat a̱tuk ka nang á̱ ku nkyiak gu á̱ nat ndyo Ma A̱gwaza tswazwa a̱ni. Mat chet A̱za̱za̱rak Ntswa, Yesu ku mi̱ ngba a̱yaata̱m nggu ba nang gu khai a̱ni, á̱ sii du kyiak gu, á̱ nat ndyo Ma A̱gwaza tswazwa ka.

Nta̱m A̱yaata̱m 1:8

A̱wot nyi na shya̱ chet di̱n jen nang A̱za̱za̱rak Ntswa wu na ntyei nyin chet a̱ni. A̱wot nyi na yet á̱niet shei nkhang nung bya mi̱ Urusha̱lima, ma̱ng a̱mgba̱m á̱kum fam a̱byin Yahudiya ka, ma̱ng fam a̱byin Sa̱mariya, ba̱ng si̱ nat kuzang a̱byin mi̱ swanta hu!”

2 Timoti 2:2

Tyiet hu nang a fa̱k nang n tyiet a̱zaghyi á̱niet khwi ma̱ a̱di̱di̱t a̱ni, huhwa yet si̱ hu nang á̱tsotswat á̱niet ba san ba̱ si̱ shim a̱ni. Nwan meang, ma ntyiet á̱ghyang á̱niet ba̱ yet á̱tsotswat a̱ni, da̱nian mba meang ba̱ ma ndyen, ba̱ ka tyiet á̱ghyang á̱niet huu.

Ibriniyawa 3:1

Mat a̱nia, nyin á̱na̱nyiuk nung ba nyi yet á̱za̱za̱rak á̱niet khwi Yesu, a̱wot nyi si̱ bu yet á̱kpa̱ndang ta̱m nang A̱gwaza yorong nyi nwuo tyok tswazwa hu a̱ni; nyi nyia̱ a̱di̱dam shansham tazwa Yesu, a̱tyu nang zi̱ shei a̱ yet a̱ta̱m A̱gwaza. A̱ si̱ bu yet A̱gba̱ndang Pris a̱ni.

3 Yoona 1:14

Mat n tyia̱ fwuo ka̱ á̱ labeang bah, n na ndi nyin, a̱wot zi̱ na lyiat ma̱ng á̱ghyang a̱ghyi ma̱ng a̱ghyi.