Yoona 20:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Jenshyung a̱tuk Ladi ka, a̱wot mman ta̱m na si̱ tung dundung nang nyinyiit hu shya̱ di̱ nyim, mat ba̱ fwuong a̱wun a̱cha̱chet A̱yahudawa ba. A̱wot Yesu si̱ bai a̱ ba̱ yong ma̱ng a̱mba! A̱ si̱ nyia̱ “Swat nyinyang ku shya̱ dundung ma̱ng a̱nyin!”

Yoona 20:19 Iomraidhean Croise

Matyu 10:13

Ka̱ á̱niet a̱mali a̱bya san nyin, a̱li̱ba̱rka nyin wu a̱ swan. Ma a̱nia wa, ka̱ ba̱ lak san nyin hu, a̱li̱ba̱rka nyin wu a̱ khwi nyin.

Matyu 18:20

Mat tyan nang á̱niet a̱feang ku á̱niet a̱tat ntung nang á̱niet khwi nung a̱ni, n shya̱ dundung ma̱ng a̱mba a̱ja.”

Ma̱rkut 16:14

Á̱ si̱ labeang bah, Yesu si̱ bu tyai a̱pyia̱ nggu kpa̱sai da̱ a̱vwuo mman ta̱m swak ma̱ a̱nyiung na nang ba̱ shya̱ di̱ ya kyayak. A̱ si̱ gba mba mat nwai nwuak a̱chuchuk ma̱ng gba̱p á̱pyia̱ mba hu. Mat, ba̱ ku lak nwuak a̱chuchuk da̱ á̱niet ba ba̱ ku hyia̱ ma̱ng a̱mba nyia̱, a̱ doot ma̱ng swuan ma̱ á̱niet ba̱ ka̱n kwi a̱ni.

Yoona 14:27

“N nang nyin swat nyinyang; swat nyinyang nung huhwa nang n nwuak nyin. N nwuat nyin huu nang swanta hu nnwuat a̱ni bah. Mat a̱nia, nyi yok byia̱ a̱ka̱tuk a̱fi̱fa, ku nyi bu fa̱k a̱wun bah.

Yoona 16:22

A̱nia wa ku na ndi da̱ a̱vwuo nyin. Ma̱ninika, nyi shya̱ ma̱ng byian fwuo. A̱mgba̱m ma̱ng a̱nia, n bu na ndi nyin. A̱wot a̱yin si̱ mi̱n ti̱n nyin a̱gwai a̱nia bah.

Yoona 16:33

“N wa ka̱n tak ma̱ng nyin nkyang nani, da̱nian nyi ka shya̱ dundung ma̱ng a̱nung. Nyi na shya̱ swat nyinyang. Mi̱ swanta hu nyi na swuo a̱bung. Ma̱ng a̱nia, nyi gwai, mat n wa ka̱n swuo chet swanta hu!”

Yoona 20:21

A̱wot Yesu si̱ bu nyia̱ ma̱ng a̱mba, “Swat nyinyang ku shya̱ ma̱ng a̱nyin! Ma̱nang A̱tyia̱ wu nta̱m nung a̱ni; ma a̱nia wa, n ma nta̱m nyin!”

Yoona 20:26

Nang mam a̱ni̱nai nswak a̱ni, nang mman ta̱m nggu na bu shya̱ a̱mali ka, ba̱ nyim á̱pyia̱ mba á̱ tyia̱, nang Toma shya̱ dundung ma̱ng a̱mba. A̱wot nang nyinyiit na shya̱ di̱ nyim, Yesu si̱ bai a̱ ba̱ yong ma̱ng a̱mba! A̱ si̱ nyia̱, “Swat nyinyang ku shya̱ dundung ma̱ng a̱nyin!”

Yoona 21:1

Nang si̱ huni nswak a̱ni, Yesu si̱ bu tyai a̱pyia̱ nggu da̱ a̱vwuo mman ta̱m nggu na a̱beam a̱gba̱ndang jok Ga̱lili ka. Di si̱sak gu ntyai a̱pyia̱ gu a̱ni:

Yoona 21:14

Si̱ huni hwa ku yet a̱ka̱tat ka nang Yesu ntyai a̱pyia̱ nggu da̱ a̱vwuo mman ta̱m nggu ka, nang gu ku ndoot ma̱ng swuan ma̱ á̱niet ba̱ ka̱n kwi a̱ni.

Yoona 7:13

A̱mgba̱m ma̱ng a̱nia, á̱ byia̱ a̱tyu á̱ ku lyiat tazwa Yesu kpa̱sai a̱ni bah, mat ba̱ ku fwuong a̱wun a̱cha̱chet A̱yahudawa ba ba̱t.

Nta̱m A̱yaata̱m 1:3

Nang Yesu ku nghwut mi̱ swuo a̱bung da̱ a̱team a̱khwu wu a̱ni, a̱ si̱ tyai a̱pyia̱ nggu kpa̱sai mami mam swak naai di̱n jen di̱n jen, da̱ a̱vwuo a̱yaata̱m nggu ba! A̱wot a̱ si̱ tyai a̱pyia̱ nggu kpa̱sai di̱ nvak na̱ tak chi̱k nang nggu wa ndoot ma̱ng swuan ma̱ á̱niet ba̱ ka̱n kwi a̱ni. A̱ si̱ wa̱i mba a̱lyiat tazwa Tyok A̱gwaza hu.

A̱romawa 15:33

A̱wot ma̱ninika, yok A̱gwaza a̱ nwuat zi̱t swat nyinyang a̱ni, gu shya̱ dundung ma̱ng a̱mgba̱m nyin. [[Samba̱rka!]]

1 A̱korontiyawa 15:5

A̱ si̱ tyai a̱pyia̱ nggu kpa̱sai da̱ a̱vwuo Bitut ma̱ng á̱kum mman ta̱m swak ma̱ a̱feang ka.

A̱fisawa 2:14

Mat Kristi wa ma̱ a̱pyia̱ nggu jhyi nzi̱t swat hu. A̱ si̱ nwuak zi̱t swat nyinyang. A̱ si̱ mun á̱pyia̱ A̱yahudawa ma̱ng Nnwap na̱ nwai yet A̱yahudawa a̱ni, ba̱ si̱ tyia̱ kyang nyiung. A̱khwu Kristi kya da̱ a̱team a̱khwu, bi̱ri̱m bat na̱nvan hu ku ghai nzi̱t, zi̱ yet susot sweang jini a̱ni.

A̱fisawa 6:23

Nyin á̱niet khwi Yesu ba nang n chat a̱ni, yok A̱gwaza a̱ yet A̱tyia̱ ma̱ng A̱tyoli nzi̱t wu, Yesu Kristi, ba̱ nang nyin swat nyinyang; ba̱ tyia̱ nyin chat á̱ghyang; ba̱ bu tyia̱ nyi ya a̱son di̱ nwuak fwuo nyin hu.

A̱filibiyawa 1:2

Yok A̱gwaza a̱ yet A̱tyia̱ nzi̱t a̱ni, ma̱ng Yesu Kristi A̱tyoli nzi̱t wu, ba̱ fa̱k shok nyin, a̱wot ba̱ nang nyin swat nyinyang.

2 A̱ta̱solonikawa 3:16

Di̱ yong huni, zi̱ naai A̱tyoli Yesu a̱ nwuat swat nyinyang a̱ni, a̱ nang nyin swat nyinyang kuzang jen di̱ kuzang nvak. Yok A̱tyoli Yesu a̱ shya̱ dundung ma̱ng a̱nyin a̱mgba̱m.

Ibriniyawa 7:2

A̱jawa Ibrahim si̱ nwuak Ma̱lkiza̱dek a̱kpa a̱nyiung ma̱ a̱yaakpa nkyang swak nang gu kwok mi̱ zwang ji a̱ni. A̱lyoot “Ma̱lkiza̱dek” ka fa, “A̱gwam nyia̱ tsotswat.” Á̱ si̱ bu yei nggu “A̱gwam Sa̱lem,” a̱lyoot kani bu fa, “A̱gwam swat nyinyang.”

3 Yoona 1:14

Mat n tyia̱ fwuo ka̱ á̱ labeang bah, n na ndi nyin, a̱wot zi̱ na lyiat ma̱ng á̱ghyang a̱ghyi ma̱ng a̱ghyi.

Tyai Á̱zanson 1:4

Nung Yoona, Nung gwa n dyuut nyin wusika jini; nyin susot á̱niet khwi a̱natat, nyi shya̱ mi̱ fam a̱byin A̱siya a̱ni. Yok A̱gwaza a̱ fa̱k shok nyin, a̱ bu nwuak nyin swat nyinyang, ku neet da̱ a̱vwuo nggu; a̱tyu a̱ nshya̱ kuzang jen; a̱ nshya̱ ma̱nini, nggu wa ku nshya̱ gbangbang. Byat huni bu neet da̱ a̱vwuo Tswá a̱natat A̱za̱za̱rak Ntswa a̱ja, ji̱ shya̱ a̱zaghyi a̱gba̱ndang chuk Tyok A̱gwaza a̱ni.