Yoona 20:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ Yesu si̱ nyia̱ ma̱ng a̱nggu, “Yok vwuk nung bah, mat n ka̱n bwuok nat tswazwa da̱ a̱vwuo A̱tyia̱ ka bah. Ya mbwuok nat da̱ a̱vwuo á̱na̱nyiuk nung ba, a̱ si̱ hyia̱ ma̱ng a̱mba; n na mbwuok nat tswazwa da̱ a̱vwuo A̱tyia̱ nung ma̱ng A̱tyia̱ nyin, A̱gwaza nung ma̱ng A̱gwaza nyin.”

Yoona 20:17 Iomraidhean Croise

Matyu 12:50

Konyan wa nyia̱ ta̱m hu nang A̱tyia̱ nung wu a̱ shya̱ tswazwa ka chat a̱ni, nggu wa yet a̱na̱nyiuk nung, a̱sam ma̱ng a̱nap, ma̱ng a̱yang nung wu!”

Matyu 25:40

“A̱wot nung A̱gwam wu, n na nwuak mba shim nyia̱, ‘N tak nyin a̱tsak a̱lyiat, jen nang nyi ku mbeang a̱tyu a̱ swak ma̱ng yet a̱da̱dei hu ma̱ á̱na̱nyiuk nung mba a̱ni, nung gwa nyi ku beang.’

Matyu 28:7

Nyi nat a̱nggang, nyi si̱ tak ma̱ng mman ta̱m nggu na nyia̱, ‘Yesu doot ma̱ng swuan ma̱ á̱niet ba̱ ka̱n kwi a̱ni! Nyi fa̱k la, a̱ kyiak a̱son nyin a̱ naat mi̱ fam a̱byin Ga̱lili, a̱ja wa nyi na ndi guu!’ “Nyi jhyung ta̱m ji nang n ku nta̱m nyin a̱ni!”

Ma̱rkut 12:26

“A̱wot da̱ a̱lyiat doot ma̱ng swuan ma̱ á̱niet ba̱ ka̱n kwi a̱ni; nyi ka̱n fang mami A̱lyiat A̱gwaza na nang Musa ku lyuut tazwa nkhang nang sop ji ku ngya long hu mi̱ tswa a̱yit ji a̱ni baa? Di̱ si̱sak ji nang A̱gwaza ku ndyiat ma̱ng Musa a̱yit ka, tazwa a̱yaatyia̱ a̱khwop ba̱ ka̱n kwi a̱ni, nyia̱, ‘Nung gwa ngyet A̱gwaza Ibrahim, A̱gwaza Ishaku, ma̱ng A̱gwaza Yakubu.’

Ma̱rkut 16:19

Nang A̱tyoli Yesu ntyak lyiat ma̱ng mman ta̱m nggu na a̱ni, á̱ si̱ kyiak gu á̱ nat ndyo Ma A̱gwaza tswazwa; a̱ si̱si̱ swan da̱ a̱vwuo shi a̱zayak A̱gwaza.

Luka 10:4

Da̱ a̱chyet nyin ka, nyi yok kyiak kurum ku gumaat, ku á̱kwatak che sweang nang nyi na shai a̱ni bah. A̱wot nyi ni̱ ngyok yong nyi byiat a̱yin di̱n vak hu bah.

Yoona 13:1

Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 13:3

Yesu ku lyen nang A̱tyia̱ nggu wu ntyia̱ kuzang kyang bwak gu. A̱ si̱ bu lyen nang gu nneet da̱ a̱vwuo A̱gwaza, a̱wot a̱ bu na bwuok a̱ nat da̱ a̱vwuo A̱gwaza kya.

Yoona 14:2

Mat Mali A̱tyia̱ nung ka, a̱vwuo nswat nshya̱ ma̱ a̱di̱di̱t. Ka̱ á̱ wa nyia̱ da̱ a̱nia wa bah, si̱ n na ntak ma̱ng a̱nyin. N na nat n si̱ njhyi nyin a̱vwuo nswat.

Yoona 14:28

Nyi jhyung n hyia̱ ma̱ nyin nyia̱; n na nat mbwuok mbai da̱ a̱vwuo nyin. Ka̱ nyi wa chat nung, si̱ nyi gwai nang n naat da̱ a̱vwuo A̱tyia̱ nung a̱ni. Mat A̱tyia̱ nung wu shi a̱ lan nung.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 16:28

N ghwut neet da̱ a̱vwuo A̱tyia̱ kikya, n si̱ mbai mi̱ swanta hu. A̱wot ma̱ninika, n na ghwon swanta hu, n bwuok nat da̱ a̱vwuo A̱tyia̱ nung ka.”

Yoona 17:11

“A̱wot ma̱ninika, n bwuot chobai da̱ a̱vwuo ang. N bu na swan mi̱ swanta huni bah. Bibya ni̱ ya nswan mi̱ swanta hu. Nwan A̱za̱za̱rak A̱tyia̱ nung! Chok ba ma̱ng tyok a̱lyoot ang nhu; a̱lyoot ka nang a ku tyia̱ nung da̱nian ba̱ ka mun á̱pyia̱ ma̱ng á̱ghyang; ma̱ cha̱chaat nang nwan ma̱ng a̱nung, zi̱ mmun á̱pyia̱ ma̱ng á̱ghyang a̱ni.

Yoona 17:25

“A̱tsotswat A̱tyia̱ nung, á̱niet mi̱ swanta ba lyen ang bah. A̱wot nung, n dyen ang. Á̱niet bani mameang, ba̱ si̱ lyen nang nwan wa nta̱m nung.

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 20:27

A̱jawa Yesu si̱ nyia̱ ma̱ng Toma, “Tyia̱ ga̱swuong ang ji, a̱wot a nwuan mbwak nung na. Neap bwak ang hu a tyia̱ mi̱ tsi̱ntsa̱u nung ji. Yok, but mi̱ fwuo bah; nwuak a̱chuchuk!”

Yoona 7:33

Yesu si̱ nyia̱, “N na nswan ma̱ng a̱nyin da̱ a̱banjen ma̱ a̱da̱dei. A̱wot n na mbwuok nat da̱ a̱vwuo a̱tyu a̱ ta̱m nung a̱ni.

A̱romawa 8:29

A̱tsak a̱lyiat, A̱gwaza ku mi̱ ndyen tangka̱i á̱niet nang á̱niet nggu ba na yet á̱zanson a̱ni. A̱wot a̱ si̱ mi̱ nkhai mba neet gbangbang ba̱ li nang Nggwon nggu ka a̱ni. Da̱nian Nggwon nggu kikya ka̱ ka yet a̱niet khwop wu mami á̱na̱nyiuk ma̱ a̱di̱di̱t, á̱sam ma̱ng á̱nap.

2 A̱korontiyawa 6:18

“A̱jawa nung, A̱gwaza n swak ma̱ng chet a̱ni, si̱ bu nyia̱, ‘Nung, n bu na ngyet A̱tyia̱ nyin. A̱wot nyin nyi yet mman nung, á̱sam ma̱ng á̱nap.’ ”

A̱ga̱la̱tiyawa 3:26

Si̱sak nang nyi nnwuak fwuo di̱ Yesu a̱ni, tyia̱ nyi yet mman A̱gwaza. Mat nyi mun á̱pyia̱ ma̱ng Yesu Kristi.

Ibriniyawa 11:16

Da̱ a̱kwonu a̱kya, ba̱ ku tyia̱ fwuo da̱ a̱byin ka̱ swak mi̱ yet a̱ni. Kikya yet a̱byin Ma A̱gwaza tswazwa ka. Huhwa mbyia̱, A̱gwaza fa̱k nsum bah, a̱ yei mba á̱niet ngguu. A̱tsak a̱lyiat, a̱ wa ka̱n jhyi mba a̱keang swat.

Ibriniyawa 8:10

“Nung, A̱gwaza, n si̱ nyia̱, ‘La̱p A̱li̱ka̱uli a̱fai huni nang n na nda̱p ma̱ng á̱niet Isi̱rela ba a̱ni, mi̱ njen chobai ji, n na tyia̱ doká nung ji mi̱ nfwuo mba na, n bu ndyuut jii mi̱ nfwuo mba na. N na gyet A̱gwaza mba. Mba meang, ba̱ ma ngyet á̱niet nung.

1 Bitut 1:3

Yok á̱ dyep A̱gwaza, a̱ yet A̱tyia̱ A̱tyoli nzi̱t wu, Yesu Kristi a̱ni. Mat si̱sak nang gu nfa̱k kunak nzi̱t ba̱t, a̱ si̱ tyia̱ á̱ si̱ bu byin zi̱t a̱ka̱feang, zi̱ si̱ shya̱ swuan swai; mat nang A̱gwaza nta̱ngam Yesu Kristi ma̱ng swuan ma̱ á̱niet ba̱ ka̱n kwi a̱ni. Si̱ huni nwuak zi̱t chet tyia̱ fwuo ku yet a̱chet a̱ni.

1 Yoona 3:2

Á̱kpa̱ndang nung ba nang n chat a̱ni, nang zi̱ ngyet mman A̱gwaza nia ma̱nini a̱ni, ma̱ng a̱nia á̱ ka̱n tyai tangka̱i á̱niet nang zi̱ na yet a̱ni bah. A̱wot zi̱ lyen za̱m nang ka̱ Kristi ba̱ bwuok a̱ bai, zi̱ na tai nggu. Mat zi̱ na li nggu ma̱ cha̱chaat ma̱nang gu ndi a̱ni.

Tyai Á̱zanson 21:3

N si̱ nfa̱k a̱nwuat ka̱ kaat mi̱ chet ka̱ neet mi̱ a̱gba̱ndang chuk tyok wu, nyia̱, “Di, a̱li A̱gwaza ka shya̱ dundung ma̱ng á̱niet nggu ba! A̱ na swan ma̱ng a̱mba, a̱wot ba̱ na yet á̱niet gu bya! A̱gwaza ma̱ a̱pyia̱ nggu na shya̱ dundung ma̱ng a̱mba,

Tyai Á̱zanson 21:7

A̱mgba̱m á̱niet ba̱ swuo chet swanta hu a̱ni, ba̱ na ya gado a̱mgba̱m a̱li̱ba̱rka wuni! A̱wot n na ngyet A̱gwaza mba, mba meang, ba̱ na yet mman nung!