Yoona 20:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ Yesu si̱ nyia̱ ma̱ng a̱nggu, “Ma̱ryamu!” A̱ si̱ bwuak a̱ nat ma̱ng Yesu. A̱ si̱ kaat da̱ a̱lyem A̱yahudawa, nyia̱ “Raboni!” Huhwa yet “A̱tyu tyiet.”

Yoona 20:16 Iomraidhean Croise

Matyu 14:27

Mi̱ di̱ yong a̱hwa, Yesu si̱ kin kaat ma̱ng a̱mba nyia̱, “Nyi yok fa̱k a̱wun bah, nyi gbang a̱lyia̱, nung gwa!”

Ma̱rkut 10:51

Yesu si̱ lyip gu nyia̱, “Yihwa a chat n nyia̱ ang dyo?” A̱tyu a̱fi̱fan wu si̱ nyia̱, “A̱tyu tyiet nung, ma̱sa̱kut, n chat n shya̱ nwuan a̱vwuo!”

Luka 10:41

A̱wot A̱tyoli Yesu si̱ nyia̱ ma̱ng a̱nggu, “Ma̱rta, Ma̱rta! A byia̱ a̱fi̱fa, a si̱ dam tazwa nkyang ma̱ a̱di̱di̱t mi̱ fwuo ang hu.

Yoona 1:38

Nang Yesu mbwuak a̱ si̱ li nang ba̱ khwi nggu a̱ni, a̱ si̱ lyip ba nyia̱, “Yihwa nang nyi chat?” Ba̱ si̱ nwuak gu shim ma̱ng lyip nyia̱, “Rabi!” (Swang jini fa, “A̱tyu tyiet.”) “A̱ji wa nang a nshya̱?”

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 10:3

A̱tyu a̱ chok a̱na̱nyuo a̱ta̱mpwom ka a̱ni, ni̱ khwuk gu ndyo. A̱wot zón seap ji ni̱ fa̱k a̱nwuat nggu ka a̱ lyen. A̱wot nggu mameang, a̱ ni̱ yei kuzang zon seap da̱ a̱lyoot ji. A̱ kwak ji a̱son a̱ ghwut ma̱ng a̱nji ta̱usa.

Yoona 11:28

Nang Ma̱rta ntyak a̱lyiat na ma̱ng Yesu a̱ni, a̱ si̱ doot a̱ si̱ nat. A̱ si̱si̱ yei a̱na̱nyiuk nggu wu Ma̱ryamu nyia̱, “A̱tyu tyiet bai, a̱ chat li ang!”

Yoona 13:13

Nyi yei nung ‘A̱tyu tyiet’ ma̱ng ‘A̱tyoli.’ Nyi shei cha̱chaat, nyi ghyuap bah. A̱nia wa nang ngyet.

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Yoona 3:2

Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 5:2

A̱ja mi̱ Urusha̱lima hu, kpa̱mkpaan ma̱ng a̱zanunwuai ka nang á̱ ngyei “A̱zanunwuai Zón Seap” a̱ni. Á̱ ku byia̱ jok a̱sa̱khwot, á̱ si̱ ngyei ji “Ba̱ta̱si̱da” da̱ a̱lyem Ibriniyawa. A̱wot á̱ si̱ bu tyong ji á̱ kaat ma̱ng ndidyaat nfwuon.

Yoona 6:25

Nang á̱kpa á̱niet ka ku nshya̱ Yesu da̱ ma̱nyii a̱gba̱ndang jok a̱nyiung ka a̱ni, huhwa ba̱ nyia̱ ma̱ng a̱nggu, “A̱tyu tyiet, zang jen ja nang a bai a̱ji?”

Nta̱m A̱yaata̱m 10:3

A̱ghyang a̱tuk, chobai tswam tsat a̱ta̱mam, á̱ si̱ tak gu ma̱ a̱ma̱bwoi! A̱ si̱ li a̱ta̱m tswa A̱gwaza nang gu chobai da̱ a̱vwuo nggu! A̱ta̱m tswa A̱gwaza wu si̱ yorong ngguu nyia̱, “Ka̱rna̱liyut!”

Nta̱m A̱yaata̱m 9:4

A̱ si̱ kin shot a̱kwa a̱byin. A̱ si̱ fa̱k a̱nwuat ka̱ nyia̱ ma̱ng a̱nggu, “Sha̱wulu, Sha̱wulu! Yihwa mbyia̱ nang a ngya̱shuk nung a̱nia?!”