Yoona 20:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ Yesu si̱ lyip gu nyia̱, “A̱byii̱k, yihwa mbyia̱ nang a ntwei? A̱nyan wa nang a chat?” Ma̱ryamu si̱ fa á̱ ngyei a̱tyu cham a̱vwuo wu wa. A̱wot a̱ si̱ nyia̱ ma̱ng a̱nggu, “Ki̱ nyi kyiak gu doot ndyo, a hyia̱ ma̱ng a̱nung tyan ji a si̱ nsak hu a̱ni, a̱wot n nat n kyiak guu!”

Yoona 20:15 Iomraidhean Croise

Matyu 12:34

“Nyin á̱ka̱tuk ntsuup a̱byin bani! Á̱ na nyia̱ ni wa á̱ka̱tuk á̱niet nang a̱nyin a̱ni, nyi ndyiat kyang ku myim ku bu yet a̱tan a̱ni? Mat a̱mgba̱m kyang ku shya̱ mi̱ nfwuo nyin na a̱ni, huhwa yet a̱tyin kyang nang nyi lyiat a̱ni.

Matyu 28:5

A̱jawa a̱ta̱m tswa A̱gwaza wu si̱ nyia̱ ma̱ng á̱nyiuk ba, “Nyi yok fa̱k a̱wun bah! Mat n dyen nyi chat Yesu wa, nang á̱ ku kpang da̱ a̱team a̱khwu wu a̱ni.

Ma̱rkut 16:6

A̱wot ka̱ si̱ nyia̱ ma̱ng a̱mba, “Nyi yok fa̱k a̱wun bah! Nyi chat Yesu a̱tyu Na̱za̱ra̱t wa; nang á̱ ku kpang da̱ a̱team a̱khwu wu a̱ni. A̱ nshya̱ bah! A̱ wa ka̱n doot ma̱ng swuan ma̱ á̱niet ba̱ ka̱n kwi a̱ni! Nyi li a̱vwuo ka nang á̱ ku myiai kwom nggu hu a̱ni!

Luka 2:44

Ba̱ si̱ chong a̱kwa mam, ba̱ ngyei Yesu shya̱ ndung ma̱ng á̱niet ba ma̱ a̱chyet ka. Nang ba̱ ndi nggu a̱ni bah, ba̱ si̱ nwuo chat gu mami á̱na̱nyiuk ma̱ng á̱kpa̱ndang a̱chyet mba ba.

Luka 24:5

A̱wun si̱ ta̱bat á̱nyiuk a̱bya ba̱t. A̱wot ba̱ si̱ beak, ba̱ si̱ ta̱tong pyipyia̱ mba hu a̱byin. Á̱tyok a̱bya si̱ nyia̱ ma̱ng á̱nyiuk ba, “Yihwa mbyia̱ nang nyi nchat a̱tyu nswuan ma̱ á̱niet ba̱ ka̱n kwi a̱ni?

Yoona 1:38

Nang Yesu mbwuak a̱ si̱ li nang ba̱ khwi nggu a̱ni, a̱ si̱ lyip ba nyia̱, “Yihwa nang nyi chat?” Ba̱ si̱ nwuak gu shim ma̱ng lyip nyia̱, “Rabi!” (Swang jini fa, “A̱tyu tyiet.”) “A̱ji wa nang a nshya̱?”

Yoona 18:4

Yesu mameang ku lyen a̱mgba̱m kyang hu ku na shya̱ nggu a̱ni. Huhwa si̱ mbyia̱ a̱ si̱ ghwut mami mman ta̱m nggu na a̱ bai a̱zanson. A̱ si̱ nyia̱ ma̱ng a̱mba, “A̱nyan wa nang nyi chat?”

Yoona 18:7

Yesu si̱ bu lyip ba a̱ka̱feang nyia̱, “A̱nyan wa nang nyi chat la?” Ba̱ si̱ bu nwuak gu shim nyia̱, “Yesu A̱tyu Na̱za̱ra̱t!”

Yoona 20:13

Ba̱ si̱ lyip gu nyia̱, “A̱byii̱k, yihwa mbyia̱ nang a ntwei?” A̱ si̱ nyia̱, “Ba̱ kyiak kwom a̱tyoli nung wu á̱ doot ndyo! A̱wot ndyen tyan ji ba̱ si̱ nsak hu a̱ni bah!”