Yoona 20:13 - A̠lyiat A̠gwaza na di̠n Tyap: A̠li̠ka̠uli A̠fai

¹³ Ba̱ si̱ lyip gu nyia̱, “A̱byii̱k, yihwa mbyia̱ nang a ntwei?” A̱ si̱ nyia̱, “Ba̱ kyiak kwom a̱tyoli nung wu á̱ doot ndyo! A̱wot ndyen tyan ji ba̱ si̱ nsak hu a̱ni bah!”

Yoona 20:13 Iomraidhean Croise

Luka 24:17

Yesu si̱ lyip ba nyia̱, “Zang tangka̱i nkhang hwa nang nyi chong bwoi nyin ma̱ a̱feang di̱n vak hu a̱nia?” Ba̱ si̱ bwuok, á̱ yong ma̱ chi̱k, nang lilyia̱ hu ya mba!

Yoona 19:26

Nang Yesu ndi a̱yang byin nggu wu mbeang nggwon nta̱m nang gu chat a̱ni, kpa̱mkpaan ma̱ng a̱yang wu; huhwa gu nyia̱ ma̱ng a̱yang byin nggu wu a̱ni, “A̱yang, di nggwon ang kya ka!”

Yoona 2:4

Yesu si̱ nyia̱ ma̱ng a̱yang byin nggu wu a̱ni, “A̱yang, a̱lyiat nani yet a̱si̱ nwan nia bah. Jen nung ji ka̱n nyia̱ bah, ya ngyok.”

Yoona 20:15

Yesu si̱ lyip gu nyia̱, “A̱byii̱k, yihwa mbyia̱ nang a ntwei? A̱nyan wa nang a chat?” Ma̱ryamu si̱ fa á̱ ngyei a̱tyu cham a̱vwuo wu wa. A̱wot a̱ si̱ nyia̱ ma̱ng a̱nggu, “Ki̱ nyi kyiak gu doot ndyo, a hyia̱ ma̱ng a̱nung tyan ji a si̱ nsak hu a̱ni, a̱wot n nat n kyiak guu!”

Yoona 20:2

A̱ si̱ tyong chung a̱ nat da̱ a̱vwuo Siman Bitut, ma̱ng nggwon ta̱m ka nang Yesu chat a̱ swak a̱ni. A̱ si̱ hyia̱ ma̱ng a̱mba nyia̱, “Ba̱ kyiak kwom Yesu ma̱ a̱bi ka! A̱wot zi̱ lyen a̱vwuo ka nang ba̱ si̱ nsak gu a̱ni bah!”

Nta̱m A̱yaata̱m 21:13

A̱mgba̱m ma̱ng a̱nia, Bulut si̱ nyia̱ ma̱ng a̱mba, “Yihwa mbyia̱ nyi ntwei? Nyi tyei nung byian fwuo! N fwuong á̱ nyim nung mi̱ jaru ja ma̱nyin ji ma̱ a̱keang Urusha̱lima ka bah. A̱wot ku a̱khwu kya, n shim n khwu da̱nian A̱tyoli Yesu!”