Yoona 20:12 - A̠lyiat A̠gwaza na di̠n Tyap: A̠li̠ka̠uli A̠fai

¹² A̱jawa gu si̱ li a̱yaata̱m tswá A̱gwaza a̱feang, nang ba̱ swan ma̱ng a̱sai a̱yaatoot da̱ a̱vwuo nang á̱ ku myian Yesu a̱ni; a̱tyo nyiung a̱zapyia̱ ka, a̱tyo nyiung tatak.

Yoona 20:12 Iomraidhean Croise

Matyu 17:2

Nang ba̱ shya̱ di̱ nwuan a̱ni, á̱ si̱ shyak li Yesu hu a̱zaghyi mba. A̱ghyi nggu ba si̱ sai nang mam a̱ni. A̱wot a̱yaatoot nggu ba si̱ bwuak sai, a̱ ya á̱ghyi ma̱ mya̱myat a̱myat.

Nta̱m A̱yaata̱m 1:10

Nang ba̱ njwaat á̱ghyi á̱ nwuan naat Yesu hu mi̱ kyai tswazwa hu a̱ni, á̱niet a̱feang ba̱ kup a̱sai a̱jhya̱jhyat a̱yaatoot a̱ni, si̱ kin gyong ndung ma̱ng a̱mba!

Tyai Á̱zanson 3:4

A̱mgba̱m ma̱ng a̱nia, á̱ mbyia̱ á̱niet khwi á̱ghyang ma̱ a̱da̱dei mi̱ Sa̱disu ba̱ ka̱n tyia̱ á̱pyia̱ mba a̱na̱ndyung ma̱ng a̱shi̱shi̱k nyia̱ bah. Bibya na khwi a̱sai a̱jhya̱jhyat a̱yaatoot, ba̱ chong dundung ma̱ng a̱nung, mat ba̱ maai a̱nia.

Tyai Á̱zanson 7:14

A̱jawa n si̱ nyia̱ ma̱ng a̱nggu, “A̱tyoli, nwan wa lyen.” Huhwa gu nyia̱ ma̱ng a̱nung, “Á̱niet bani bya kwí di̱n jen a̱gba̱ndang swuo a̱bung ji. Ba̱ si̱ kwi a̱junjung a̱yaatoot mba ba ma̱ng a̱sok Fi̱ng A̱nfwuk na. Huhwa tyia̱ a̱yaatoot mba ba nsai.