Yoona 20:1 - A̠lyiat A̠gwaza na di̠n Tyap: A̠li̠ka̠uli A̠fai

¹ Ma̱ a̱tsotson a̱tson a̱tuk Ladi ka, nang a̱vwuo ka ni̱ li duduu, Ma̱ryamu Ma̱ga̱daliya si̱ nat da̱ a̱bi ka. A̱wot a̱ si̱si̱ shya̱ nang á̱ ka̱n gyuut a̱fang ka da̱ a̱nu a̱bi ka á̱ sak zan!

Yoona 20:1 Iomraidhean Croise

Matyu 27:56

Mami mba, á̱ ku mbyia̱ Ma̱ryamu Ma̱ga̱daliya, Ma̱ryamu a̱yang Yakubu ma̱ng Isuu, mbeang a̱yang Yakubu ma̱ng Yoona, á̱fai Za̱ba̱di ba.

Matyu 27:60

A̱ si̱ myiai nggu mi̱ lyak nang á̱ lung da̱ a̱fang a̱ni. A̱ si̱ yuut a̱gba̱ndang a̱fang á̱ nkup a̱nu lyak ka, a̱ si̱ nkat,

Matyu 27:64

“Mat a̱nia, tyia̱ á̱ chok a̱bi ka shansham si̱ nat a̱tuk nang mam tat hu na nswak a̱ni. Kalak mman ta̱m nggu na si̱ ba̱ bai ba̱ nyiin kwom hu. A̱wot ba̱ tak ma̱ng á̱niet ba nyia̱ á̱ ta̱ngam gu ma̱ng swuan ma̱ á̱niet ba̱ ka̱n kwi a̱ni. Ka̱ ku li a̱nia, la ngaan huni na swak si̱ ntsa hu ma̱ng yet a̱ka̱tuk.”

Matyu 27:66

Mat a̱nia, a̱kwak a̱son A̱yahudawa si̱ nyap ghwughwu a̱pyia̱ a̱gwam shan A̱romawa wu ma̱ng kang da̱ a̱fang ka. Á̱ si̱ bu nsak á̱niet nzwang ba̱ na cham a̱bi ka a̱ni.

Matyu 28:1

Nang a̱tuk Mam Fwung A̱yahudawa ka nswak a̱ni, ma̱ a̱tsotson a̱tson a̱tuk Ladi ka, Ma̱ryamu Ma̱ga̱daliya, ma̱ng Ma̱ryamu a̱nyiung wu, ba̱ si̱ nat da̱ a̱vwuo a̱bi ka nang á̱ lung da̱ a̱fang ka a̱ni.

Matyu 28:2

Mi̱ di̱ yong a̱hwa, a̱bi ka si̱ kin tyi̱ri̱m ba̱t! Ma̱nang a̱ta̱m tswa A̱gwaza a̱ghyang ku nchyok a̱ neet Ma A̱gwaza tswazwa, a̱ si̱ bai a̱ si̱ yuut a̱gba̱ndang a̱fang nang á̱ nkup a̱bi ka a̱ni, a̱ sak da̱ a̱gbang a̱nyiung, a̱ si̱ nswan tazwa.

Ma̱rkut 15:46

Isuu si̱ san a̱sha̱shet a̱toot, a̱ si̱ chyok ma̱ng kwom Yesu hu da̱ a̱team a̱khwu wu. A̱ si̱ gat hu ma̱ng a̱sha̱shet a̱toot wu. A̱ si̱ myiai nggu mi̱ lyak nang á̱ lung da̱ a̱fang a̱ni. A̱wot a̱ si̱ yuut a̱gba̱ndang a̱fang, a̱ si̱ nkup a̱nu lyak ka.

Ma̱rkut 16:9

[[A̱wot nang Yesu ku ndoot ma̱ng swuan ma̱ a̱tsotson a̱tson a̱tuk Ladi ka ma̱ á̱niet ba̱ ka̱n kwi a̱ni; a̱ sii ya ntyai a̱pyia̱ nggu kpa̱sai da̱ a̱vwuo Ma̱ryamu Ma̱ga̱daliya, a̱byii̱k wu nang gu ku kam á̱ka̱tuk ntswá a̱natat ba̱ si̱ ghwut ma̱ a̱nggu a̱ni.

Yoona 11:38

Nang Yesu ni̱ nshya̱ ma̱ng byian fwuo ba̱t, a̱ si̱ nat ma̱ a̱bi Laaza̱rut ka. A̱bi Laaza̱rut ka, ku yet a̱ghwop a̱fang kya. A̱wot á̱ si̱ kyiak a̱fang a̱ghyang, á̱ si̱ nkup a̱nu a̱bi ka.

Yoona 11:41

Ba̱ si̱ yuut a̱fang ka á̱ sak zan. Yesu si̱ gba̱t á̱ghyi Ma A̱gwaza tswazwa. A̱ si̱ nyia̱, “Nwan A̱tyia̱ nung, n gwai ma̱ng a̱nwan nang a mmyiai a̱fufwuo a si̱ fa̱k nung a̱ni.

Yoona 19:25

Á̱niet ba̱ ku yong kpa̱mkpaan ma̱ng a̱team a̱khwu Yesu wu a̱ni, bibya yet; a̱yang byin nggu wu, ma̱ng a̱yang a̱feang nggu, ma̱ng Ma̱ryamu a̱byii̱k Kilobat, ma̱ng Ma̱ryamu Ma̱ga̱daliya.

Yoona 20:26

Nang mam a̱ni̱nai nswak a̱ni, nang mman ta̱m nggu na bu shya̱ a̱mali ka, ba̱ nyim á̱pyia̱ mba á̱ tyia̱, nang Toma shya̱ dundung ma̱ng a̱mba. A̱wot nang nyinyiit na shya̱ di̱ nyim, Yesu si̱ bai a̱ ba̱ yong ma̱ng a̱mba! A̱ si̱ nyia̱, “Swat nyinyang ku shya̱ dundung ma̱ng a̱nyin!”

Nta̱m A̱yaata̱m 20:7

A̱tuk á̱ ni̱ ntsa fang mam a̱natat a̱ni, zi̱ si̱ tung ndung ma̱ng á̱niet khwi Yesu, ba̱ shya̱ ma̱ a̱keang Ta̱rowasa ka a̱ni. Zi̱ si̱ ya Kyayak A̱di̱dam A̱khwu Yesu hu ndung. Bulut si̱ shei á̱niet khwi ba a̱lyiat A̱gwaza na. A̱wot mat nang gu wu nshyip da̱ a̱tsotson tat ka gu doot a̱ ghwon mba a̱ni, a̱ si̱ lyiat, a̱ si̱ tat a̱ka̱wa̱tyia̱ a̱tyetuk!

1 A̱korontiyawa 16:2

Kuzang mam Ladi mi̱ sati, konyan ma̱ nyin gu ni̱ nkwan a̱ ti̱n kyang a̱ sak mi̱ kurum nang gu shyat a̱ni cha̱chaat mi̱ chet gu. Nyi yok fwuong si̱ nang n bai nyi sii tung huu da̱ a̱ka̱nyiung bah.

Tyai Á̱zanson 1:10

A̱tuk Ladi nang n shya̱ di̱ kwok A̱gwaza ntong mami A̱za̱za̱rak Ntswa; mi̱ di̱ yong a̱hwa, n si̱ fa̱k a̱nwuat a̱ghyang a̱ma̱nta nung ma̱ jenjai nang a̱gwa kya á̱ tyiap a̱ni!