Yoona 2:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Nang a̱tyu saai á̱nietchen wu nfwup a̱sa̱khwot nang á̱ si̱ bwuak na̱ si̱ tyia̱ a̱nya̱nyiat a̱sa̱khwot a̱na̱p wu a̱ni; a̱ si̱ lyen a̱vwuo ka nang á̱ nshya̱ na a̱ni bah. Mi̱ mman ta̱m ni̱nia ku lyen a̱vwuo ka nang á̱ mbwuo a̱sa̱khwot a̱na̱p na a̱ni. A̱tyu saai á̱nietchen wu si̱ yorong a̱tyu a̱ byia̱ nyeang hu a̱ni, da̱ gbang a̱nyiung.

Yoona 2:9 Iomraidhean Croise

Matyu 27:34

A̱wot ba̱ si̱ kwan ba̱ nang Yesu a̱sa̱khwot a̱na̱p nang á̱ kyiai ma̱ng a̱gba̱za̱zai kan nang á̱ ngyei “Gal” a̱ni, na̱ na ghyuai nggu fa̱k a̱khwu a̱ni, nang gu niaat a̱ni, a̱ si̱ lak swuo hu.

Matyu 9:15

Yesu si̱ nwuak ba shim nyia̱, “Á̱ na nyia̱ ni wa á̱kpa̱ndang a̱tyu nyia̱ nyeang fai ba̱ nswan ma̱ng byian fwuo di̱n jen nang a̱tyu nyia̱ nyeang wu ni̱ shya̱ ma̱ng a̱mbaa? Ku na tyia̱ bah! A̱wot jen na bai nang á̱ na nkyiak a̱tyu nyia̱ nyeang wu á̱ ghwon á̱kpa̱ndang ba. Jen a̱jaja nang ba̱ na nswan a̱fa a̱khwot ka.”

Yoona 2:8

A̱jawa Yesu si̱ nyia̱ ma̱ng á̱khwo nyeang ba, “Ma̱ninika, nyi bwuo na nyi nat ndyo. Nyi si̱ nwuak a̱tyu a̱ saai á̱nietchen ba mi̱ nyeang hu a̱ni.” Ba̱ si̱ bwuo a̱sa̱khwot na, ba̱ si̱si̱ nwuak guu.

Yoona 4:46

Yesu si̱ bu bwuok a̱ nat a̱keang Kana mi̱ fam a̱byin Ga̱lili, a̱keang ka nang gu ku mbwuak a̱sa̱khwot na, na̱ si̱ tyia̱ a̱sa̱khwot a̱na̱p na a̱ni. Á̱ ku byia̱ a̱tyu ta̱m tyok ma̱ a̱keang Ka̱fanahum. A̱ si̱ byia̱ nggwon seam nang ka̱ fa̱k nyinyang bah.

Yoona 7:17

Konyan wa chat nyia̱ kyang nang A̱gwaza chat a̱ni, a̱ na fi̱k tyiet huni; ka̱ ku yet si̱ A̱gwaza hwa, kee n ma ndyiat a̱kwonu a̱pyia̱ nung kya.