Yoona 2:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Da̱ a̱vwuo nyeang ka, á̱ ku byia̱ a̱khwot dudong nfang a̱sa̱khwot a̱taa, nang á̱ sak a̱ja; ma̱nang A̱yahudawa ba ka̱n meang ma̱ng ntyei a̱sa̱khwot mi̱ dudong hu á̱ saai da̱nian kwi a̱ti̱tak ma̱ng bwak a̱ni. Huhwa ku mbyia̱ ba̱ si̱ nsak hu a̱ja. Kuzang a̱dong ku kwok li̱la̱n nswak nfeang si̱ nat nswak ntat.

Yoona 2:6 Iomraidhean Croise

Luka 16:6

A̱tyu a̱wa si̱ nyia̱, ‘N ba̱ng nggu a̱ka̱kurung a̱myia̱ chyi a̱ni̱nai nia.’ Huhwa byia̱k ji si̱ nyia̱ ma̱ng a̱nggu a̱ni, ‘Kyiak ta̱ka̱da a̱ti̱ta hu, a lyang, a ndyuut a̱ka̱kurung chyi nyaai nia cha̱chaat.’

Yoona 2:7

A̱jawa Yesu si̱ nyia̱ ma̱ng á̱khwo nyeang ba, “Nyi fwuoi a̱sa̱khwot, nyi tyia̱ mi̱ dudong huni.” Ba̱ si̱ fwuoi a̱sa̱khwot na á̱ hyaai dudong hu tyentyang a̱ntyang.

Yoona 3:25

A̱jawa á̱ghyang á̱niet mami mman ta̱m Yoona na, ba̱ si̱ nwuo ya fwuang ma̱ng a̱tyu A̱yahudawa a̱ghyang tazwa a̱lyiat kwi vam di̱n vak khwi A̱gwaza.

A̱fisawa 5:26

Da̱nian gu ka neap á̱niet khwi ba mbwak Tyok A̱gwaza; ba̱ yet á̱za̱za̱rak á̱niet nang gu jaat ma̱ng a̱sa̱khwot ma̱ng a̱lyiat nggu na a̱ni.

Ibriniyawa 10:22

si̱ zi̱ shyei ma̱ sa̱t nat kpa̱mkpaan a̱zaghyi A̱gwaza ma̱ng fwuo nyiung, si̱ zi̱ nwuak fwuo da̱ nggu. Mat á̱ wa ka̱n ya̱sang a̱sok Kristi na da̱ a̱ka̱tuk a̱di̱dam nzi̱t wu, da̱nian na̱ ka jaat nzi̱t. A̱wot á̱ si̱ kwi nvam nzi̱t na ma̱ng a̱za̱za̱rak a̱sa̱khwot.

Ibriniyawa 6:2

Nyi bu chat tyiet ghyáng tazwa taada kwi vam, saai mbwak, doot ma̱ng swuan ma̱ á̱niet ba̱ ka̱n kwi a̱ni, ku shi̱ri̱ya sang sangba̱p bah.

Ibriniyawa 9:10

Mat a̱khwukhwop ta̱m pris wuni, yet ma̱ a̱lyiat kyayak nang á̱ ya, á̱ tsa á̱ swuo, ma̱ng kwi nkap di̱ nche di̱ nche na̱ yet mi̱ taada ja a̱ni. Taada jini yet doká vam ja nang ba̱ ku nyia̱ nta̱m na ma̱ng á̱nji, si̱ nat jen nang A̱gwaza na nkpaat ta̱m pris fai ku swak ma̱ng yet a̱ni.

Ibriniyawa 9:19

Jen nang Musa nfang kuzang doka A̱gwaza da̱ a̱vwuo a̱mgba̱m á̱niet ba a̱ni; a̱ si̱ kyiak a̱sok nyák ma̱ng á̱si̱ nzón, mbeang a̱sa̱khwot. A̱ si̱ kyiak a̱shong wulyin. A̱ si̱ ngat a̱chyuang a̱shyim a̱kyikyo a̱kwon nang á̱ ngyei hizop a̱ni. A̱ si̱ zwup ma̱ a̱sok na. A̱ si̱ sat di̱ ta̱ka̱da doka A̱gwaza hu ma̱ng a̱mgba̱m á̱niet ba.