Yoona 2:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ A̱mgba̱m ma̱ng a̱nia, Yesu ku byii̱k ma̱ng a̱mba bah. Mat a̱ ku lyen za̱kwa á̱nietbishyi ji shansham ba̱t!

Yoona 2:24 Iomraidhean Croise

Matyu 9:4

A̱wot nang Yesu wa ka̱n dyen a̱di̱dam mba wu, a̱ si̱ lyip ba nyia̱, “Yihwa mbyia̱ nang nyi nyia̱ a̱ka̱tuk a̱di̱dam mi̱ fwuo nyin na?

Ma̱rkut 2:8

Mi̱ di̱ yong a̱hwa, nang Yesu ndyen mi̱ fwuo nggu hu nkyang nang ba̱ nyia̱ a̱di̱dam mi̱ nfwuo mba na a̱ni, a̱ si̱ lyip ba, “Yihwa mbyia̱ nyi ndam a̱nia mami nfwuo nyin na?

Yoona 1:42

A̱ si̱ nat ma̱ng Bitut da̱ a̱vwuo Yesu ka. Nang Yesu ndi Bitut a̱ni, a̱ si̱ nyia̱ ma̱ng a̱nggu, “Nwan wa yet Siman nggwon Yoona kaa? Á̱ na ngyei ang ‘Kefat.’ ” (A̱lyoot ka nat cha̱chaat ma̱ng a̱lyoot Bitut ka, ka̱ fa “A̱fang”).

Yoona 16:30

Ma̱nini kikya nang zi̱ nfi̱k nang a ndyen kuzang kyang ka̱ doot a nwuak shim nang a̱yin ka̱n dyip ang kyang bah. Si̱ huni tyia̱ zi̱ si̱ nwuak a̱chuchuk nang a neet Ma A̱gwaza tswazwa kya.”

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 4:16

Yesu si̱ nyia̱ ma̱ng a̱nggu a̱ni, “Nat, a yorong a̱tyok ang wu, nyi bai a̱ji dundung ma̱ng a̱nggu.”

Yoona 5:42

A̱mgba̱m ma̱ng a̱nia, n dyen nang nyi nfa̱k da̱ A̱gwaza mi̱ fwuo nyin na bah.

Yoona 6:15

Nang Yesu ndyen nang ba̱ nchobai ba̱ ta̱bat guu, ba̱ ka kup gu tyok mi̱ chet; huhwa si̱ mbyia̱ a̱ si̱ tyia̱ ghyuai a̱ ghwut. A̱ si̱ nkat tazwa tsutsok ka nggu ma̱nyin nggu.

Yoona 6:64

“A̱mgba̱m ma̱ng a̱nia, á̱ghyang ma̱ nyin nwuak a̱chuchuk bah.” Mat Yesu ku mi̱ ndyen á̱niet ba̱ na lak nwuak a̱chuchuk wu a̱ni, ma̱ng a̱tyu a̱ na yet gu a̱bang a̱byin wu a̱ni.

Nta̱m A̱yaata̱m 1:24

A̱mgba̱m a̱yaata̱m ba si̱ naai A̱gwaza nyia̱, “Zi̱ naai ang A̱gwaza a yet A̱tyoli a̱ni, a lyen fwuo konyan. Zi̱ chat a tak ma̱ng a̱nzi̱t mami á̱niet a̱feang bani; a̱tyu nang a ka̱n khai a̱ni.

Nta̱m A̱yaata̱m 15:8

“A̱gwaza wu a̱ lyen nfwuo á̱nietbishyi na a̱ni, a̱ si̱ shim nang gu na nsan Nnwap na̱ nwai yet A̱yahudawa a̱ni, mat si̱sak nang gu nnang mba A̱za̱za̱rak Ntswa wu; ma̱nang gu ku nnang nzi̱t a̱ni.

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.

Tyai Á̱zanson 2:23

N na hyaai á̱niet ba̱ khwi tyiet gu hu a̱ni. A̱wot a̱mgba̱m á̱niet khwi ba na lyen, nang nung gwa ngyet a̱tyu a̱ zop fwuo ma̱ng a̱di̱dam konyan a̱ni! Mat a̱nia, n na ntan konyan zang ma̱ cha̱chaat ma̱ng ta̱m hu nang gu nyia̱ a̱ni.