Yoona 2:23 - A̠lyiat A̠gwaza na di̠n Tyap: A̠li̠ka̠uli A̠fai

²³ Nang Yesu ku nshya̱ ma̱ a̱keang Urusha̱lima di̱n jen A̱yet Ghwut Mman Isi̱rela mi̱ Khwo hu a̱ni, á̱niet ma̱ a̱di̱di̱t ku nwuak fwuo da̱ nggu, mat nkyang a̱ga̱de nang gu nyia̱ a̱ni.

Yoona 2:23 Iomraidhean Croise

Luka 8:13

“Kukwak hu nang zwá yak ji nkwa̱i a̱ni, huhwa yet kidee nfwuo á̱niet ba̱ fa̱k A̱lyiat A̱gwaza na a̱ni; ba̱ si̱ kin san naa ma̱ng a̱gwai. A̱wot nang A̱lyiat A̱gwaza na mbyia̱ á̱ni̱nan ba̱ nwuo á̱ nat gbang mi̱ nfwuo mba na a̱ni bah; huhwa ki̱ swuo a̱bung ba̱ bai, ku á̱ ya̱shuk baa, ba̱ na bwuok lilyim ma a̱nggang.

Yoona 11:45

Mat a̱nia A̱yahudawa ma̱ a̱di̱di̱t ba̱ ku bai byiat Ma̱ryamu a̱khwu Laaza̱rut ka a̱ni, nang ba̱ ku ndi kyang hu nang Yesu nyia̱ a̱ni, ba̱ si̱ nwuak fwuo da̱ nggu!

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 2:13

Nang jen song A̱yet Ghwut Mman Isi̱rela mi̱ Khwo ji nshim bai kpa̱mkpaan a̱ni, a̱jawa Yesu si̱ doot a̱ nat Urusha̱lima.

Yoona 3:2

Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 4:45

A̱mgba̱m ma̱ng a̱nia, nang gu si̱ nwuo mi̱ fam a̱byin Ga̱lili hu a̱ni; á̱niet Ga̱lili ba si̱ tyia̱ nggu aba̱n. Ba̱ si̱ san gu mbwak nfeang, mat ba̱ ku nat A̱yet Ghwut mman Isi̱rela mi̱ Khwo wu mi̱ Urusha̱lima, ba̱ si̱ li kuzang kyang nang Yesu ku nyia̱ di̱n jen a̱yet ji a̱ni.

Yoona 5:36

“A̱mgba̱m ma̱ng a̱nia, n byia̱ nkyang na̱ shei a̱chuchuk wu kpa̱sai tazwa nung, na̱ lan si̱ Yoona hu ma̱ng shi a̱ni. Huhwa yet nta̱m na nang n nyia̱ a̱ni; nta̱m na nang A̱tyia̱ nung wu ku nwuak nung n nyia̱ a̱ni. Nta̱m ni̱nia lyiat da̱ a̱kwonu nung. A̱wot na̱ si̱ tak nyin nang A̱tyia̱ nung wu wa ku nta̱m nung.

Yoona 6:14

Nang á̱niet ba a̱ja ndi a̱gba̱ndang kyang a̱ga̱de nang Yesu nyia̱ a̱ni, ba̱ si̱ nyia̱, “A̱tsak a̱lyiat wa za̱m; a̱tyu wuni yet A̱ta̱m a̱kwonu A̱gwaza wa a̱ na bai mi̱ swanta hu a̱ni!”

Yoona 6:2

Á̱kpa á̱niet si̱ khwi nggu, mat ba̱ ku li a̱cha̱chet nkyang a̱ga̱de nang gu ku nyia̱ di̱ choot á̱niet nzwán ba a̱ni.

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

A̱ga̱la̱tiyawa 5:6

Mat, jen nang zi̱ nnwuak fwuo di̱ Yesu Kristi a̱ni, tyia̱ mi̱ chen ku nwai tyia̱ mi̱ chen, ku byia̱ nzi̱t kpangti̱n bah. Kyang ku yet a̱ swak a̱ni, huhwa yet; nwuak fwuo nzi̱t hu di̱ Kristi. Ku tyei nzi̱t zi̱ chat A̱gwaza ma̱ng á̱ghyang á̱niet.

1 Yoona 3:23

A̱wot doka A̱gwaza jija ji: Ku yet ta hwa, zi̱ nwuak fwuo da̱ a̱lyoot Nggwon nggu ka, Yesu Kristi, a̱wot zi̱ bu chat á̱ghyang nzi̱t, ma̱nang gu ka̱n nwuak zi̱t doka ji a̱ni.